پاک فوج نے ہر محاذ پر دفاع کو یقینی بنایا، اسپیکر قومی اسمبلی
اشاعت کی تاریخ: 11th, May 2025 GMT
اسلام آباد:
اسپیکر قومی اسمبلی سردار ایاز صادق نے یوم تشکر منانے کے وزیراعظم پاکستان کے اعلان کا خیر مقدم کیا ہے۔
سردار ایاز صادق نے آپریشن ’’بُنْيَانٌ مَّرْصُوْص‘‘ کی کامیابی پر اظہارِ مسرت کرتے ہوئے افواجِ پاکستان کی جرات و بہادری کو خراج تحسین پیش کیا۔
انہوں نے کہا کہ آج کا دن سجدہ شکر بجا لانے کا دن ہے، پاک فوج نے ہر محاذ پر دفاع کو یقینی بنایا، پوری قوم نے اتحاد اور یکجہتی کا مظاہرہ کیا جبکہ تمام سیاسی قوتوں نے ملکی سلامتی کو مقدم رکھا۔
اسپیکر قومی اسمبلی کا کہنا تھا کہ قومی یکجہتی نے پاکستان کو سفارتی و اخلاقی فتح دلائی، دشمن کو آپریشن ’’بُنْيَانٌ مَّرْصُوْص‘‘ میں مؤثر جواب دیا گیا، ہر محاذ پر کامیابی اللہ تعالیٰ کے فضل سے ممکن ہوئی۔
انہوں نے کہا کہ پاکستان نے صبر و تحمل اور حکمت سے دشمن کی جارحیت کا مقابلہ کیا، عالمی سطح پر پاکستان کی سفارت کاری کو سراہا گیا، پاکستان آج سیاسی، دفاعی اور اخلاقی برتری کے ساتھ ابھرا ہے۔
ایاز صادق نے کہا کہ بھارت کے خلاف فتح سے پاکستان کو علاقائی اور عالمی سطح پر بھرپور پذیرائی ملی ہے۔ دنیا نے تسلیم کیا کہ پاکستان ایک خود مختار اور پُرامن ملک ہے۔
اسپیکر قومی اسمبلی کا بھارتی جارحیت کے دوران شہید ہونے والوں کے اہلخانہ سے اظہارِ تعزیت کرتے ہوئے کہا کہ قوم شہداء کی قربانیوں کو کبھی فراموش نہیں کرے گی، شہداء نے ملک کے لیے جانوں کا نذرانہ دیا۔
.ذریعہ: Express News
کلیدی لفظ: اسپیکر قومی اسمبلی کہا کہ
پڑھیں:
ڈاکٹر باقر قالیباف کراچی پہنچ گئے، اسپیکر سندھ اسمبلی اویس قادر شاہ نے استبال کیا
اسپیکر سید اویس قادر شاہ نے کہا میرے لیے یہ اعزاز کی بات ہے کہ میں اسلامی جمہوریہ ایران کی مجلسِ شورائے اسلامی کے معزز اسپیکر ڈاکٹر محمد باقر قالیباف اور ایرانی پارلیمنٹ کے دیگر اراکین کا کراچی میں استقبال کر رہا ہوں، سندھ کے عوام اور ایران کے عوام کے درمیان صدیوں پرانے مذہبی و ثقافتی تعلقات قائم ہیں۔ اسلام ٹائمز۔ اسلامی جمہوریہ ایران کی مجلسِ شورائے اسلامی کے اسپیکر ڈاکٹر محمد باقر قالیباف کا کراچی پہنچنے پر اسپیکر سندھ اسمبلی سید اویس قادر شاہ کی جانب سے پُرتپاک استقبال کیا گیا۔ اسپیکر صوبائی اسمبلی سندھ سید اویس قادر شاہ نے اسلامی جمہوریہ ایران کی مجلسِ شورائے اسلامی کے اسپیکر ڈاکٹر محمد باقر قالیباف کا جناح انٹرنیشنل ایئرپورٹ کراچی پر پُرتپاک استقبال کیا۔ سید اویس قادر شاہ نے اسلامی مجلسِ شورائے اسلامی کے اسپیکر ڈاکٹر محمد باقر قالیباف کو خوش آمدید کہتے ہوئے گلدستہ پیش کیا۔ کراچی میں قیام کے دوران ایرانی پارلیمانی وفد بانیِ پاکستان قائدِ اعظم محمد علی جناحؒ کے مزار پر حاضری دیں گے۔ اسپیکر صوبائی اسمبلی سندھ سید اویس قادر شاہ کی جانب سے ایرانی اسپیکر ڈاکٹر محمد باقر قالیباف اور وفد کے اعزاز میں عشائیہ دیا جائیگا جس میں اراکین سندھ اسمبلی اور کاروباری برادری کی نمایاں شخصیات شرکت کریں گی۔
ایرانی اسپیکر ڈاکٹر محمد باقر قالیباف نے کہا کہ اسپیکر سندھ اسمبلی سید اویس قادر شاہ کا دلی شکریہ ادا کرتا ہوں جنہوں نے ہمیں بھرپور محبت، احترام اور مہمان نوازی سے خوش آمدید کہا۔ اسپیکر سید اویس قادر شاہ کے ہمراہ اراکین صوبائی اسمبلی میر طارق تالپور منسٹر سوشل ویلفیئر ڈیپارٹمنٹ سندھ، قاسم سومرو اور محمد آصف موسیٰ موجود تھے جنہوں نے معزز مہمانوں کا پُرتپاک استقبال کیا۔ ایرانی اسپیکر اسلام آباد میں اپنے سرکاری دوروں کے بعد کراچی پہنچے۔ اسپیکر سید اویس قادر شاہ نے کہا میرے لیے یہ اعزاز کی بات ہے کہ میں اسلامی جمہوریہ ایران کی مجلسِ شورائے اسلامی کے معزز اسپیکر ڈاکٹر محمد باقر قالیباف اور ایرانی پارلیمنٹ کے دیگر اراکین کا کراچی میں استقبال کر رہا ہوں، سندھ کے عوام اور ایران کے عوام کے درمیان صدیوں پرانے مذہبی و ثقافتی تعلقات قائم ہیں۔
اس موقع پر اسپیکر سندھ اسمبلی کے ہمراہ سیکریٹری صوبائی اسمبلی جی ایم عمر فاروق اور ڈائریکٹر جنرل عرفان احمد میمن بھی موجود جب کہ ایرانی وفد میں ڈاکٹر محمد باقر قالیباف کے ہمراہ ایران کے پارلیمانی وفد میں مسٹر فدا حسین ملکی (چیئرمین ایران پاکستان پارلیمانی فرینڈشپ گروپ/رکن مجلسِ شورائے اسلامی ایران)، محمد نور دہانی (نائب چیئرمین ایران پاکستان پی ایف جی/رکن مجلسِ شورائے اسلامی ایران)، رحمدل بمیری (رکن ایران پاکستان پی ایف جی/رکن مجلسِ شورائے اسلامی ایران)، مہرداد گودرزوند چگینی، فضل اللہ رنجبر، ابوالفضل عمویی، وحید جلال زادہ، محمد سعید احدیان، مہدی محمدی اور مہدی مسکینی سمیت دیگر اراکین اور عہدیداران شامل تھے۔
جماعت اسلامی کا شدید احتجاج، بنگلادیش میں موسیقی کی تعلیم کا منصوبہ منسوخ