نسل کشی کیس آئی سی جے کے دائرہ اختیار میں نہیں، متحدہ عرب امارات
اشاعت کی تاریخ: 6th, May 2025 GMT
اسلام آباد (اُردو پوائنٹ ۔ DW اردو۔ 06 مئی 2025ء) ہالینڈ میں قائم بین الاقوامی عدالت انصاف (آئی سی جے) نے پیر کے روز سوڈان کے اس دعوے کو مسترد کر دیا کہ متحدہ عرب امارات (یو اے ای) نے دارفور میں نسل کشی کو ہوا دینے کا کام کیا۔
گزشتہ ماہ خرطوم نے اقوام متحدہ کی اعلیٰ ترین عدالت کے سامنے یہ دلیل دی تھی کہ متحدہ عرب امارات نیم فوجی دستوں کو ہتھیار فراہم کر کے اقوام متحدہ کی نسل کشی کنونشن کی خلاف ورزی کر رہا ہے۔
دار فور میں نسل کشی کے پیچھے یو اے ای کا ہاتھ ہے، سوڈان
عدالت نے کیا کہا؟اس معاملے میں بین الاقوامی عدالت انصاف کے ججوں نے اپنے فیصلے میں متحدہ عرب امارات کا ساتھ دیا اور اس کے ان دلائل کو قبول کر لیا کہ اقوام متحدہ کی عدالت کے پاس اس کیس پر فیصلہ کرنے کے دائرہ اختیار کا "بظاہر فقدان" ہے۔
(جاری ہے)
سوڈان نے عدالت سے خلیجی ملک کے خلاف فوری طور پر بعض اقدامات کی درخواست کی تھی۔
تاہم متحدہ عرب امارات نے اپنے حق میں مضبوطی سے دلیل دی کہ عدالت اس معاملے پر فیصلہ دینے کے لیے قانونی طور پر اہل ہی نہیں ہے۔
جب متحدہ عرب امارات نے سن 2005 میں اقوام متحدہ کے نسل کشی کنونشن پر دستخط کیے تھے، تو اس نے ایک اہم شق سے متعلق اپنے "تحفظ" کو بھی اس میں شامل کیا تھا، جس کے تحت تنازعات کی صورت میں ایک ملک کو دوسرے ملک کے خلاف آئی سی جے میں مقدمہ چلانے کی اجازت ہوتی ہے۔
سوڈان نے متحدہ عرب امارات کے خلاف عالمی عدالت میں نسل کشی کا مقدمہ دائر کر دیا
تاہم چونکہ اس وقت امارت نے یہ تحفظ حاصل کر لیا تھا، اس لیے آئی سی جے کو اب اس پر مقدمہ چلانے کا اختیار نہیں ہے۔
اماراتی فریق نے کہا کہ اس ریزرویشن کا مطلب یہ ہے کہ ہیگ میں قائم آئی سی جے کے پاس اس معاملے میں مداخلت کا کوئی اختیار ہی نہیں ہے۔
اقوام متحدہ کی اعلیٰ عدالت نے بھی اس بات سے اتفاق کیا، البتہ اس نے خطے میں تشدد پر اپنی تشویش کا اظہار بھی کیا۔
آئی سی جے نے کہا کہ اسے "سوڈان میں انسانی المیے پر گہری تشویش ہے، جو موجودہ تنازعے کا پس منظر پیش کرتا ہے۔"
سوڈان میں جنسی تشدد جنگی حربے کے طور پر استعمال ہو رہا ہے، اقوام متحدہ
عدالت نے مزید کہا، "پرتشدد تنازعے کا تباہ کن اثر یہ ہے کہ جس کے نتیجے میں جانوں کا بے حساب نقصان اور مصائب، خاص طور پر مغربی دارفور میں ہو رہا ہے۔
"اپنے فیصلے میں، ججوں نے مزید کہا کہ استثنی کے باوجود بھی ریاستیں "اپنے آپ سے منسوب ایسے اعمال کے لیے ذمہ دار ہیں، جو ان کی بین الاقوامی ذمہ داریوں کے خلاف ہوں۔"
سوڈان کی ایک مصروف مارکیٹ پر حملہ، کم از کم 54 افراد ہلاک
سوڈان کی خانہ جنگی میں کیا ہو رہا ہے؟اپریل 2023 سے ہی سوڈان کے فوجی سربراہ عبدالفتاح البرہان اور نیم فوجی دستوں (آر ایس ایف) کے کمانڈر محمد حمدان دقلو کے درمیان طاقت کی 'وحشیانہ کشمکش' کے سبب افراتفری میں ڈوبا ہوا ہے۔
اقوام متحدہ کی حمایت یافتہ رپورٹ کے مطابق اس تنازعہ نے ایسا بحران جنم دنیا ہے، جسے امدادی ایجنسیاں اب دنیا کا بدترین نقل مکانی اور بھوک کا بحران قرار دیتی ہیں۔ سرکاری طور پر ملک کے پانچ خطوں میں اس بحران کا اعلان کیا گیا ہے۔
شمالی دارفور ایک فلیش پوائنٹ بن چکا ہے، جہاں اقوام متحدہ کا کہنا ہے کہ صرف گزشتہ تین ہفتوں میں کم از کم 542 شہری مارے گئے۔
اتوار کے روز ہی آر ایس ایف نے پورٹ آف سوڈان پر حملہ کیا تھا، جو فوج کے مطابق ملک کی دو سالہ جنگ کے دوران فوج سے منسلک حکومتی علاقے پر پہلا بڑا حملہ تھا۔
ص ز/ ج ا (اے ایف پی، روئٹرز)
.ذریعہ: UrduPoint
کلیدی لفظ: تلاش کیجئے متحدہ عرب امارات اقوام متحدہ کی کے خلاف رہا ہے
پڑھیں:
دفعہ370 کی منسوخی اقوام متحدہ کی قراردادوں کی خلاف ورزی ہے، حریت کانفرنس آزاد کشمیر
محمود احمد ساغر نے اسلام آباد میں ایک بیان میں کہا کہ 5 اگست 2019ء کو دفعہ370 اور 35-A کی منسوخی کشمیر کی تاریخ کے سیاہ ترین بابوں میں سے ایک ہے۔ اسلام ٹائمز۔ کل جماعتی حریت کانفرنس کی آزاد جموں و کشمیر شاخ کے رہنمائوں نے مقبوضہ جموں و کشمیر کے لوگوں سے 5 اگست کو بھارت کے یکطرفہ اور غیر قانونی اقدامات کے خلاف اپنا احتجاج درج کرانے کی اپیل کرتے ہوئے کہا ہے کہ یہ اقدامات علاقے کی شناخت، علاقائی سالمیت اور اقوام متحدہ کی طرف سے تسلیم شدہ متنازعہ حیثیت پر براہ راست حملہ ہیں۔ ذرائع کے مطابق کل جماعتی حریت کانفرنس کی آزاد جموں و کشمیر شاخ کے سابق کنوینر محمود احمد ساغر نے اسلام آباد میں ایک بیان میں کہا کہ 5 اگست 2019ء کو دفعہ370 اور 35-A کی منسوخی کشمیر کی تاریخ کے سیاہ ترین بابوں میں سے ایک ہے۔ انہوں نے اس اقدام کو ایک بڑے نوآبادیاتی منصوبے کا حصہ قراردیا جس کا مقصد آبادی کے تناسب میں تبدیلی کے ذریعے مقامی آبادی کو اختیارات سے محروم کرنا، قوانین کو کمزور کرنا اور انتخابی حد بندی کی ازسر نو تشکیل کرنا تھا۔
