مغربی کنارے میں فلسطینی جوان کا بلا اشتعال ''قتل''
اشاعت کی تاریخ: 11th, May 2025 GMT
مغربی کنارے میں ایک جوان فلسطینی شہری کو غاصب و سفاک اسرائیلی فوج کیجانب سے بلا اشتعال وحشیانہ فائرنگ کا نشانہ بنا کر موقع پر مار ڈالنے سے متعلق چونکا دینے والی ویڈیو فوٹیج نے سفاک اسرائیلی رژیم کے اس جھوٹ کو بے نقاب کر دیا ہے کہ مذکورہ فلسطینی نوجوان مسلح تھا! اسلام ٹائمز۔ فلسطینی مغربی کنارے کے شمالی مغربی علاقے میں غاصب و سفاک اسرائیلی فوج کے ہاتھوں ایک نوجوان فلسطینی شہری کی ٹارگٹ کلنگ سے متعلق چونکا دینے والی ویڈیو فوٹیج سوشل میڈیا پر وائرل ہوئی ہے جس نے قابض صیہونیوں کے جھوٹے دعووں کو ایک بار پھر بے نقاب کر دیا ہے۔ جائے وقوعہ پر لگے سی سی ٹی وی کیمروں سے ریکارڈ کی گئی اس ویڈیو فوٹیج میں غاصب و سفاک اسرائیلی فوج کی اسپیشل فورسز کا ایک اہلکار، سول کپڑوں میں ملبوس، پستول پکڑے 30 سالہ رامی الکخن پر اچانک گولی چلا دیتا ہے جو ایک گلی میں کھڑا ایک دوسرے فلسطینی نوجوان کے ساتھ بات چیت کر رہا تھا۔ گولیاں لگنے پر حیران رہ جانے والے اس فلسطینی نوجوان نے ہتھیار ڈالنے کے اشارے کے طور پر اپنے خالی ہاتھ ہوا میں بلند کر رکھے تھے جب اسے مزید گولیاں مار کر موقع پر ہی قتل کر دیا گیا۔ ۔
یہ شواہد غاصب اسرائیلی پولیس کے اس جھوٹے بیانیے کی واضح تردید کرتے ہیں کہ جس میں دعوی کیا گیا تھا کہ شہید رامی الکخن مسلح تھا اور خطرہ سمجھا جا رہا تھا، جبکہ یہ بے بنیاد الزامات ظاہر کرتے ہیں کہ یہ دعوے اس فلسطینی جوان کی ٹارگٹ کلنگ کو جواز فراہم کرنے کی کوشش میں گھڑے گئے ہیں۔
واضح رہے کہ جمعرات کے روز اسرائیلی پولیس نے اعلان کیا تھا کہ "مستعربین" (عرب حلیئے میں مخفی اسرائیلی فوجیوں) نے فوج اور شن بیٹ (اندرونی سکیورٹی ایجنسی) کے باہمی تعاون سے نابلس کے پرانے محلے میں ایک ''آپریشن'' انجام دیا ہے، جس کے نتیجے میں "ایک مسلح شخص کہ جس پر فلسطینی مزاحمتی فورس عرین الاسود میں رکنیت کا شک تھا، ہلاک اور ایک دوسرا شخص گرفتار ہوا ہے۔
ذریعہ: Islam Times
کلیدی لفظ: اسرائیلی فوج
پڑھیں:
مغربی ایشیاء کو درپیش صیہونی خطرات پر حزب الله کا انتباہ
اپنی ایک تقریر میں محمود قماطی کا کہنا تھا کہ پریشانی اس بات کی ہے کہ کچھ لوگ اس بات کو سمجھنے یا درک رکنے سے قاصر ہیں کہ اسرائیل، عراق کی سرحدوں تک پہنچ چکا ہے۔ اسلام ٹائمز۔ لبنان کی مقاومتی تحریک "حزب الله" كی سیاسی شوریٰ كے ركن "محمود قماطی" نے کہا کہ کسی بھی سیاسی گروہ کو گریٹر اسرائیل نامی حقیقی و وجودی خطرے کے سامنے، صیہونی دشمن کے ساتھ ہم آہنگی نہیں کرنی چاہئے۔ انہوں نے کہا کہ لبنان کی تباہی کا انتباہ کوئی سیاسی نعرہ یا مبالغہ آرائی نہیں بلکہ نتین یاہو نے گریٹر اسرائیل کے بارے میں بات کرتے ہوئے لبنان کو لپیٹنے کی بات کی۔ لہٰذا یہ ہماری قومی ذمے داری ہے کہ ہم امریکہ کو اس بات کی قطعاََ اجازت نہ دیں کہ وہ لبنانی حکومت کو اسرائیلی مفادات میں کام کرنے کے لئے ڈکٹیٹ کرے۔ شام کی مثال ہمارے سامنے ہے۔ جو بھی امریکہ چاہتا ہے یہ ملک بلا چون و چرا انجام دے رہا ہے مگر اس کے باوجود کیا دمشق کے خلاف اسرائیلی حملے بند ہوئے؟۔ انہوں نے کہا کہ یہ حملے اس لئے جاری ہیں کیونکہ وہاں مقاومت نہیں ہے۔
محمود قماطی نے کہا کہ پریشانی اس بات کی ہے کہ کچھ لوگ اس بات کو سمجھنے یا درک رکنے سے قاصر ہیں کہ اسرائیل، عراق کی سرحدوں تک پہنچ چکا ہے۔ انہوں نے واضح کیا کہ خطے میں بڑی تبدیلیاں ہم پر مسلط کی جا رہی ہیں، ایسے میں کم از کم ہم یہ کر سکتے ہیں کہ اپنی طاقت اور صلاحیت کے مطابق ان سازشوں کا مقابلہ کریں تاکہ ان بڑے چیلنجز سے نمٹ سکیں جو نہ صرف لبنان بلکہ تمام عرب اقوام کے لئے خطرہ ہیں۔ انہوں نے کہا کہ ملک کو امریکی و اسرائیلی تسلط میں لانے کا اعلان شدہ منصوبہ موجود ہے۔ واشنگٹن چاہتا ہے کہ لبنان، ہر قسم کی دفاعی و معاشی صلاحیت یا بنیادی ضروریات زندگی سے محروم ہو جائے، کیونکہ وہ لبنان کے ٹکڑے ٹکڑے کرنے کے درپے ہے۔ محمود قماطی نے کہا کہ جب ہم ہتھیار نہ ڈالنے کی بات کرتے ہیں تو اس سے مراد قومی مفاد میں لبنان کی خودمختاری و سالمیت کا دفاع ہے۔
نیویارک کے صرف ساڑھے 9 فٹ چوڑے گھر کی حیران کن قیمت سامنے آگئی