ویسٹ انڈیز کا آئرلینڈ اور انگلینڈ کیخلاف ون ڈے سیریز کیلئے 15 رکنی اسکواڈ کا اعلان
اشاعت کی تاریخ: 6th, May 2025 GMT
ویسٹ انڈیز نے آئرلینڈ اور انگلینڈ کے خلاف آئندہ ون ڈے سیریز کے لیے 15 رکنی اسکواڈ کا اعلان کردیا۔
شائی ہوپ ٹیم کی قیادت کریں گے جبکہ فاسٹ بولرز شامار جوزف اور میتھیو فورڈ کی انجری سے صحتیاب ہو کر اسکواڈ میں واپسی ہوئی ہے۔
نوجوان بیٹر امیر جنگو جنہوں نے بنگلہ دیش کے خلاف اپنے ڈیبیو پر 79 گیندوں پر سنچری اسکور کی تھی، ایک بار پھر اسکواڈ کا حصہ ہیں۔
وکٹ کیپر بیٹر جیول اینڈریو کی بھی اسکواڈ میں واپسی ہوئی ہے۔ انڈین پریمیئر لیگ میں مصروف شمرون ہیٹمائر کو اسکواڈ میں شامل نہیں کیا گیا۔
آئرلینڈ کے خلاف تین میچوں کی ون ڈے سیریز 21 مئی سے ڈبلن کے کلونٹارف کرکٹ کلب میں شروع ہوگی جبکہ انگلینڈ کے خلاف سیریز 29 مئی سے ایجبسٹن میں کھیلی جائے گی۔
ویسٹ انڈیز اس وقت آئی سی سی ون ڈے رینکنگ میں نویں پوزیشن پر ہے اور 2027 ورلڈ کپ کے لیے خودکار کوالیفیکیشن حاصل کرنے کے لیے اپنی کارکردگی کو بہتر بنانے کی کوشش کر رہا ہے۔
ویسٹ انڈیز ون ڈے اسکواڈ:
شائی ہوپ (کپتان)، جیول اینڈریو، کیکی کارٹی، روسٹن چیز، میتھیو فورڈ، جسٹن گریوز، امیر جنگو، الزاری جوزف، شامار جوزف، برینڈن کنگ، ایون لوئس، گڈاکیش موٹی، شیرفین ردرفورڈ، جیڈن سیلز، روماریو شیفرڈ
.ذریعہ: Express News
کلیدی لفظ: ویسٹ انڈیز کے خلاف
پڑھیں:
شمبن گل کا تاریخی کارنامہ، محمد یوسف کا 19 سال پرانا ریکارڈ توڑ دیا
بھارتی ٹیسٹ کرکٹ ٹیم کے نوجوان کپتان شبمن گل نے انگلینڈ کے خلاف جاری ٹیسٹ سیریز میں شاندار بیٹنگ کرتے ہوئے پاکستانی لیجنڈ محمد یوسف کا 19 سال پرانا ریکارڈ توڑ دیا ہے۔ گل نے چوتھے ٹیسٹ کی دوسری اننگز میں سنچری اسکور کر کے ایک ٹیسٹ سیریز میں ایشیائی بیٹر کی حیثیت سے سب سے زیادہ رنز بنانے کا اعزاز حاصل کر لیا۔
سیریز کے چوتھے ٹیسٹ میں انگلینڈ کی 669 رنز کی بھاری پہلی اننگز کے جواب میں بھارت نے مضبوط واپسی کی، جس میں شبمن گل اور کے ایل راہول کے درمیان 181 رنز کی شاندار شراکت نے مرکزی کردار ادا کیا۔ شبمن گل نے 238 گیندوں پر 103 رنز کی اننگز کھیلی، جس میں 12 دلکش چوکے شامل تھے۔
یہ بھی پڑھیں: آسٹریلیا کے 19 سالہ کرکٹر سیم کونسٹاس 71 سالہ ریکارڈ توڑنے کو تیار
2006 میں محمد یوسف نے انگلینڈ کے دورے کے دوران 4 ٹیسٹ میچوں کی 7 اننگز میں 90.14 کی اوسط سے 631 رنز اسکور کیے تھے، جن میں تین سنچریاں اور ایک ڈبل سنچری شامل تھی۔ یہ کسی بھی ایشیائی بیٹر کی جانب سے ایک سیریز میں سب سے زیادہ رنز کا ریکارڈ تھا۔
اب شبمن گل نے اسی طرح کی غیر معمولی کارکردگی کا مظاہرہ کرتے ہوئے 4 میچوں میں تین سنچریوں اور ایک ڈبل سنچری کی مدد سے 700 سے زائد رنز بنائے، جن میں 269 رنز ان کی سب سے بڑی اننگز ہے۔
انگلینڈ میں ایک ٹیسٹ سیریز کے دوران سب سے زیادہ رنز بنانے والے ایشیائی بیٹرز میں اب شبمن گل سرفہرست ہیں، جب کہ بھارت کے راہول ڈریوڈ نے 2002 میں 602 رنز اور ویرات کوہلی نے 2018 میں 593 رنز بنائے تھے۔ سنیل گواسکر نے 1979 میں 542 رنز کے ساتھ یہ اعزاز اپنے نام کیا تھا۔
بھارتی ٹیسٹ ٹیم کے کپتان کی حیثیت سے ایک سیریز میں سب سے زیادہ رنز بنانے کا اعزاز بھی اب شبمن گل کے نام ہے۔ انہوں نے ویرات کوہلی کا 655 رنز کا سابقہ ریکارڈ پیچھے چھوڑ دیا۔
یہ بھی پڑھیں: ویرات کوہلی کا نیا کارنامہ، یہ ریکارڈ بنانے والے پہلے بھارتی کھلاڑی بن گئے
شبمن گل اب سنیل گواسکر کے بھارت کی جانب سے کسی بھی ٹیسٹ سیریز میں سب سے زیادہ رنز (732 بمقابلہ ویسٹ انڈیز، 1978) کے ریکارڈ کے بھی قریب پہنچ چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews انگلینڈ بھارتی ٹیسٹ کرکٹر ٹیسٹ سیریز ریکارڈ توڑ دیا شبمن گل نوجوان کپتان وی نیوز
لاہور ہائیکورٹ کا رات 12 بجے کے بعد ریسٹورنٹس کھلے رکھنے والوں کے خلاف کارروائی کا حکم