محمود ساغر نے کہا کہ یہ اقدامات نہ صرف بین الاقوامی قانون کی خلاف ورزی ہیں بلکہ کشمیریوں کی شناخت، ثقافت اور حقوق چھیننے اور بین الاقوامی سطح پر تسلیم شدہ ان کے حق خودارادیت کو کمزور کرنے کی کوشش بھی ہیں۔ انہوں نے عالمی برادری پر زور دیا کہ وہ اپنی خاموشی ترک کرے اور مقبوضہ جموں و کشمیر میں استعماری پالیسیوں پر بھارت کو جوابدہ ٹھہرائے۔
کل جماعتی حریت کانفرنس کی آزاد جموں و کشمیر شاخ کے ایک اور رہنما اور سابق کنوینر محمد فاروق رحمانی نے یوم استحصال کے سلسلے میں اپنے پیغام میں کہا کہ ریاستی دہشت گردی یا کالے قوانین کا نفاذ کشمیریوں کو آزادی اور حق خودارادیت کی منصفانہ جدوجہد سے نہیں روک سکتے۔ انہوں نے کہا کہ دنیا بھر میں مقیم کشمیری 5 اگست کو یوم استحصال اور یوم سیاہ کے طور پر منائیں گے۔ فاروق رحمانی نے اس بات کا اعادہ کیا کہ جموں و کشمیر کے لوگ بھارت کے ساتھ مقبوضہ علاقے کے غیر قانونی الحاق اور اس کی تقسیم کو مسترد کرتے ہیں اور آزادی اور اقوام متحدہ کی طرف سے تسلیم شدہ حق خودارادیت کے حصول کے لیے اپنے عزم پر قائم ہیں۔ انہوں نے اقوام متحدہ اور عالمی رہنمائوں سے مطالبہ کیا کہ وہ اپنی خاموشی ترک کریں اور کشمیر کی خصوصی حیثیت کی بحالی اور تنازعہ کشمیر کو اقوام متحدہ کی متعلقہ قراردادوں کے مطابق حل کرانے کے لیے بھارت پر دبائو ڈالیں۔
حریت رہنما شمیم شال نے دفعہ 370 کی منسوخی کو کشمیری عوام کے بنیادی حقوق، شہری آزادیوں اور آئینی ضمانتوں کے لیے ایک سنگین دھچکہ قرار دیا۔ انہوں نے کہا کہ یہ صرف قانونی دفعات پر نہیں بلکہ شہری آزادیوں پر بھی حملہ ہے جس میں اختلاف رائے کا حق، روابط قائم کرنے کا حق اور خوف کے بغیر زندگی گزارنے کا حق شامل ہے۔ انہوں نے کہا کہ بھارتی اقدامات نے انسانی حقوق کے سنگین بحران کو جنم دیا ہے اور 80 لاکھ سے زائد کشمیری اپنے گھروں میں محصور ہو کر رہ گئے ہیں، جبکہ بین الاقوامی امن و سلامتی کے لیے ایک سنگین خطرہ پیدا ہوا ہے۔
انہوں نے کہا کہ یہ یکطرفہ اقدامات اقوام متحدہ کی سلامتی کونسل کی متعدد قراردادوں خاص طور پرقرارداد نمبر 122، 123 اور 126 کی خلاف ورزی ہیں جن میں کسی بھی فریق کو جموں و کشمیر کی متنازعہ حیثیت کو تبدیل کرنے سے منع کیا گیا ہے۔ حریت رہنما شیخ عبدالمتین نے عالمی برادری سے اپیل کی کہ وہ تنازعہ کشمیر کے پرامن حل کے لئے کشمیریوں سمیت تمام فریقین کے درمیان مذاکرتی عمل میں سہولت فراہم کرے۔ حریت رہنمائوں نے اس بات کا اعادہ کیا کہ دنیا بھر میں مقیم کشمیری بھارت کے غیر قانونی اقدامات کو مسترد کرتے ہیں اور اپنی پرامن اور منصفانہ جدوجہد آزادی جاری رکھنے کے لیے پرعزم ہیں۔
پی آئی اے کا ریاض سے سیالکوٹ اور ملتان کیلئے پروازیں شروع کرنے کا اعلان