امریکا کے پاکستان بھارت تعلقات سے متعلق بیان کا خیرمقدم کرتے ہیں، پاکستان
اشاعت کی تاریخ: 11th, May 2025 GMT
پاکستان نے امریکی صدر ڈونلڈ ٹرمپ کی جانب سے پاکستان اور بھارت کے درمیان تعلقات سے متعلق بیان کا خیر مقدم کیا ہے۔
میڈیا رپورٹس کے مطابق دفتر خارجہ کے ترجمان نے کہا ہے کہ پاکستان نے بھارت کے ساتھ کشیدگی کے دوران امریکا سمیت دیگر دوست ممالک کے تعمیری کردار کو سراہا۔
یہ بھی پڑھیں جنوبی ایشیا میں قیام امن کے لیے ڈونلڈ ٹرمپ کی کاوشیں لائق تحسین ہیں، وزیراعظم شہباز شریف
ترجمان دفتر خارجہ نے کہاکہ امریکا نے پاکستان اور بھارت کے درمیان جنگ بندی کے حالیہ معاہدے میں کردار ادا کیا، ہم امریکی صدر ڈونلڈ ٹرمپ کی مسئلہ کشمیر کے حل میں مدد کی پیشکش کا خیرمقدم کرتے ہیں، چاہتے ہیں مسئلہ کشمیر کا حل اقوام متحدہ کی قراردادوں کے مطابق ہو۔
ترجمان نے کہاکہ پاکستان نے کشمیریوں کے حق خودارادیت کی ہمیشہ حمایت کی ہے۔
انہوں نے کہاکہ پاکستان امریکا سے تجارت، سرمایہ کاری اور اقتصادی تعاون بڑھانے کا خواہاں ہے، ہم علاقائی امن، سلامتی اور خوشحالی کے لیے عالمی برادری سے رابطے میں رہیں گے۔
واضح رہے کہ امریکی صدر ڈونلڈ ٹرمپ نے پاکستان اور بھارت کے درمیان سیز فائر کرانے میں اہم کردار ادا کیا۔
آج اپنے ایک بیان میں انہوں نے کہاکہ میں بہت فخر محسوس کرتا ہوں کہ بھارت اور پاکستان کی مضبوط اور غیر متزلزل قیادت نے یہ سمجھنے اور جاننے کی ہمت دکھائی کہ اب وقت ہے کہ جاری جارحیت کو روکا جائے، کیونکہ اس سے بہت زیادہ ہلاکت اور تباہی ہو سکتی تھی۔
امریکی صدر نے لکھا کہ اس کشیدگی میں لاکھوں معصوم لوگ مر سکتے تھے، دونوں ممالک کے باہمت رویے سے اچھی روایت بن گئی ہے، مجھے فخر ہے کہ امریکا آپ دونوں کی مدد کر سکا تاکہ آپ اس تاریخی فیصلے تک پہنچ سکیں۔
ڈونلڈ ٹرمپ نے کہا کہ اگرچہ یہ بات زیرِ بحث نہیں آئی لیکن میں اس بات کا بھی ارادہ رکھتا ہوں کہ دونوں ممالک کے ساتھ تجارت میں خاطرخواہ اضافہ کروں۔ اس کے علاوہ میں آپ دونوں کے ساتھ مل کر یہ کوشش بھی کروں گا کہ کیا کشمیر کے حوالے سے کوئی حل تلاش کیا جا سکتا ہے۔
یہ بھی پڑھیں مسئلہ کشمیر کا حل اور دونوں عظیم ممالک کے درمیان تجارت چاہتا ہوں، ٹرمپ کا پاکستان اور بھارت کو پیغام
انہوں نے دونوں ممالک کے لیے نیک تمناؤں کا اظہار کرتے ہوئے کہا کہ خدا آپ کی قیادت کو سلامت رکھے، بھارت اور پاکستان کو ایک اچھے کام کے لیے مبارکباد پیش کرتا ہوں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکی صدر پاکستان بھارت جنگ پاکستان بھارت کشیدگی تجارت ڈونلڈ ٹرمپ سرمایہ کاری مسئلہ کشمیر کا حل وی نیوز.ذریعہ: WE News
کلیدی لفظ: امریکی صدر پاکستان بھارت جنگ پاکستان بھارت کشیدگی ڈونلڈ ٹرمپ سرمایہ کاری مسئلہ کشمیر کا حل وی نیوز پاکستان اور بھارت مسئلہ کشمیر ڈونلڈ ٹرمپ امریکی صدر کے درمیان بھارت کے ممالک کے نے کہاکہ کے لیے
پڑھیں:
ترک صدر کی ہیگ میں امریکی ہم منصب سے ملاقات ،علاقائی اور عالمی مسائل ، دو طرفہ تعلقات بارے تبادلہ خیال
دی ہیگ (اُردو پوائنٹ اخبارتازہ ترین - اے پی پی۔ 25 جون2025ء) ترکیہ کے صدر رجب طیب اردوان نے نیدر لینڈز کے شہر ہیگ میں نیٹو کے سربراہی اجلاس کے موقع پر امریکی ہم منصب ڈونلڈ ٹرمپ سے ملاقات کی جس دوران علاقائی اور عالمی مسائل کے ساتھ ساتھ دو طرفہ تعلقات بارے بھی تبادلہ خیال کیا گیا ۔(جاری ہے)
وام نے تر کیہ کے کمیونیکیشنز ڈائریکٹوریٹ کے حوالے سے بتایا کہ صدر اردوان نے امریکی ہم منصب ڈونلڈ ٹرمپ کی کوششوں سے اسرائیل ایران جنگ بندی کا خیرمقدم کرتے ہوئے دیرپا امن، غزہ بحران کے خاتمے اور یوکرین کے حوالے سے بات چیت پر زور دیا۔
صدررجب طیب اردوان نے توانائی، سرمایہ کاری اور دفاع میں خاص طور پر امریکا کے ساتھ تعاون کے مضبوط امکانات کو اجاگر کرتے ہوئے کہا کہ تعلقات کو آگے بڑھانے سے 100 ارب امریکی ڈالر کا تجارتی ہدف حاصل کرنے میں مدد مل سکتی ہے۔ترک خبررساں ادارے انادولو کی رپورٹ کے مطابق صدر اردوان اور ڈونلڈ ٹرمپ دونوں نے اتحاد میں سرکردہ اتحادیوں کے طور پر نیٹو کی ڈیٹرنس مضبوط کرنے کی اہمیت پر زور دیا۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی