پاکستان بھر میں 7 تا 16 مئی عشرہ نکبہ منانے کا اعلان
اشاعت کی تاریخ: 7th, May 2025 GMT
15 مئی کو یوم نکبہ کی مناسبت سے کراچی پریس کلب کے سامنے عظیم الشان احتجاجی مظاہرہ کیا جائے گا، جبکہ 16 مئی کو سندھ بھر میں یوم سیاہ منایا جائے گا اور جمعہ نماز کے اجتماعات میں عالمی استعماری قوتوں امریکا، برطانیہ اور فرانس کی فلسطین کے خلاف سازشوں سے متعلق خصوصی مواد بھی تقسیم کیا جائے گا۔ اسلام ٹائمز۔ فلسطین فاؤنڈیشن پاکستان اور ملی یکجہتی کونسل سندھ کے سرپرست اراکین نے کراچی پریس کلب میں مشترکہ پریس کانفرنس سے خطاب کرتے ہوئے فلسطینی عوام کے ساتھ اظہار یکجہتی کیلئے یوم نکبہ کی مناسبت سے ’’عشرہ نکبہ‘‘ 7 مئی تا 16 مئی منانے کا اعلان کیا۔ پریس کانفرنس کی میزبانی مجلس وحدت مسلمین کراچی کی جانب سے کی گئی تھی۔ کانفرنس سے سابق رکن سندھ اسمبلی محفوظ یار خان، علامہ قاضی احمد نورانی، علامہ صادق جعفری، ڈاکٹر صابر ابو مریم، ثقلین اسحاق، مفتی مرتضی رحمانی سمیت دیگر نے خطاب کیا۔ رہنماؤں نے کہا کہ فلسطین پر غاصب صیہونی ریاست اسرائیل کے قیام کو 77 سال ہو چکے ہیں، فلسطینی عوام ہر سال 15 مئی یوم نکبہ یعنی فلسطین میں ہونے والی تباہی و بربادی کا دن مناتے ہیں، اسی دن غاصب صیہونی ریاست اسرائیل نے برطانیہ، فرانس اور امریکی حکومت کی مدد سے فلسطین پر ناجائز تسلط قائم کیا تھا۔ رہنماؤں کا کہنا تھا کہ ہر انسان کی ذمہ داری ہے کہ فلسطین کے ساتھ ہونے والی خیانت اور ناانصافی کے خلاف آواز بلند کرے، آج روزانہ فلسطینی عوام پر نکبہ گزر رہا ہے، ہر آنے والا دن گزرنے دن سے زیادہ بدتر ہے۔
رہنماؤں نے کہا کہ فلسطین صرف اور صرف فلسطینیوں کا ہے اور اسرائیل غاصب صیہونیوں کی ایک ناجائز اور غاصب ریاست ہے، قائداعظم محمد علی جناحؒ نے قیام پاکستان سے قبل ہی فلسطین کے خلاف ہونے والی سازشوں پر شدید ردعمل دیا اور قیام پاکستان کے بعد واضح اور دوٹوک مؤقف اپناتے ہوئے اعلان کیا تھا کہ اسرائیل ایک ناجائز ریاست ہے، جسے پاکستان کبھی تسلیم نہیں کرے گا۔ رہنماؤں کا کہنا تھا کہ پاکستان میں اگر کوئی اسرائیل سے تعلقات بنانے کی بات کرے گا تو وہ نظریہ پاکستان سے غداری کا مرتکب قرار پائے گا۔ رہنماؤں نے حکومتِ پاکستان سے سوال کیا کہ پاکستانی شہری کس کی اجازت سے غاصب صیہونی ریاست اسرائیل جا رہے ہیں، یہ قائداعظمؒ کے نظریات اور پاکستان کی خارجہ پالیسی کی توہین ہے۔ انہوں نے حکومت سے مطالبہ کیا کہ ایسے تمام عناصر کے خلاف کاروائی کی جائے۔ رہنماؤں نے کہا کہ یوم نکبہ کی مناسبت سے ملک بھر میں آگہی مہم چلائی جائے گی اور اس عنوان سے 7 مئی کو کراچی کے ایک مقامی ہال میں ذاکرین کی یکجہتی فلسطین کانفرنس کا انعقاد کیا جائے گا، جبکہ نو مئی کو بعد نماز جمعہ مختلف مساجد میں احتجاجی مظاہرے کئے جائیں گے۔
رہنماؤں نے کہا کہ آئمہ مساجد سے اپیل کرتے ہیں کہ وہ نماز جمعہ کے خطبات میں مسئلہ فلسطین کو خصوصی طور پر بیان کریں، اسی طرح 15 مئی کو یوم نکبہ کی مناسبت سے کراچی پریس کلب کے سامنے عظیم الشان احتجاجی مظاہرہ کیا جائے گا، جبکہ 16 مئی کو سندھ بھر میں یوم سیاہ منایا جائے گا اور جمعہ نماز کے اجتماعات میں عالمی استعماری قوتوں امریکا، برطانیہ اور فرانس کی فلسطین کے خلاف سازشوں سے متعلق خصوصی مواد بھی تقسیم کیا جائے گا۔ رہنماؤں نے ہندوستان حکومت کی جانب سے جاری دھمکی آمیز رویہ کی شدید الفاظ میں مذمت کرتے ہوئے کہا کہ پاکستان کی طرف میلی آنکھ سے دیکھنے والوں کو پوری قوم اپنے اتحاد کے ساتھ بھرپور جواب دے گی۔ ان کا کہنا تھا کہ امریکا اور استعماری طاقتیں خطے میں پاکستان کو کمزور اور غیر مستحکم رکھنا چاہتی ہیں اور ہندوستان کی حکومت امریکی کٹھ پتلی کا کردار ادا کر رہی ہے۔ ان کا کہنا تھا کہ ہندوستان کی حکومت کو ہوش کے ناخن لینا چاہئے، کیونکہ امریکا کی پھیلائی ہوئی آگ سے خود ہندوستان بھی محفوظ نہیں رہے گا۔
