سرگودھا شہر کے مسیحی نوجوان نے اسلامی تعلیمات سے متاثر ہو کر دین اسلام قبول کر لیا
اشاعت کی تاریخ: 8th, May 2025 GMT
سرگودھا(اُردو پوائنٹ اخبارتازہ ترین - این این آئی۔ 08 مئی2025ء)سرگودھا شہر کے مسیحی نوجوان نے اسلامی تعلیمات سے متاثر ہو کر اپنے مذہب عیسائیت کو چھوڑ کر دین اسلام قبول کر لیا جس پر اس کا اسلامی نام تجویزکر کے اہل اسلام نے نومسلم نوجوان کو خوش آمدید کیا۔
(جاری ہے)
زرائع کے مطابق سرگودھا شہر کے علاقہ گل والا کے مسیحی نوجوان تیمان مسیح نے اسلامی تعلیمات سے متاثر ہو کر اپنے مذہب عیسائیت کو چھوڑ کر دین اسلام قبول کر لیا جس کو ماڈل مدرسہ کمپنی باغ میں مرکزی اتحاد العلما کے ضلعی صدر مولانا قاضی نگاہ مصطفی چشتی نے کلمہ طیبہ پڑھایا اور اس کا اسلامی نام محمد ابو تراب تجویز کیا اس موقع پر اہل اسلام نے نومسلم نوجوان کو خوش آمدید کہا اور اسے اسلام سے محبت اور الللہ تعالی کے احکامات پر قرآن مقدس کی تعلیم کی دعوت دی جسے اس نے قبول کرتے ہوئے کہا کہ کلمہ طیبہ پڑھنے سے جو ذہنی سکون اور دلی اطمینان نصیب ہوا وہ اس کے لئے اللہ تعالی کی رحمت ہے۔
اس موقع پر ایمان کی استقامت کیلئے دعا کروائی گئی۔.ذریعہ: UrduPoint
کلیدی لفظ: تلاش کیجئے قبول کر
پڑھیں:
حضور اکرم ؐکی تعلیمات ہمارے لیے مشعل راہ ہے، غلام حسین سوہو
data-id="863a0a8" data-element_type="widget" data-widget_type="theme-post-content.default">
کراچی (پ ر) ثانوی تعلیمی بورڈ کراچی کے زیر اہتمام بورڈ کی سماعت گاہ میں سالانہ محفل میلاد النبی ؐبعنوان سیرت النبیؐ منعقد ہوئی جس میں بورڈ ملازمین کی کثیر تعداد موجود تھی۔ اس موقع پر سیکرٹری بورڈ محمد ضیاالحق، ناظم امتحانات ڈاکٹر حمزو خان تگڑ، افسران و ملازمین کی کثیر تعدادنے شرکت کی۔ اس موقع پر محفل سے خطاب کرتے ہوئے چیئرمین بورڈ غلام حسین سوہو نے کہا کہ حضور اکرمؐکی تعلیمات ہمارے لئے مشعل راہ ہے، سیرت النبیؐ سے ہمیں سبق ملتا ہے کہ ہم معاشرے میں باہمی مشاورت سے کام سے کریں۔ اپنے بچوں کی تربیت اسلامی ماحول میں کریں اور اپنے بچوں سے پیار اور محبت سے پیش آئیں۔ اس موقع پر مہمان مقرر علامہ مفتی محمد اسمٰعیل حسین نورانی نے کہا کہ حب رسولؐ ؐہمارے ایمان کی شرط اول ہے، امت مسلمہ کی وحدت کا واحد حل محبت مصطفی ؐسے وابستگی میں پوشیدہ ہے انہوں نے کہا کہ عقیدہ ختم نبوتؐ کی حفاظت کا ذمہ امت مسلمہ کی ذمہ داری ہے۔ اپنے اخلاق وکردار کو سنت رسول کے مطابق گزارنے میں ہماری کامیابی ہے۔ پیر سید شاہ اسد اللہ جنیدی نے کہا کہ وقت کی ضرورت ہے کہ لوگوں کے دلوں میں جذبہ محبت رسول بیدار کریں وقت کی اشد ضرورت ہے کہ ہم آپس میں محبت کو فروغ دیں اور اپنی زندگی کو قرآنی احکامات اور سنت مصطفیؐ کے مطابق گزاریں۔ بورڈ کی طرف سے 4 ملازمین کیلئے حج کی قرعہ اندازی بھی کی گئی۔چیئرمین بورڈ اور ناظم امتحانات نے اپنی طرف سے خواتین ملازمین کیلئے دو عمرہ کی قرعہ اندازی کا بھی اعلان کیا جبکہ سیکریٹری بورڈ نے بھی اپنی طرف سے ایک خوش نصیب ملازم کو عمرہ کی ادئیگی کیلئے بھجوانے کا اعلان کیا۔
وی ایکسکلوسیو: مودی نے بھارت میں اقلیتوں کا جینا حرام کردیا، وفاقی وزیر کھیئل داس کوہستانی