پنجگور میں المناک حادثہ، 9 جاں بحق
اشاعت کی تاریخ: 27th, September 2025 GMT
بلوچستان کے ضلع پنجگور کے نواحی علاقے گومازی میں ایک افسوسناک ٹریفک حادثہ پیش آیا، جہاں زمباد، بس اور موٹرسائیکل آپس میں ٹکرا گئے۔ خوفناک تصادم کے نتیجے میں 9 افراد جاں بحق جبکہ ایک شخص شدید زخمی ہوگیا۔
اطلاع ملتے ہی امدادی ٹیمیں جائے وقوعہ پر پہنچیں اور جاں بحق افراد و زخمی کو ٹیچنگ اسپتال پنجگور منتقل کردیا گیا۔
میڈیکل ایمرجنسی پنجگور کے سربراہ مصرور احمد کے مطابق جاں بحق ہونے والوں میں زمباد میں سوار 2 افراد، بس کے 6 مسافر اور موٹرسائیکل سوار ایک شخص شامل ہیں، جبکہ موٹرسائیکل پر سوار ایک شخص زخمی ہے جسے فوری طبی امداد فراہم کی جا رہی ہے۔ جاں بحق اور زخمیوں کی شناخت کا عمل جاری ہے۔
پولیس کا کہنا ہے کہ ابتدائی تحقیقات کے مطابق تیز رفتاری حادثے کی بڑی وجہ بنی۔ تصادم کے بعد بس اور زمباد میں آگ بھڑک اٹھی، جسے فائربریگیڈ عملے نے کافی جدوجہد کے بعد بجھایا۔ ریسکیو اہلکاروں نے شہریوں کی مدد سے سڑک کو کلیئر کر کے ٹریفک بحال کر دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
پڑھیں:
صوابی: فائرنگ سے میاں، بیوی اور بیٹا جاں بحق، بیٹی زخمی
—فائل فوٹوخیبر پختونخوا کے ضلع صوابی میں فائرنگ کے نتیجے میں میاں، بیوی اور بیٹا جاں بحق ہو گئے۔
پولیس کے مطابق فائرنگ کا واقعہ صوابی کے علاقے مانیری بالا میں پیش آیا ہے، جس میں گولی لگنے سے بیٹی زخمی ہوئی ہے۔
صوابی میں جہانگیرہ روڈ پر واقع کالا پُل کے قریب رکشے پر فائرنگ کے نتیجے میں 3 افراد جاں بحق ہوگئے۔
فائرنگ کرنے والے ملزمان واردات انجام دینے کے بعد باآسانی فرار ہو گئے۔
پولیس کا کہنا ہے کہ جاں بحق افراد کی لاشیں اور زخمی بچی کو اسپتال منتقل کر دیا گیا ہے۔
فوری طور پر فائرنگ کی وجہ سامنے نہیں آئی ہے، واقعے کی تفتیش کی جا رہی ہے۔
وزیراعظم شہباز شریف سے مسلم لیگ (ق) وفد کی ملاقات، 27ویں آئینی ترمیم پر مشاورت