ذریعہ: Islam Times
کلیدی لفظ: یوم نکبہ کی مناسبت سے رہنماؤں نے کہا کہ کا کہنا تھا کہ کیا جائے گا فلسطین کے کے خلاف مئی کو
پڑھیں:
بھارت اور پاکستان کے مابین کشیدگی پر عالمی رہنماؤں کا ردعمل
اسلام آباد (اُردو پوائنٹ ۔ DW اردو۔ 07 مئی 2025ء) وائٹ ہاؤس میں ایک تقریب کے دوران بھارت اور پاکستان کے درمیان دشمنی میں شدت کے بارے میں پوچھے جانے پر امریکی صدر ٹرمپ نے کہا کہ یہ "شرم" کی بات ہے۔
ٹرمپ نے مزید کہا، "میرا اندازہ ہے کہ لوگ جانتے تھے کہ ماضی کی بنیاد پر کچھ ہونے والا ہے۔"
امریکی وزیر خارجہ مارکو روبیو نے بھی ایکس پر اپنی پوسٹ میں صورتحال کو جلد از جلد کم کرنے کے لیے ٹرمپ کے مطالبے کی حمایت کی۔
روبیو نے کہا، "میں (ٹرمپ) کے تبصروں کی حمایت کرتا ہوں، امید ہے کہ یہ جلد ختم ہو جائے گا اور بھارتی اور پاکستانی قیادت ایک پرامن حل کے لیے کوششیں جاری رکھیں گے۔"
پاکستان کے خلاف بھارتی حملے اور پاکستان کا بھارتی طیارے مار گرانے کا دعویٰ
امریکی محکمہ خارجہ نے اپنی ایک پوسٹ میں کہا کہ روبیو نے بھارت اور پاکستان کے قومی سلامتی کے مشیروں سے بات کی ہے اور ان پر زور دیا ہے کہ وہ مواصلات کی کھلی لائنیں برقرار رکھیں اور کشیدگی سے گریز کریں۔
(جاری ہے)
بھارتی کارروائی 'افسوسناک'، چینچینی وزارت خارجہ نے پاکستان کے خلاف بھارتی فوجی کارروائی کو افسوسناک قرار دیا ہے۔
جنوبی ایشیائی حریفوں کے درمیان بڑھتی ہوئی کشیدگی کے بارے میں ایک سوال کے جواب میں وزارت خارجہ کے ترجمان نے کہا کہ انہیں موجودہ صورتحال پر "تشویش" ہے۔ بیجنگ نے دونوں ممالک سے "پرسکون رہنے اور تحمل کا مظاہرہ کرنے کی تلقین کرتے ہوئے ایسے اقدامات کرنے سے گریز کرنے کو کہا، جس سے صورتحال مزید پیچیدہ ہو سکتی ہو۔
" دنیا پاکستان اور بھارت کے تصادم کی متحمل نہیں ہو سکتی، اقوام متحدہاقوام متحدہ کے سکریٹری جنرل انٹونیو گوٹیرش کا کہنا ہے کہ وہ "لائن آف کنٹرول اور بین الاقوامی سرحد پر بھارتی فوجی کارروائیوں" پر "بہت فکر مند" ہیں۔
سکریٹری جنرل کے ترجمان اسٹیفن دوجارک نے کہا کہ گوٹیرش نے دونوں ممالک سے زیادہ سے زیادہ فوجی تحمل کا مطالبہ کیا ہے اور ان کے بقول دنیا پاکستان اور بھارت کے درمیان فوجی تصادم کی متحمل نہیں ہو سکتی۔
بھارتی حملے کا جواب دے دیا، پاکستان کا دعویٰ
متحدہ عرب امارات نے بھارت اور پاکستان سے کہا ہے کہ وہ "تحمل کا مظاہرہ کریں، کشیدگی کو کم کریں، اور مزید ایسے تناؤ سے گریز کریں جس سے علاقائی اور بین الاقوامی امن کو خطرہ ہو"۔
متحدہ عرب امارات کے نائب وزیر اعظم برائے خارجہ امور شیخ عبداللہ بن زید النہیان کے ایک بیان کے مطابق، "عزت مآب نے اس بات کا اعادہ کیا ہے کہ سفارت کاری اور مذاکرات بحرانوں کو پرامن طریقے سے حل کرنے اور امن، استحکام اور خوشحالی کے لیے اقوام کی مشترکہ امنگوں کے حصول کا سب سے مؤثر ذریعہ ہیں۔"
نیوز ایجنسیاں
ادارت: جاوید اختر
ٹی20 سیریز میں بابراعظم، رضوان کو شامل نہ کیے جانے امکان، مگر کیوں؟