صیہونی حکومت کی جانب سے جنوب مغربی شام پر ڈرون حملہ
اشاعت کی تاریخ: 14th, May 2025 GMT
بدھ کی صبح مقامی ذرائع نے اطلاع دی ہے کہ صیہونی حکومت کے بغیر پائلٹ طیاروں (ڈرونز) نے طرطوس کے نواحی علاقے کو نشانہ بنایا ہے۔ اسلام ٹائمز۔ بدھ کی صبح مقامی ذرائع نے اطلاع دی ہے کہ صیہونی حکومت کے بغیر پائلٹ طیاروں (ڈرونز) نے طرطوس کے نواحی علاقے کو نشانہ بنایا ہے۔ فارس نیوز کے مطابق، بدھ کی صبح جنوب مغربی شام میں دھماکوں کی آوازیں سنی گئیں۔ المیادین چینل نے ان رپورٹوں کے حوالے سے بتایا کہ طرطوس کے مضافاتی علاقے کو صیہونی حکومت کے ڈرونز نے نشانہ بنایا ہے۔ عراقی میڈیا ادارہ صابرین نیوز نے بھی تصاویر شائع کرتے ہوئے لکھا کہ صیہونی ڈرون حملے کے بعد طرطوس کے علاقے عمریت میں فضائی دفاعی نظام کی جانب سے جوابی فائرنگ دیکھی گئی۔
.
ذریعہ
ذریعہ: Islam Times
کلیدی لفظ: صیہونی حکومت طرطوس کے
پڑھیں:
مستونگ میں سیشن جج عبدالحکیم کاکڑ فائرنگ میں شہید، گن مین بھی جاں بحق
بلوچستان کے ضلع مستونگ میں قومی شاہراہ پر نامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہو گئے۔ واقعے کے بعد قانون نافذ کرنے والے اداروں نے علاقے کو گھیرے میں لے کر حملہ آوروں کی تلاش اور تحقیقات کا آغاز کر دیا ہے۔
ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ قومی شاہراہ پر نامعلوم مسلح افراد نے ان کی گاڑی پر اندھا دھند فائرنگ کر دی۔ حملے کے نتیجے میں سیشن جج اور ان کے گن مین موقع پر ہی شہید ہوگئے، جبکہ گاڑی میں سوار ایڈیشنل سیشن جج طارق لاشاری سمیت دو افراد شدید زخمی ہوئے۔
واقعے کے فوری بعد شہداء اور زخمیوں کو قریبی اسپتال منتقل کیا گیا، جہاں زخمیوں کو طبی امداد فراہم کی جا رہی ہے۔ سکیورٹی فورسز نے جائے وقوعہ کو گھیرے میں لے کر شواہد اکٹھے کیے اور حملہ آوروں کی گرفتاری کے لیے سرچ آپریشن شروع کر دیا ہے۔
دوسری جانب بلوچستان بار کونسل نے حملے کو نظامِ انصاف پر دہشت گردانہ حملہ قرار دیتے ہوئے شدید مذمت کی ہے۔ بار کونسل نے واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا ہے۔ اعلامیے میں ججز، وکلا اور شہریوں کی سکیورٹی یقینی بنانے، حملے میں ملوث عناصر کی فوری گرفتاری اور انہیں قانون کے مطابق سزا دینے کا مطالبہ بھی کیا گیا۔
وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی سخت الفاظ میں مذمت کرتے ہوئے شہداء کے اہل خانہ سے اظہار تعزیت کیا۔ انہوں نے متعلقہ اداروں کو حملہ آوروں کی فوری گرفتاری اور واقعے کی جامع تحقیقات کی ہدایت دیتے ہوئے کہا کہ ذمہ دار عناصر کو قانون کی گرفت سے نہیں بچنے دیا جائے گا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی