راجہ فاروق حیدر کی متاثرینِ گولہ باری سے اظہارِ یکجہتی کیلئے وادیٔ نیلم آمد
اشاعت کی تاریخ: 13th, May 2025 GMT
راجہ فاروق حیدر—فائل فوٹو
سابق وزیرِ اعظم آزاد جموں و کشمیر راجہ فاروق حیدر گولہ باری سے متاثرین سے اظہارِ یکجہتی کےلیے وادیٔ نیلم پہنچ گئے۔
اس موقع پر سابق وزیراعظم نے جوار کے مقام پر گولہ باری کے نقصانات کا جائزہ لیا اور شہداء کے ورثاء سے تعزیت کی۔
لوٹن سابق وزیراعظم آزادکشمیر راجہ فاروق حیدر نے.
سابق وزیرِاعظم راجہ فاروق حیدر خان نے بھارتی گولہ باری کے متاثرین سے گفتگو میں کہا کہ وزیرِ اعظم شہباز شریف کے شہداء، زخمیوں اور املاک کے لیے پیکیج کا خیر مقدم کرتے ہیں۔
ان کا کہنا ہےکہ شہباز شریف کا اعلان کشمیر سے لازوال اور کبھی ختم نہ ہونے والے رشتے کا مظہر ہے، لائن آف کنٹرول پر بھارتی فوج نے نہتے شہریوں کو نشانہ بنایا۔
راجہ فاروق حیدر نے کہا کہ بھارتی فوج نے معصوم بچوں، عورتوں، بزرگوں کو شہید کیا، پاک فوج نے ثابت کیا کہ وہ دنیا کی بہترین فوج ہے، فضائیہ اور بری فوج کی صلاحیتوں کا دنیا نے مظاہرہ دیکھا۔
ذریعہ: Jang News
کلیدی لفظ: راجہ فاروق حیدر گولہ باری
پڑھیں:
قومی اسمبلی میں افواج پاکستان کے ساتھ اظہار یکجہتی کی قرارداد منظور کرلی گئی
قومی اسمبلی میں افواج پاکستان کے ساتھ اظہار یکجہتی کیلئے قراداد پیش کی گئی، جو متفقہ طور پر منظور کرلی گئی۔
اجلاس کے دوران افواج پاکستان کے ساتھ اظہار یکجہتی کیلئے قرارداد وفاقی وزیر قانون اعظم نذیر تارڑ نے پیش کی، اور کہا کہ تمام سیاسی جماعتوں نے متحد ہوکر پاکستان کےلیے کردار ادار کیا، ہم نے تمام جماعتوں کی مشاورت سے یہ قرارداد تیار کی ہے۔
قرارداد میں کہا گیا کہ ایوان پاکستانی افواج کو ان کی پیشہ ورانہ صلاحیت اور جرأت پر خراجِ تحسین پیش کرتا ہے، قوم نے تمام اختلافات سے بالا تر ہوکر قیادت کے پیچھے ایک آواز ہو کر اتحاد کا مظاہرہ کیا۔
امریکا کی ثالثی اور دوست ملکوں کی مدد سے ہونے والی جنگ بندی میں طے پایا ہے کہ دونوں ملک کسی تیسرے ملک میں مذاکرات کریں گے۔
افواج نے بھارت کی بلا اشتعال جارحیت کے خلاف انتہائی ذمہ داری اور مناسب ردعمل سے دفاع کیا، یہ ایوان دھرتی ماں کیلئے جانوں کا نذرانہ پیش کرنے والے شہداء کو خراج عقیدت پیش کرتا ہے، یہ ایوان شہداء کی قربانی کو قومی فخر، اتحاد اور حوصلے کی علامت قرار دیتا ہے۔
ایوان ان دوست ممالک کا شکریہ ادا کرتا ہے جنہوں نے پاکستان کی حمایت کی، یہ ایوان علاقائی اور عالمی امن کیلئے پاکستان کے عزم کا اعادہ کرتا ہے،
خطے میں دیرپا امن صرف سنجیدہ اور منظم مذاکرات سے ہی ممکن ہے۔
وفاقی وزیر داخلہ محسن نقوی آج راولپنڈی میں بھارتی ڈرون حملے میں شہید نوجوان کے لاہور میں واقع گھر پہنچے۔
قرارداد کے متن میں کہا گیا کہ حکومت مسئلہ کشمیر کے حل کیلئے بین الاقوامی برادری کو متحرک کرے، یہ ایوان سندھ طاس معاہدے پر مکمل عملدرآمد کی اہمیت پر زور دیتا ہے، یہ ایوان پاکستان کے پانی کے حقوق کے تحفظ کو قومی سلامتی کا اہم جزو قرار دیتا ہے۔
راولپنڈی کی تمام سوسائٹیز میں بلیک آؤٹ رکھنے کا حکم جاری