فون کی بیٹری لائف کی وجہ سے پریشان لوگوں کےلیے اچھی خبر آ گئی
اشاعت کی تاریخ: 14th, May 2025 GMT
کیا آپ اپنے آئی فون کی بیٹری لائف کی وجہ سے پریشان رہتے ہیں؟
تو اچھی خبر یہ ہے کہ بہت جلد آپ کے آئی فون کی بیٹری معمول سے زیادہ وقت تک کام کرنے لگے گی اور ایسا آرٹی فیشل انٹیلی جنس (اے آئی) ٹیکنالوجی سے ممکن ہوگا۔بلومبرگ کی ایک رپورٹ کے مطابق ایپل کے آئی فونز کے لیے نئے آپریٹنگ سسٹم آئی او ایس 19 میں ایک اے آئی فیچر کو متعارف کرایا جا رہا ہے جو بیٹری لائف کو بہتر بنائے گا۔
اس فیچر سے آئی فون کی جانب سے بیٹری پاور خرچ کرنے کے عمل کو زیادہ بہتر کیا جائے گا۔یہ نیا فیچر صارفین کے بیٹری ڈیٹا کو استعمال کرکے سمجھے گا کہ آپ کس طرح ڈیوائس کو استعمال کرتے ہیں اور بتائے گا کہ کس طرح آپ مخصوص ایپس یا فیچرز کو بیٹری لائف چوسنے سے روک سکتے ہیں۔
گوگل نے اسی طرح کا فیچر اڈاپٹیو بیٹری کے نام سے اینڈرائیڈ فونز کے لیے 2018 میں متعارف کرایا تھا جو صارفین کی جانب سے ڈیوائس کے استعمال کے انداز کا تجزیہ کرکے مدد فراہم کرتا ہے۔آئی او ایس 19 کو ستمبر میں آئی فون 17 سیریز کے ماڈلزکے ساتھ متعارف کرایا جائے گا۔
رپورٹ کے مطابق آئی او ایس 19 میں لاک اسکرین کے لیے ایک انڈیکٹر بھی متعارف کرایا جا رہا ہے جو یہ بتائے گا کہ آپ کا مکمل چارج فون کتنے وقت تک چلے گا۔رپورٹ میں مزید بتایا گیا کہ ایپل کی جانب سے آئی فون 17 سیریز کے لیے اے آئی بیٹری منیجمنٹ کو بھی متعارف کرایا جا رہا ہے۔
بنیادی طور پر اس منیجمنٹ کو آئی فون 17 ائیر کو مدنظر رکھ کر تیار کیا گیا ہے کیونکہ یہ کمپنی کا اب تک کا سب سے پتلا فون ہوگا اور اس کے ڈیزائن کے باعث اس میں بیٹری بھی دیگر ماڈلز کے مقابلے میں چھوٹی ہوگی۔مگر اے آئی بیٹری ٹول ان تمام آئی فونز کو دستیاب ہوگا جن کو آئی او ایس 19 پر اپ ڈیٹ کیا جاسکے گا۔
.ذریعہ: Daily Ausaf
کلیدی لفظ: متعارف کرایا ا ئی او ایس 19 بیٹری لائف ا ئی فون اے ا ئی کے لیے فون کی
پڑھیں:
ایکو ٹورزم منصوبے فطری مقامات کو جدید سیاحتی مراکز میں بدل رہے ہیں، مریم نواز
وزیراعلیٰ پنجاب مریم نواز نے کہا ہے کہ پنجاب میں وائلڈ لائف کا سب سے بڑا اسپتال قائم کیا جارہا ہے، 8.7 ارب روپے سے زائد مالیت کے ایکو ٹورزم منصوبے فطری مقامات کو جدید سیاحتی مراکز میں بدل رہے ہیں،
وزیراعلیٰ پنجاب مریم نواز نے برازیل میں منعقدہ تقریب سے خطاب کرتے ہوئے کہا کہ پنجاب نے حیوانات اور ماحولیاتی نظام کی بحالی کے لیے پاکستان کی تاریخ کی سب سے بڑی مہم شروع کی ہے، جو ہمدردی، اختراع اور انسانیت کی تجدید کا مظہر ہے۔
یہ بھی پڑھیں: مریم نواز کے ماحولیاتی آلودگی کے لیے اقدامات: ’عثمان بزدار کی حکومت میں ایسا کچھ دیکھنے کو ملا ہے؟‘
انہوں نے بتایا کہ پنجاب وائلڈ لائف اینڈ بایو ڈائیورسٹی ری وائیول پروگرام کے تحت مارچ 2024 سے اب تک 35 ہزار سے زائد نایاب پرندوں اور 700 جانوروں کو بچایا جا چکا ہے، جب کہ لاہور سفاری پارک میں 23 ریچھوں کے لیے خصوصی محفوظ مقام قائم کیا گیا ہے۔
Once, the cry of the wild in Punjab was fading. The rivers had grown silent, forests were shrinking, and the flight of our birds had become a rare sight. But today, the wilderness breathes again. Under the Punjab Wildlife and Biodiversity Revival Programme, we have launched the… pic.twitter.com/BZaIZ59vHv
— PMLN (@pmln_org) November 11, 2025
