شہری آبادی کو نشانہ بنایا بھارت کی ریاستی دہشتگردی کا کھلا ثبوت ہے، مرکزی انجمن امامیہ
اشاعت کی تاریخ: 8th, May 2025 GMT
مرکزی انجمنِ امامیہ گلگت بلتستان کی جانب سے جاری ایک بیان میں کہا گیا ہے ملت جعفریہ ایسے کسی بھی جنگی صورت حال میں اپنے ایمان کامل کے ساتھ پاک فوج کے شانہ بشانہ کھڑی ہے۔ ہم پاکستان کو بنانے والوں میں شامل تھے، آج بھی پاکستان کو بچانے والوں کی صفِ اول میں ہیں۔ اسلام ٹائمز۔ مرکزی انجمنِ امامیہ گلگت بلتستان کی جانب سے جاری ایک بیان میں کہا گیا ہے کہ بھارت کی حالیہ اشتعال انگیزی اور بزدلانہ حرکتوں کی شدید مذمت کرتے ہیں، بھارت کی جانب سے پاکستان کی شہری آبادی کو نشانہ بنانا نہ صرف بین الاقوامی قوانین کی صریح خلاف ورزی ہے بلکہ اس کی پست ذہنیت اور ریاستی دہشت گردی کا کھلا ثبوت ہے۔ بھارت بارہا پہلگام جیسے خود ساختہ واقعات کو جواز بنا کر پاکستان کے خلاف نفرت انگیز پروپیگنڈا کرتا رہا ہے، لیکن اب اس نے حد پار کرتے ہوئے بے گناہ شہریوں کو نشانہ بنایا ہے۔ ایسے بزدلانہ حملے نہ ہمیں ڈرا سکتے ہیں، نہ ہمارے عزم کو کمزور کر سکتے ہیں۔ بھارت اپنے اندرونی خلفشار، انسانی حقوق کی پامالیوں اور ریاستی دہشت گردی سے دنیا کی توجہ ہٹانے کے لیے پاکستان پر جھوٹے الزامات لگاتا ہے۔ لیکن پاکستان اب مزید صبر کا مظاہرہ نہیں کرے گا۔ بھارت کی ہر جارحیت کا منہ توڑ، فیصلہ کن اور عبرتناک جواب دیا جائے گا۔
بیان میں کہا گیا ہے کہ ملت جعفریہ ایسے کسی بھی جنگی صورت حال میں اپنے ایمان کامل کے ساتھ پاک فوج کے شانہ بشانہ کھڑی ہے۔ ہم پاکستان کو بنانے والوں میں شامل تھے، آج بھی پاکستان کو بچانے والوں کی صفِ اول میں ہیں۔ مرکزی انجمنِ امامیہ بھارت کو خبردار کرتی ہے کہ ہم حسینی فکر کے پیروکار ہیں، مظلوم کے ساتھ کھڑے ہونے اور ظالم کے خلاف اٹھ کھڑے ہونے کا درس لے کر آئے ہیں۔ ہمارے صبر کو ہماری کمزوری نہ سمجھا جائے۔ بھارت جان لے اگر پاکستان کی طرف میلی آنکھ سے بھی دیکھا گیا تو ہر حسینی سینہ ایک سپاہی کا کردار ادا کرے گا اور ماضی کے حملوں کا بھی حساب لیا جائے گا۔ ہم حسینی ہیں! ہمارا راستہ کربلا کا راستہ ہے۔ جہاں حق کے لیے سر کٹایا جاتا ہے، مگر باطل کے سامنے جھکا نہیں جاتا، ہم عالمی برادری، انسانی حقوق کے اداروں اور اقوامِ متحدہ سے بھی مطالبہ کرتے ہیں کہ بھارت کی جارحیت کا نوٹس لیا جائے اور جنوبی ایشیا کو جنگ کی طرف دھکیلنے والی ریاست کو لگام دیا جائے۔
ذریعہ
ذریعہ: Islam Times
کلیدی لفظ: پاکستان کو بھارت کی
پڑھیں:
جارحیت کے باوجود مذاکرات کا دروازہ اب بھی کھلا ہے، ایران نے امریکا کو بڑا پیغام دے دیا
تہران: ایران کے ایک سینئر سفارتی عہدیدار نے کہا ہے کہ موجودہ کشیدگی کے باوجود تہران نے سفارت کاری کا دروازہ بند نہیں کیا اور مختلف علاقائی ثالثوں کے ذریعے امریکا کے ساتھ پیغامات کا تبادلہ اب بھی جاری ہے۔
غیر ملکی میڈیا سے گفتگو کرتے ہوئے ایرانی عہدیدار نے الزام عائد کیا کہ امریکا ایران کے اہم بنیادی ڈھانچے کو نشانہ بنا کر بین الاقوامی قوانین کی خلاف ورزی کر رہا ہے۔ شہری تنصیبات پر حملے جنگی جرائم کے زمرے میں آ سکتے ہیں اور یہ اقدامات امریکا کی بے بسی کو ظاہر کرتے ہیں۔
سینئر ایرانی سفارتی ذریعے نے کہا کہ ایران نے ہمیشہ مذاکرات اور سفارتی حل کے لیے مثبت رویہ اختیار کیا تاہم امریکا کی دھمکی آمیز پالیسی، جارحانہ اقدامات اور مسلسل فوجی کارروائیوں نے مذاکراتی ماحول کو شدید نقصان پہنچایا ہے۔
ان کا کہنا تھا کہ ایران اب بھی اختلافات کے حل کے لیے سفارتی راستے کو اہم سمجھتا ہے، لیکن ساتھ ہی اپنی قومی سلامتی اور مفادات کے تحفظ کے لیے تمام ممکنہ آپشنز بھی زیر غور رکھے ہوئے ہے۔
ایرانی عہدیدار نے مزید دعویٰ کیا کہ موجودہ بحران کی بنیادی وجہ 17 جون کو ہونے والی مفاہمتی یادداشت سے امریکا کی مبینہ دستبرداری ہے۔ ان کے مطابق واشنگٹن نے اپنے وعدوں پر عمل نہیں کیا، جس کے باعث خطے میں کشیدگی دوبارہ شدت اختیار کر گئی۔
ایرانی حکام کے مطابق اگر امریکا اپنی پالیسی میں تبدیلی لاتا ہے اور معاہدے کی شرائط کا احترام کرتا ہے تو سفارتی پیش رفت کی گنجائش موجود ہے، تاہم موجودہ حالات میں تہران اپنی دفاعی اور سیاسی حکمت عملی پر عمل جاری رکھے گا۔
تاحال امریکی حکومت کی جانب سے ایرانی عہدیدار کے ان تازہ الزامات پر کوئی باضابطہ ردعمل سامنے نہیں آیا۔
بھارت سے جنگ اور افغانستان میں کارروائی خارج ازامکان نہیں، وزیردفاع