پشین میں مسافر کوچ اور کار کے تصادم میں 3 جاں بحق، 5 زخمی
اشاعت کی تاریخ: 27th, September 2025 GMT
بلوچستان کے ضلع پشین کے علاقے خانوزئی میں ایک المناک حادثہ پیش آیا، جہاں اسلام آباد جانے والی مسافر کوچ اور مخالف سمت سے آ رہی ایک کرولا کار کے تصادم کے نتیجے میں تین افراد جان کی بازی ہار گئے جبکہ پانچ شدید زخمی ہو گئے۔
اسسٹنٹ کمشنر کاریزات، محمد حمزہ نے بتایا کہ کوچ کوئٹہ سے اسلام آباد جا رہی تھی کہ اچانک کار سے ٹکرا گئی، جس کے باعث کوچ الٹ گئی۔ حادثے کے فوراً بعد دو افراد موقع پر ہی جان بحق ہوگئے جبکہ زخمیوں کو فوری طور پر کوئٹہ کے ٹراما سینٹر منتقل کیا گیا۔
ڈاکٹر ارباب کامران، ایم ڈی ٹراما سینٹر کوئٹہ نے بتایا کہ زخمیوں کو فوری طبی امداد دی گئی، لیکن بدقسمتی سے ایک زخمی راستے میں ہسپتال پہنچنے سے پہلے چل بسا۔ باقی زخمیوں میں دو کی حالت نازک ہے اور ہسپتال کی پوری میڈیکل ٹیم ان کی جان بچانے کے لیے مصروف عمل ہے۔
یہ دردناک حادثہ ایک بار پھر بلوچستان کی سڑکوں کی حفاظت کے حوالے سے سوالات اٹھاتا ہے، جہاں عوام کی جانوں کو خطرات لاحق ہیں۔
واضح رہے کہ اس سے قبل پنجگور کی سی پیک روڈ پر بھی ایک مسافر کوچ اور پک اپ گاڑی کے تصادم میں آٹھ افراد جھلس کر جاں بحق ہو چکے ہیں، جس سے سڑکوں کی حفاظتی صورتحال پر گہری تشویش پائی جاتی ہے۔
ذریعہ: Daily Mumtaz
پڑھیں:
ایکواڈور کی جیل میں خوفناک خونی تصادم، 31 قیدی ہلاک
کویٹو: جنوبی امریکی ملک ایکواڈور میں واقع مچالا جیل میں ہنگامہ آرائی کے نتیجے میں 31 افراد ہلاک ہو گئے۔
بین الاقوامی خبر ایجنسیوں کے مطابق جیل میں صبح کے وقت قیدیوں کے درمیان تصادم ہوا جس میں اسلحے کا آزادانہ استعمال کیا گیا۔ ابتدائی اطلاعات کے مطابق چار افراد فائرنگ سے ہلاک اور متعدد زخمی ہوئے۔
حکام کے مطابق ہنگاموں کے بعد 27 مزید لاشیں جیل کے مختلف حصوں سے برآمد ہوئیں جن کی موت دم گھٹنے سے ہوئی۔
جیل انتظامیہ اور سکیورٹی فورسز نے علاقے کو گھیرے میں لے کر صورتحال پر قابو پا لیا جبکہ واقعے کی تحقیقات جاری ہیں تاکہ ہلاکتوں کی اصل وجوہات اور تشدد کے محرکات کا تعین کیا جا سکے۔
واضح رہے کہ ایکواڈور کی جیلوں میں گزشتہ چند برسوں کے دوران قیدی گروپوں میں خونریز جھڑپوں کے متعدد واقعات رپورٹ ہو چکے ہیں، جنہیں ملک کے منظم جرائم اور منشیات مافیا سے جوڑا جاتا ہے۔
وزیراعظم شہباز شریف سے استحکام پاکستان پارٹی قیادت کی ملاقات، 27ویں آئینی ترمیم پر مشاورت