مریم نواز نے کہا کہ پہلی بار مصنوعی ذہانت سے چلنے والے ڈرون سروے صوبے بھر میں جنگلی حیات کے مسکنوں کا نقشہ بنا رہے ہیں، جب کہ بلیک بَک پرندوں کی عالمی سطح پر پہلی ڈرون مردم شماری نے تحفظِ ماحول کے میدان میں نیا عالمی معیار قائم کیا ہے۔
انہوں نے بتایا کہ پنجاب میں وائلڈ لائف ریسکیو رینجرز فورس قائم کی گئی ہے جو جدید ریسکیو گاڑیوں، الیکٹرک بائیکس اور جی پی ایس کالرز سے لیس ہے، جب کہ تین جدید ریسکیو سینٹرز اور ایک 24 گھنٹے فعال وائلڈ لائف ہیلپ لائن بھی قائم کی جا چکی ہے۔
یہ بھی پڑھیں: گرین اسکواڈ ماحولیاتی قوانین کی خلاف ورزی پر نظر رکھے گا، مریم نواز
وزیراعلیٰ نے مزید کہا کہ جنوبی ایشیا کا سب سے بڑا اور جدید ترین وائلڈ لائف اسپتال پنجاب میں زیرِ تعمیر ہے تاکہ زخمی یا خطرے میں پڑی انواع کے علاج و نگہداشت کے معیار کو عالمی سطح تک پہنچایا جا سکے۔
Let it also be known as the moment when the Global South found its voice not in protest, but in purpose. The time has come to redefine the balance between the Global North and the Global South, not built on aid, but on accountability, not on pity, but on partnership.… pic.twitter.com/1NLlDn24mi
— PMLN (@pmln_org) November 11, 2025
انہوں نے بتایا کہ 8.7 ارب روپے سے زائد مالیت کے ایکو ٹورزم منصوبے فطری مقامات کو جدید سیاحتی مراکز میں بدل رہے ہیں، جب کہ نئے بایو ڈائیورسٹی پارکس اور زولوجیکل پارکس فطرت سے ذمہ دارانہ تعلق کو فروغ دے رہے ہیں۔
پنجاب وائلڈ لائف ایکٹ اور پروٹیکٹڈ ایریاز ایکٹ میں خصوصی عدالتیں، وِسل بلوور تحفظ، اور 7 سال تک قید و 50 لاکھ روپے تک جرمانے کی سزائیں شامل کی گئی ہیں۔ نئی وائلڈ لائف فورس میں 600 افسران خدمات انجام دے رہے ہیں، جن میں 25 فیصد خواتین شامل ہیں۔
یہ بھی پڑھیں: کاپ 30: وزیراعلیٰ پنجاب مریم نواز کا جاسنڈا آرڈن کے ہمراہ پاکستان پویلین کا افتتاح
مریم نواز نے کہا کہ پنجاب میں جنگلات اور جھیلیں دوبارہ زندگی پا رہی ہیں، کیونکہ ہر بچائے گئے ہرن، ہر پرندے اور ہر بچے کی آنکھوں میں فطرت کی تجدید کا عکس جھلکتا ہے۔
انہوں نے زور دیا کہ حقیقی لچکدار معاشرے کی بنیاد شفاف طرزِ حکمرانی اور انصاف پر ہوتی ہے۔ پنجاب کلائمیٹ کونسل تمام محکموں کو ایک مربوط فریم ورک کے تحت اکٹھا کر رہی ہے، جب کہ اسپیشل انویسٹمنٹ فسیلیٹیشن کونسل کے ذریعے عالمی شراکت داروں کے ساتھ مل کر گرین اکانومی، ویسٹ ٹو انرجی، ای موبیلٹی اور بلیو اکانومی منصوبوں پر کام جاری ہے۔
وزیراعلیٰ نے کہا کہ زمین کو بچانے کی ضرورت نہیں، بلکہ ہمیں اپنی بقا کے لیے فطرت کے ساتھ شراکت داری کی ضرورت ہے۔ انہوں نے کہا کہ دنیا کے شمالی اور جنوبی حصے امداد کے نہیں بلکہ شراکت کے تعلق سے جڑے رہیں، تاکہ موسمی انصاف کے لیے حقیقی قیادت سامنے آئے۔
یہ بھی پڑھیں: وزیراعلیٰ مریم نواز شریف کوپ 30 اجلاس میں شرکت کے لیے برازیل روانہ
مریم نواز نے اپنے خطاب کے اختتام پر کہا کہ اب وقت آ گیا ہے کہ عالمی جنوب مظلوم نہیں بلکہ موسمی انصاف کے قائد کی حیثیت سے ابھرے۔ کلائمیٹ ایکشن خیرات نہیں بلکہ انصاف ہے، اور یہی انسانیت کی بقا کی واحد راہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ایکو ٹورزم بایو ڈائیورسٹی پارکس برازیل پرندے جاپان جنگلی حیات زولوجیکل پارکس مریم نواز وزیراعلٰی پنجاب
کراچی، عمرہ ویزے کی آڑ میں اٹلی جانے کی کوشش ناکام، 5 مسافر گرفتار