جعلی کاغذات پر غیر قانونی اسلحہ فروخت کرنے والوں کیخلاف کارروائی، متعدد دکانیں سیل
اشاعت کی تاریخ: 5th, May 2025 GMT
محکمہ داخلہ پنجاب نے جعلی کاغذات پر غیر قانونی اسلحہ فروخت کرنے والوں کیخلاف بھرپور کارروائی کا آغاز کیا ہے جس کے تحت لاہور، فیصل آباد، چکوال اور اٹک میں جعلی اسلحہ ڈیلرز کی نشاندھی کر کے دکانیں سیل کر دی گئی ہیں۔
محکمہ داخلہ نے متعدد ڈیلرز کے لائسنس معطل کر کے متعلقہ ڈپٹی کمشنرز کو جعلی اسلحہ ڈیلرز کیخلاف مقدمات درج کر کے قانونی کارروائی کی ہدایت کی ہے۔
محکمہ داخلہ نے غیر قانونی و جعلی اسلحہ ڈیلرز کے نام و ایڈریس بھی جاری کر دیے ہیں۔
ترجمان کے مطابق محکمہ داخلہ پنجاب کے جوڈیشل ونگ نے ضلعی انتظامیہ کی مدد سے الاسلام آرمز اینڈ ایمونیشن پیکو روڈ لاہور کو سیل کیا، ٹک ٹاکر بوبی ملک الاسلام آرمز کے نام سے جعلی دستاویزات پر غیر قانونی اسلحہ فروخت کر رہا تھا۔
اسی طرح بھاٹی گیٹ لاہور میں حاجی زرولی خان اسلحہ ڈیلر کا لائسنس معطل کر کے دکان سیل کی گئی ہے یہاں اصل مالک کی وفات کے بعد سیلز ایجنٹ غیر قانونی طور پر لائسنس استعمال کر رہا تھا۔
محکمہ داخلہ پنجاب کی جانب سے لائسنس معطل کرنے کے بعد سیل کیے گئے اسلحہ ڈیلرز میں میاں خالد اینڈ کمپنی کچہری بازار فیصل آباد، چکوال آرمری کمرشل مارکیٹ تلہ گنگ روڈ چکوال، سرحد آرمز مرحبا پلازہ ضلع اٹک اور جواد اینڈ کمپنی کچہری بازار فیصل آباد شامل ہیں۔
ترجمان محکمہ داخلہ پنجاب کے مطابق ان جعلی ڈیلرز کیساتھ اسلحے کا لین دین غیر قانونی ہوگا اور ملوث افراد کیخلاف کارروائی کی جائے گی۔
محکمہ داخلہ نے معطل کیے گئے اسلحہ ڈیلرز کی دکانیں تاحکم ثانی سیل رکھنے کی ہدایت کی ہے، محکمہ داخلہ اس سے قبل 19 جعلی اسلحہ ڈیلرز کے خلاف سخت ایکشن لے چکا ہے۔
سیکرٹری داخلہ پنجاب نور الامین مینگل نے کہا ہے کہ بوگس لائسنس پر اسلحے کی فروخت سنگین جرم ہے اور تمام ملوث افراد قانون کے شکنجے میں آئیں گے۔
انہوں نے بتایا کہ محکمہ داخلہ پنجاب آرمز رولز 2023 کے تحت صوبہ بھر میں اسلحہ ڈیلرز کے لائسنسز کی دوبارہ تصدیق کر رہا ہے۔
سیکرٹری داخلہ پنجاب نے بتایا کہ اب تک 386 اسلحہ ڈیلرز کو تصدیق کے بعد کمپیوٹرائزڈ آرمز بزنس لائسنس جاری کیے ہیں۔
انہوں نے بتایا کہ محکمہ داخلہ نے تمام اسلحہ ڈیلرز کو اپنے لائسنس کی دوبارہ تصدیق کیلئے مساوی موقع فراہم کیے۔
درخواستوں کی چھان بین کے دوران جعلی کاغذات کی موجودگی اور محکمانہ سماعت میں عدم شرکت پر آرمز لائسنس معطل کیے گئے۔
سیکرٹری داخلہ نے بتایا کہ بوگس اسلحہ لائسنس اور جعلی ڈیلرز کیخلاف زیرو ٹالرینس پالیسی اپنائی جا رہی ہے۔ قانون کی حکمرانی اور عوام کے جان و مال کا تحفظ یقینی بنایا جا رہا ہے۔
.ذریعہ: Express News
کلیدی لفظ: محکمہ داخلہ پنجاب جعلی اسلحہ ڈیلرز محکمہ داخلہ نے لائسنس معطل نے بتایا کہ ڈیلرز کی ڈیلرز کے
پڑھیں:
لاہور میں ’غذائی دہشتگردوں‘ کے خلاف آپریشن جاری
لاہور میں جعلی دودھ بنانے والوں کے خلاف بڑا آپریشن جاری ہے۔
یہ بھی پڑھیں: ملک میں گدھے اور کتے کے گوشت، جعلی دودھ اور پلاسٹک کے چاول فروخت، حقیقت کیا ہے؟
ڈی جی فوڈ اتھارٹی محمد عاصم جاوید کے مطابق غذائی دہشتگردوں کے خلاف اب تک لاہور میں 607 مقدمات درج کروائے جا چکے ہیں۔
نقلی دودھ بیچنے والوں کے خلاف مذکورہ آپریشن ڈھائی ماہ قبل شروع کیا گیا تھا۔
مزید پڑھیں: پاکستان میں دودھ کی پیداوار کتنی، پروڈکشن کے لحاظ سے دنیا میں نمبر کونسا؟
فوڈ اتھارٹی نے 15 لاکھ لیٹر جعلی دودھ تلف کیا، 400 کے قریب جعلی دودھ بنانی والی فیکٹریوں کو سیل کیا اور 150 کے قریب ان گاڑیوں کو ضبط کیا جو غیرمعیاری دودھ مارکیٹ میں لا رہی تھیں۔
اس آپریشن سے پہلے لاہور میں 20 سے 25 فیصد کیمیکل والا دودھ فروخت ہورہا تھا لیکن اب اس میں کمی آچکی ہے۔
مزید پڑھیں: مونس الٰہی کی دودھ فیکٹری پر ایف بی آر کا چھاپہ
عدالتوں سے جعلی دودھ بنانے والے عناصر کو سخت سزاؤں کی صورت میں توقع ہے کہ لاہور میں یہ گھناؤنا کاروبار بند ہوجائے گا۔ تفصیل جانیے اس ویڈیو رپورٹ میں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جعلی دودھ دودھ والوں کے خلاف آپریشن غذائی دہشتگرد لاہور ملاوٹی دودھ نقلی دودھ
سوڈان میں باغی فوج کا الفشر شہر پر قبضہ: 2 ہزار افراد قتل کرڈالے