ایل او سی پر بھارت کے 50 فوجی ہلاک کیے، رافیل اور بھارتی ڈرون گراکر نئی مثال قائم کی، عطا تارڑ
اشاعت کی تاریخ: 8th, May 2025 GMT
وزیر اطلاعات عطاء اللّٰہ تارڑ کا کہنا ہے کہ لائن آف کنٹرول (ایل او سی) پر ہم نے بھارت کے 40 سے 50 فوجی ہلاک کیے ہیں، یہ بہت بڑی کامیابی ہے۔
قومی اسمبلی میں خطاب کرتے ہوئے وزیر اطلاعات نے کہا کہ بھارتی جارحیت کے خلاف پاکستان کا جواب آئے گا، ضرور آئے گا، جلد آئے گا۔
معروف امریکی جریدے کے مطابق عینی شاہدین نے بتایا ہے کہ ایک طیارہ بھارتی پنجاب میں اور ایک مقبوضہ کشمیر میں گر کر تباہ ہوا،
وزیر اطلاعات عطا تارڑ نے کہا کہ قومی سلامتی کمیٹی افواج کو موثر اور بھرپور جواب دینے کا مکمل اختیار دے چکی، اب یہ معاملہ آگے کہاں جاتا ہے اس کا فیصلہ ہم کریں گے۔
عطا تارڑ نے مزید کہا کہ جدید ترین ٹیکنالوجی سے لیس رافیل طیارے گرانے کے بعد ہم نے بھارتی ڈرون گرا کر نئی مثال قائم کی۔
دوسری جانب پاک فوج کے شعبہ تعلقات عامہ (آئی ایس پی آر) کا کہنا ہے کہ پاکستان اب تک 25 اسرائیلی ساخت کے ہیروپ ڈرونز گرا چکا ہے۔
آئی ایس پی آر نے کہا کہ یہ بزدلانہ حملہ بھارت کی پریشانی اور بوکھلاہٹ کی نشانی ہے، لائن آف کنٹرول پر بھی بھارت نے بھرپور نقصان اٹھایا اور اٹھا رہا ہے۔
جعلی نوٹیفیکشن میں ڈی ایچ اے فیز 8 اور عسکری 11 سے لوگوں کو انخلا کی ہدایت کی گئی۔
پاک فوج کے شعبہ تعلقات عامہ کا کہنا ہے کہ پاکستان کے مختلف علاقوں سے اسرائیلی ساختہ ہیروپ ڈرونز کا ملبہ اٹھایا جا رہا ہے، افواج پاکستان دشمن کو منہ توڑ جواب دے رہی ہیں، افواج پاکستان دشمن کے تمام عزائم کو خاک میں ملا رہی ہیں۔
واضح رہے کہ منگل اور بدھ کی درمیانی شب بھارتی فوج نے بزدلانہ حملہ کرتے ہوئے آزاد کشمیر کے علاقوں کوٹلی، مظفر آباد اور باغ کے علاوہ مریدکے اور احمدپور شرقیہ میں شہری آبادی کو نشانہ بنایا تھا جس میں 2 مساجد شہید ہوئیں جبکہ حملوں میں 2 بچوں سمیت 31 پاکستانی شہید اور 51 زخمی ہوئے تھے۔
بھارت کی جانب سے رات کی تاریکی میں پاکستان پر بزدلانہ حملے کے بعد پاکستان نے بھارتی جارحیت کا بھرپور جواب دیا۔
.ذریعہ: Jang News
کلیدی لفظ: کہا کہ
پڑھیں:
مئی میں پاک فوج نے بھارت کو جواب دیا تو اُسے امریکا کی منتیں کرنا پر گئیں: تنویر الیاس، عتیق احمد
سابق وزرائے اعظم آزاد کشمیر سردار عتیق احمد خان اور سردار تنویر الیاس —فائل فوٹوسابق وزرائے اعظم آزاد کشمیر سردار تنویر الیاس اور سردار عتیق احمد خان نے کہا ہے کہ مئی میں پاک فوج نے بھارت کو ایسا جواب دیا کہ اُسے امریکا سے منتیں کرنا پڑ گئیں۔
راولاکوٹ میں کنونشن سے خطاب میں تنویر الیاس نے کہا کہ آج کا یہ عظیم الشان اجتماع تمام سیاسی جماعتوں پر مشتمل اور معرکۂ حق کی مناسبت سے ہے۔
انہوں نے کہا کہ فروری میں فیلڈ مارشل سید عاصم منیر نے مظفر آباد میں کہا تھا کہ کشمیر اور پاکستان لازم و ملزوم ہیں، پاک فوج کی آپ کے لیے بہت قربانیاں ہیں، اس کی قدر کریں اور سبز ہلالی پرچم کی عزت کریں۔
اُن کا کہنا ہے کہ مئی میں پاک فوج نے بھارت کو ایسا جواب دیا کہ اسے امریکا کی منتیں کرنا پڑیں، پاکستان اور سعودی عرب کے درمیان ایک عظیم الشان معاہدہ ہوا ہے۔
تنویر الیاس نے مزید کہا کہ اس دھرتی پر مہاراجہ بھی ہمارے بزرگوں سے سلامی نہیں لے سکا تھا، اب ریاست بچانے کا وقت آ گیا ہے، سب کو اپنا کردار ادا کرنا ہو گا۔
سردار عتیق احمد خان نے کہا کہ پونچھ کی دھرتی اپنی بہادری کی وجہ سے مشہور ہے۔
سابق وزیرِ آزاد کشمیر اور پی پی رہنما عابد حسین عابد نے کہا کہ یہ وہ سرزمین ہے، جسے غازیوں شہداء کی سر زمین کہتے ہیں۔
انہوں نے کہا کہ پاکستان کی بہادر افواج نے بھارت کو منہ توڑ جواب دے کر ہمارے وقار میں اضافہ کیا۔
خطاب میں راجہ فیصل ممتاز راٹھور نے کہا کہ معرکۂ حق کے بعد پاکستان ترقی کی منزلیں طے کر رہا ہے، پونچھ کی دھرتی کے باسی پاکستان سے بے حد محبت کرتے ہیں۔
اُن کا کہنا ہے کہ عوام طاقت کا سر چشمہ ہیں، لیکن یہاں پر خوف کی فضا پیدا کی گئی، راولاکوٹ کی سر زمین پر آج کا تاریخی پروگرام کا انعقاد خوش آئند ہے۔
ن لیگی رہنما اور سابق وزیر سردار طاہر انور ایڈووکیٹ نے کہا کہ معرکۂ حق آپریشن بنیان مرصوص نےکشمیری قوم کو پاکستان سے جوڑ دیا ہے، پاک فوج سے کشمیری عوام کا خون کا رشتہ ہے۔
پٹرول کی قیمتیں برقرار، ڈیزل 2 روپے 78 پیسے فی لٹر مہنگا