بھارتی ٹیم میں قیادت کی تبدیلی کی بازگشت! روہت شرما اور بمراہ کا مستقبل غیر یقینی؟
اشاعت کی تاریخ: 6th, May 2025 GMT
بھارتی کرکٹ ٹیم میں قیادت کی تبدیلی کی بازگشت پھر سنائی دینے لگی۔
انگلینڈ کے خلاف پانچ ٹیسٹ میچوں کی سیریز سے قبل بی سی سی آئی اہم فیصلوں پر غور کر رہا ہے۔
روہت شرما فی الحال ٹیسٹ کپتان برقرار ہیں تاہم ان کی عمر اور حالیہ کارکردگی کو دیکھتے ہوئے یہ ان کی آخری بڑی سیریز ثابت ہو سکتی ہے۔
آسٹریلیا کے خلاف آخری ٹیسٹ میں خود کو ڈراپ کرنے کے بعد روہت شرما کی قیادت پر سوالات کھڑے ہو گئے تھے۔
نائب کپتان جسپریت بمراہ کو بھی ورک لوڈ اور انجری مسائل کے باعث اس ذمہ داری سے ہٹائے جانے کا امکان ہے۔
نوجوان بلے باز شبمن گل اور وکٹ کیپر رشبھ پنت نائب کپتانی کے لیے مضبوط امیدوار کے طور پر سامنے آ رہے ہیں۔
ذرائع کے مطابق سلیکٹرز ورلڈ ٹیسٹ چیمپئن شپ 2027 کو مدنظر رکھتے ہوئے قیادت میں نوجوان چہروں کو لانے کے حق میں ہیں۔
سابق کپتان سنیل گواسکر نے بھی ٹیم میں نئی توانائی لانے پر زور دیا ہے۔
انگلینڈ کے خلاف پانچ ٹیسٹ میچوں کی سیریز 20 جون سے ہیڈنگلے میں شروع ہو گی، جبکہ آخری ٹیسٹ 4 اگست کو دی اوول میں کھیلا جائے گا۔
ٹیم کا باضابطہ اعلان آئندہ دنوں میں متوقع ہے، جس میں قیادت کی تبدیلی بھارتی ٹیسٹ کرکٹ کے مستقبل کی نئی راہ متعین کرے گی۔
.ذریعہ: Express News
پڑھیں:
بابراعظم، رضوان اور شاہین کے ڈراپ ہونے پر بھارتی میڈیا جھوٹی خبریں پھیلانے لگا
قومی ٹیم کے سابق کپتان بابراعظم، محمد رضوان اور شاہین شاہ آفریدی کے ڈراپ ہونے پر بھارتی میڈیا کو جھوٹی خبریں پھیلانے لگا۔
بھارتی میڈیا کی جانب سے پھیلائی جانیوالی رپورٹس میں دعویٰ کیا گیا ہے کہ قومی سلیکشن کمیٹی نے سابق کپتان بابراعظم، محمد رضوان اور شاہین شاہ آفریدی کو دورہ بنگلادیش کے بعد ویسٹ انڈیز کیخلاف آئندہ سیریز سے بھی باہر کرنے کا پلان بنالیا ہے۔
رپورٹس میں کہا گیا ہے کہ چیمپئینز ٹرافی میں بدترین کارکردگی اور بنگلادیش کیخلاف سیریز میں ڈراپ کیے جانے کے بعد دورہ ویسٹ انڈیز کیلئے سلیکشن کمیٹی، ہیڈ کوچ مائیک ہیسن اور کپتان سلمان آغا کی مشاورت سے سینئر کھلاڑیوں کو اسکواڈ میں شامل نہ کرنے کا فیصلہ کیا گیا ہے۔
مزید پڑھیں: بابر، رضوان، شاہین کا مستقبل کیا؟ سابق کرکٹر نے بتادیا
بھارتی میڈیا نے اپنی حالیہ جھوٹی خبریں پھیلانے کیلئے ٹیلی کام ایشیا نیٹ کا حوالہ دیا کہ پاکستان کرکٹ بورڈ (پی سی بی) کے ایک سینئر عہدیدار کا کہنا ہے کہ انتظامیہ اور سلیکشن کمیٹی بابر اور رضوان سے آگے بڑھنا چاہتی ہے، دونوں کرکٹرز پر ٹیم میں واپسی کیلئے دروازے بند نہیں ہوئے لیکن اسٹرائیک ریٹ اور فارم قومی ٹیم کی شکستوں کی بڑی وجہ ہیں۔
مزید پڑھیں: رضوان، شان کا بطور کپتان مستقبل خطرے میں!
قبل ازیں قومی وائٹ بال ٹیم کے ہیڈکوچ مائیک ہیسن نے تربیتی کیمپ کے بابراعظم، محمد رضوان اور شاہین سے ملاقاتیں کیں تھی۔
مزید پڑھیں: پاک ویسٹ انڈیز 3 ون ڈے میچز کو ٹی20 میں تبدیل کرنے کی تجویز
دوسری جانب بنگلادیش کیخلاف سیریز میں نوجوان کھلاڑیوں کی پرفارمنس کو دیکھتے ہوئے انہیں دورہ ویسٹ انڈیز میں بھی موقع دینے کی باز گشت سنائی دے رہی ہے، جس پر بھارتی میڈیا سینئر کھلاڑیوں کو بھڑکا کر ڈریسنگ روم کا ماحول خراب کرنا چاہتا ہے۔
عارف علوی کے اکاؤنٹ سے 10 لاکھ روپے تک نکلوانے کی اجازت دیدی گئی