کوئٹہ، علی مدد جتک کی جشن فتح ریلی پر دستی بم دھماکہ، 8 افراد زخمی
اشاعت کی تاریخ: 14th, May 2025 GMT
پولیس کے مطابق منیر مینگل روڈ پر علی مدد جتک کی ریلی پر نامعلوم افراد نے دستی بم پھینکا۔ جسکے نتیجے میں متعدد افراد زخمی ہو گئے ہیں۔ اسلام ٹائمز۔ بلوچستان کے صوبائی دارالحکومت کوئٹہ میں پیپلز پارٹی کے رکن اسمبلی علی مدد جتک کی قیادت میں نکالی جانیوالی جشن فتح ریلی پر دستی بم دھماکہ ہوا ہے۔ پولیس کے مطابق منیر مینگل روڈ پر سریاب روڈ سے ہاکی گراؤنڈ کی طرف جانے والی علی مدد جتک کی ریلی پر نامعلوم افراد نے دستی بم پھینکا۔ جس کے نتیجے میں متعدد افراد زخمی ہو گئے ہیں۔ تاہم کوئی جانی نقصان نہیں ہوا ہے۔ ایمرجنسی خدمات انجام دینے والے ادارے توخی فاؤنڈیشن کے ترجمان کے مطابق سول ہسپتال کوئٹہ میں 8 افراد لائے گئے ہیں، جنہیں طبی امداد فراہم کی جا رہی ہے۔ مذکورہ ریلی پاک فوج کی حمایت میں نکالی گئی تھی اور ہاکی گراؤنڈ میں جاری حکومت بلوچستان کے جلسے میں شرکت کے لیے روانہ تھی۔ دھماکہ اس وقت ہوا جب ریلی کا قافلہ سریاب کے قریب مرکزی شاہراہ پر پہنچا۔ سکیورٹی فورسز نے علاقے کو گھیرے میں لے کر سرچ آپریشن شروع کر دیا ہے، جبکہ زخمیوں کو سول ہسپتال کوئٹہ منتقل کیا جا رہا ہے۔
.ذریعہ: Islam Times
کلیدی لفظ: علی مدد جتک کی ریلی پر دستی بم
پڑھیں:
جعفرآباد ؛ کار شو روم کے قریب دھماکہ
سٹی 42 : جعفرآباد ، ڈیرہ اللہ یار شہر میں کار شو روم کے قریب دھماکہ ہوا ہے ۔
جعفرآباد میں ہونے والے دھماکے کی اطلاع ملتے ہی پولیس جائے وقوعہ پر پہنچ گئی، جس کے بعد دھماکے کے مقام کو پولیس نے گھیر لیا ہے۔ تاحال کسی نقصان کی اطلاع نہیں ملی۔
دوسری جانب دھماکے کی نوعیت جاننے کے لئے بم ڈسپوزل اسکواڈ کو طلب کرلیا گیا ہے ۔
سرگودھا پولیس کا کریک ڈاون، پی ٹی آئی رہنماء شوکت شیرازی ساتھیوں سمیت گرفتار