پاکستان کو فتح حاصل ہوئی ، وزیر اعظم کا قوم سے خطاب
اشاعت کی تاریخ: 10th, May 2025 GMT
اسلام آباد (ڈیلی پاکستان آن لائن) وزیراعظم شہباز شریف نے کہا ہے کہ پاکستان نے دشمن کو ایسا جواب دیا جو ایک باوقار اور خوددار قوم کے شایانِ شان ہے۔ ہماری افواج نے پیشہ ورانہ مہارت سے بھارتی جارحیت کا ایسا منہ توڑ جواب دیا جسے تاریخ ہمیشہ یاد رکھے گی۔ بھارت کے ائیربیسز دیکھتے دیکھتےکھنڈرات بن گئے، پاکستان کو اصولوں کی بنیاد پر فتح حاصل ہوئی ہے، لمحہ شکر ہے جس میں قوم نے افواج پاکستان پر محبت کے پھول برسائے۔
قوم سے خطاب کرتے ہوئے وزیراعظم کا کہنا تھا کہ اللہ تعالیٰ اُن لوگوں کو پسند کرتا ہے جو اس کی راہ میں صف باندھ کر لڑتے ہیں، اور آج پوری پاکستانی قوم نے اتحاد، عزم اور غیرت کا مظاہرہ کیا۔ انہوں نے کہا کہ پاکستانی عوام نے دنیا کو یہ واضح پیغام دیا ہے کہ ہم ایک خودمختار اور غیرتمند قوم ہیں، اور اگر ہماری خودمختاری پر کوئی حملہ کرے گا تو ہم سیسہ پلائی دیوار بن کر اس کا مقابلہ کریں گے۔
کور کمانڈر گوجرانوالہ لیفٹیننٹ جنرل سید امداد حسین گردیزی کو دشمن کو ناکام بنانے پر مبارکباد
شہباز شریف نے بھارتی اقدامات کو کھلی جارحیت قرار دیتے ہوئے کہا کہ دشمن نے بلااشتعال جنگ مسلط کرنے کی کوشش کی، لیکن ہماری بہادر افواج نے ضبط اور دانشمندی سے کام لیتے ہوئے ایسا جواب دیا جو عسکری تاریخ میں سنہری الفاظ میں لکھا جائے گا۔ انہوں نے کہا کہ بھارت کی جانب سے سرحدی خلاف ورزیوں پر ہم نے پہلے غیر جانبدار تحقیقات کی پیشکش کی، لیکن جب دشمن باز نہ آیا تو ہم نے اس کی زبان میں جواب دینے کا فیصلہ کیا۔ پاکستان کے شاہینوں نے صرف چند گھنٹوں میں دشمن کی توپوں کو خاموش کر دیا، اور بھارت کے جدید رافیل طیارے بھی ہمارے شاہینوں کے سامنے فیل ہوگئے ۔ ہماری افواج کے جذبے اور عوام کی یکجہتی نے ثابت کر دیا کہ پاکستان ایک ناقابلِ تسخیر قوم ہے۔
دبنگ خان نے جنگ بندی سے متعلق ایسا کیا لکھا دیا کہ ٹوئٹ ڈیلیٹ کرنا پڑگئی۔۔؟جانیے
انہوں نے افواج پاکستان، خصوصاً فضائیہ کے شاہینوں کو خراج تحسین پیش کرتے ہوئے کہا کہ انہوں نے قوم کا سر فخر سے بلند کر دیا۔ وزیراعظم نے جنرل ساحر شمشاد، جنرل عاصم منیر، ایئر چیف اور نیول چیف سمیت تمام افواج کے سربراہان کا شکریہ ادا کیا۔ انہوں نے شہید ارتضٰی عباس کو خراج عقیدت پیش کرتے ہوئے کہا کہ وہ ایک ایسا پھول تھا جو کھلنے سے پہلے مرجھا گیا۔ وزیراعظم نے ہر شہید کی ماں کے صبر اور قربانی کو سلام پیش کیا۔ انہوں نے سیاسی قیادت اور پارلیمان کا بھی شکریہ ادا کیا کہ انہوں نے اتحاد اور یکجہتی کا مظاہرہ کیا۔ وزیراعظم نے اپنے قائد نواز شریف، صدر آصف زرداری، صحافیوں اور سوشل میڈیا صارفین کا بھی شکریہ ادا کیا جنہوں نے دشمن کی جھوٹی خبروں کا مؤثر انداز میں مقابلہ کیا۔
جنوبی وزیرستان میں 1 روز کیلئے کرفیو نافذ
عالمی قیادت کا ذکر کرتے ہوئے وزیراعظم نے ڈونلڈ ٹرمپ، محمد بن سلمان، محمد بن زاید، شیخ تمیم، رجب طیب اردوان اور خاص طور پر چین کا شکریہ ادا کیا۔ انہوں نے کہا کہ چین نے ہمیشہ پاکستان کا ساتھ دیا، اور آج کی تقریر چین کے ذکر کے بغیر مکمل نہیں ہو سکتی۔ وزیراعظم نے کہا کہ ہم نے ایک ذمہ دار ریاست کے طور پر جنگ بندی کی پیشکش کو مثبت انداز میں قبول کیا ہے اور ہمیں مکمل یقین ہے کہ جموں و کشمیر سمیت تمام مسائل کا حل پرامن مذاکرات کے ذریعے نکالا جا سکتا ہے۔
مزید :.
ذریعہ
ذریعہ: Daily Pakistan
کلیدی لفظ: شکریہ ادا کیا کرتے ہوئے نے کہا کہ انہوں نے
پڑھیں:
حکومت نے نیشنل امیگریشن اینڈ ویلفیئر پالیسی 2026 کا اجرا کر دیا
وفاقی وزیر اوورسیز پاکستانیز چوہدری سالک حسین نے نیشنل امیگریشن اینڈ ویلفیئر پالیسی 2026 کا اجرا کر دیا۔تقریب سے خطاب کرتے ہوئے انہوں نے کہا کہ آج کا دن پاکستان میں لیبر مائیگریشن کے نظم و نسق کو مضبوط بنانے کی جانب ایک اہم سنگ میل ہے۔ یہ پالیسی ہر اس پاکستانی سے کیے گئے قومی عزم کی عکاس ہے جو بہتر مواقع کی تلاش میں اپنا گھر چھوڑتا ہے۔انہوں نے کہا کہ محفوظ اور منظم نقل مکانی، مہارتوں کی ترقی، کارکنوں کا تحفظ، تارکینِ وطن کی شمولیت اور وطن واپس آنے والوں کی بحالی اس پالیسی کے بنیادی ستون ہیں۔ تکنیکی جدت، آبادیاتی تبدیلیاں اور لیبر مارکیٹ کے بدلتے ہوئے تقاضے دنیا بھر کی معیشتوں کو نئی شکل دے رہے ہیں. اس لیے پاکستان کو اپنی افرادی قوت کو آج اور مستقبل دونوں کے مواقع کے لیے تیار کرنا ہوگا۔ ان کا کہنا تھا کہ نیشنل امیگریشن اینڈ ویلفیئر پالیسی 2026 اس سمت میں ایک اہم قدم اور پاکستان کی افرادی قوت کو مستقبل کے تقاضوں سے ہم آہنگ کرنے میں سنگ میل ثابت ہوگی۔چوہدری سالک حسین نے کہا کہ ایک کروڑ 20 لاکھ پاکستانی دنیا بھر میں مقیم ہیں اور اپنی پیشہ ورانہ مہارت، دیانت داری اور محنت کی بدولت پاکستان کے سفیر بن چکے ہیں۔ گزشتہ مالی سال میں سمندر پار پاکستانیوں نے 41 ارب امریکی ڈالر سے زائد کی ترسیلاتِ زر وطن بھیجیں، جو ملکی تاریخ کی بلند ترین رقم ہے۔ انہوں نے کہا کہ بیرون ملک مقیم پاکستانیوں کی کامیابی پاکستان کی کامیابی ہے اور ان کی فلاح و بہبود ہماری قومی ذمہ داری ہے۔انہوں نے کہا کہ یہ پالیسی اداروں، تجربات اور شراکت داریوں کو ایک مشترکہ وژن کے تحت یکجا کرتی ہے تاکہ ہر پاکستانی کارکن نقل مکانی کے پورے سفر کے دوران بہتر طور پر تیار، محفوظ اور معاونت یافتہ ہو۔ اس پالیسی کا محور ہر اس پاکستانی کا سفر ہے جو مواقع کی تلاش میں اپنا گھر چھوڑتا ہے، جبکہ ذمہ داری روانگی سے پہلے ہی شروع ہو جاتی ہے، جہاں نوجوان کارکنوں کو متعلقہ مہارتیں، قابلِ اعتماد معلومات اور اخلاقی بھرتی تک رسائی فراہم کی جائے گی۔وفاقی وزیر نے کہا کہ اس پالیسی کی کامیابی وفاقی اور صوبائی حکومتوں، نفاذ کرنے والے اداروں، آجروں، تربیتی اداروں، ترقیاتی شراکت داروں، نجی شعبے اور سمندر پار پاکستانیوں کے باہمی تعاون سے مشروط ہے۔ انہوں نے صوبائی حکومتوں، آئی سی ایم پی ڈی (ICMPD)، دیگر ترقیاتی شراکت داروں اور تمام اسٹیک ہولڈرز کا مشاورتی عمل میں تعاون پر شکریہ ادا کیا، جبکہ اسپیشل انویسٹمنٹ فیسیلیٹیشن کونسل (SIFC) کی مسلسل معاونت کو بھی سراہا۔انہوں نے کہا کہ ہجرت یا نقل مکانی غیر یقینی کا سفر نہیں بلکہ مواقع، وقار اور قومی ترقی کا راستہ ہونا چاہیے۔ آئیں مل کر ایسا مستقبل بنائیں جہاں ہر پاکستانی اعتماد کے ساتھ بیرون ملک جائے، فخر کے ساتھ وطن واپس آئے اور ہمیشہ ایک ایسی قوم سے جڑا رہے جو اس کی خدمات کی قدر اور عزت کرتی ہو۔ انہوں نے دعا کی کہ اللہ تعالیٰ اس وژن کو عوام کے لیے بامعنی ترقی، پاکستان کے لیے دیرپا خوشحالی اور ہر سمندر پار پاکستانی اور اس کے خاندان کے روشن مستقبل کا ذریعہ بنائے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی