وزیر خزانہ برطانوی حکام اور سرمایہ کاروں سے ملاقات کیلیے لندن روانہ
اشاعت کی تاریخ: 6th, May 2025 GMT
اسلام آباد:
وفاقی وزیر خزانہ سینیٹر محمد اورنگزیب برطانوی حکام، سرمایہ کاروں، مالیاتی اداروں، سرمایہ کار بینکوں، کاروباری فرموں اور اداروں سے ملاقات کے لیے لندن روانہ ہوگئے۔
وزیر خزانہ دورے کے دوران مختلف سرمایہ کاری فورمز اور سیمنارز سے خطاب کے دوران ملک کے معاشی منظر نامے کو واضح کریں گے۔
وزارت خزانہ کے مطابق وزیر خزانہ محمد اورنگزیب تین روزہ دورہ کے دوران جیفریز کے زیر اہتمام ’’پاکستان تک رسائی کے دن‘‘ کے عنوان سے سرمایہ کاری گول میز مذاکرے میں شرکت کریں گے
وزیر خزانہ یو کے ٹیک انویسٹرز کے ساتھ ’’پاکستان میں اے آئی، کان کنی اور ہیلتھ کئیر سمیت دیگر شعبوں میں حکومت کی سرمایہ کار دوست پالیسیاں‘‘ کے موضوع پر گول میز مذاکرے میں بھی شریک ہوں گے۔ ان دونوں مذاکروں میں وزیر خزانہ کے ساتھ وزیر اعظم کے مشیر برائے سرمایہ کاری محمد علی بھی شریک ہوں گے۔
وزیر خزانہ دورہ کے دوران برطانیہ کے ہِز میجسٹی ٹریڑری ڈیپارٹمنٹ کا دورہ کریں گے اور ٹریڑری فنانشل سیکریٹری لارڈ لیورمور اور ان کے رفقا سے ملاقات کریں گے۔ وزیر خزانہ فارن کامن ویلتھ اینڈ ڈویلپمنٹ آفس کا دورہ کریں گے اور برطانیہ کے پارلیمانی انڈر سیکریٹری آف اسٹیٹ برائے مشرق وسطیٰ، افغانستان اور پاکستان ہمیش نکلس فالکنر اور اعلیٰ حکام سے ملیں گے۔
اسکے علاوہ، وزیر خزانہ برطانیہ کے آفس فار بجٹ ریسپانسبلٹی کا دورہ کریں گے اور چیئر رچرڈ ہیوز اور ان کی سینئیر ٹیم سے ملاقات کریں گے۔ وزیر خزانہ بینک آف انگلینڈ کے مرکزی دفاتر کا دورہ کریں گے اور گورنر اینڈریو بیلی اور ان کی ٹیم سے ملیں گے۔
دورے کے دوران ڈوئچے بینک اور اسٹینڈر چارٹرڈ بینک کے سی ای اوز سے بھی ملاقاتیں ہوں گی۔ وزیر خزانہ برطانیہ کی گورنمنٹ کمیونی کیشن سروس کے سی ای او سائمن باوٴ اور رفقا سے بھی ملیں گے جبکہ وزیر خزانہ کارگل گلوبنگ ٹریڈنگ یو کے کے ہیڈ مارکس ہال اور برٹش امریکن ٹوبیکو کے حکام سے بھی ملیں گے۔
وزیر خزانہ، مشیر برائے سرمایہ کاری محمد علی کے ہمراہ پاکستان ہائی کمیشن کے زیر اہتمام مقامی سرمایہ کاروں اور کاروباری افراد کے ساتھ عشائیے میں بھی شریک ہوں گے۔ وزیر خزانہ منتخب بین الاقوامی اور برطانوی ذرائع ابلاغ کے نمائندوں سے سوال و جواب کی نشستوں میں بھی شریک ہوں گے۔
.ذریعہ: Express News
کلیدی لفظ: کا دورہ کریں گے اور بھی شریک ہوں گے سرمایہ کاری سے ملاقات کے دوران ملیں گے
پڑھیں:
مسعود پزشکیان 2 روزہ دورہ مکمل کرکے واپس روانہ
ایرانی صدر نے آج سہ پہر کو وزیراعظم کے ساتھ مشترکہ پریس کانفرنس بھی کی، جس میں انہوں نے خطہ میں قیام امن سمیت مختلف سماجی و تجارتی امور تبادلہ خیال کیا۔ ایرانی وفد کی جانب نے آج کئی ایم او یوز پر دستخط کئے ہیں، اور مفاہمتی یادداشتیوں کا تبادلہ بھی کیا گی۔ اسلام ٹائمز۔ ایران کے صدر مسعود پزشکیان 2 روزہ دورہ مکمل کرنے کے بعد واپس روانہ ہو گئے۔ نور خان ایئر بیس پر وفاقی وزیر اطلاعات و نشریات عطا تارڑ نے معزز مہمان کو رخصت کیا، انہوں نے مسعود پزشکیان کو دورے کا تصویری البم بطور یادگاری تحفے کے طور پر پیش کیا۔ 2 روزہ دورے کے آخری روز مسعود پزشکیان نے اسلام آباد میں مصروف ترین دن گزار، انہوں نے آج سہ پہر کو وزیراعظم شہباز شریف کے ساتھ مشترکہ پریس کانفرنس بھی کی، جس میں انہوں نے خطہ میں قیام امن سمیت مختلف سماجی و تجارتی امور تبادلہ خیال کیا۔ ایرانی وفد کی جانب نے آج کئی ایم او یوز پر دستخط کئے ہیں، اور مفاہمتی یادداشتیوں کا تبادلہ بھی کیا گیا، بعد ازاں مسعود پزشکیان نے پاکستان ایران تجارتی فورم میں بھی وفد کے ہمراہ شرکت کی اور پاکستان اور خصوصی طور پر شہباز شریف کی طرف سے مہمان نوازی کا شکریہ ادا بھی کیا۔
ایرانی صدر نے آخری ملاقات اپنے ہم منصب آصف علی زرداری سے ایوان صدر میں کی، جہاں دونوں راہنماؤں نے دونوں ممالک کے وسیع اور باہمی فائدے کے حامل شعبوں میں تعلقات بڑھانے کی اہمیت پر زور دیا اور علاقائی اور عالمی امور پر تفصیلی تبادلۂ خیال کیا۔ واضح رہے ایرانی صدر مسعود پزشکیان دورے کا پہلا روز لاہور میں گزارنے کے بعد اسلام آباد آئے تھے، لاہور میں انہوں نے مزار اقبال پر بھی حاضری دی، انہوں نے اپنی گفتگو میں علامہ اقبال کی شاعری کو مشعل راہ قرار دیا۔
اسلام آباد کی مارکیٹوں سے چینی غائب، شہری چینی کی تلاش میں بازاروں کے چکر لگانے پر مجبور