سندھ حکومت اور متحدہ عرب امارات کے درمیان اسپتال کے قیام کے لئے ایم او یو پر دستخط
اشاعت کی تاریخ: 15th, May 2025 GMT
وزیراعلیٰ سندھ مراد علی شاہ نے متحدہ عرب امارات کی حکومت کا شکریہ ادا کرتے ہوئے کہا کہ یہ اقدام سندھ خصوصاً قمبر کے عوام کے لیے ایک بڑا تحفہ ہے، ہم اس تعاون کو قدر کی نگاہ سے دیکھتے ہیں اور امید کرتے ہیں کہ مستقبل میں مزید شعبوں میں بھی دوطرفہ تعاون بڑھے گا۔ اسلام ٹائمز۔ وزیراعلیٰ سندھ مراد علی شاہ کی موجودگی میں سندھ حکومت اور متحدہ عرب امارات کے مابین ایک اہم یادداشتِ تفاہم (MoU) پر دستخط کیے گئے، جس کے تحت ضلع قمبر میں جدید سہولیات سے آراستہ 20 بستروں پر مشتمل اسپتال قائم کیا جائے گا۔ ترجمان وزیراعلیٰ سندھ کے مطابق، یہ تقریب وزیراعلیٰ ہاؤس کراچی میں منعقد ہوئی، جس میں وزیر صحت سندھ ڈاکٹر عذرا پیچوہو، چیف سیکریٹری سندھ آصف حیدر شاہ، رکن صوبائی اسمبلی سردار خان چانڈیو، سیکریٹری ٹو سی ایم رحیم شیخ اور دیگر اعلیٰ حکام نے شرکت کی۔
اس موقع پر متحدہ عرب امارات کی جانب سے قونصل جنرل بخیت عتیق الرمیثی جبکہ سندھ حکومت کی جانب سے سیکریٹری صحت ریحان بلوچ نے MoU پر دستخط کیے۔ ترجمان نے مزید بتایا کہ یہ اسپتال "شیخ زید اسپتال قمبر" کے نام سے قائم کیا جائے گا، جو جدید طبی آلات اور بنیادی سہولیات سے لیس ہوگا، اور علاقہ مکینوں کو معیاری طبی خدمات فراہم کرے گا۔ وزیراعلیٰ سندھ مراد علی شاہ نے متحدہ عرب امارات کی حکومت کا شکریہ ادا کرتے ہوئے کہا کہ یہ اقدام سندھ خصوصاً قمبر کے عوام کے لیے ایک بڑا تحفہ ہے، ہم اس تعاون کو قدر کی نگاہ سے دیکھتے ہیں اور امید کرتے ہیں کہ مستقبل میں مزید شعبوں میں بھی دوطرفہ تعاون بڑھے گا۔
ذریعہ: Islam Times
کلیدی لفظ: متحدہ عرب امارات
پڑھیں:
قطر اور امریکا کے درمیان مختلف معاہدوں پر دستخط
قطر اور امریکا نے دفاعی اور تجارتی تعلقات کو فروغ دینے کے معاہدوں پر دستخط کیے ہیں۔
امریکی صدر ڈونلڈ ٹرمپ جو مشرق وسطیٰ کے اہم دورے پر ہیں، سعودی عرب کے بعد اب قطر پہنچ گئے ہیں۔ دوحا میں امیر قطر شیخ تمیم بن حمد الثانی نے ان کا استقبال کیا اور انہیں قطر کے شاہی محل لایا گیا جہاں امریکی صدر کو گارڈ آف آنر پیش کیا گیا۔
یہ بھی پڑھیں: ایران سے ڈیل ‘دہشتگرد تنظیموں سے تعاون اور جوہری پروگرام ترک’ کرنے سے مشروط ہے، ڈونلڈ ٹرمپ
ڈونلڈ ٹرمپ 13 مئی کو سعودی عرب پہنچے تھے، جہاں دونوں ممالک کے درمیان اہم دفاعی، اقتصادی معاہدوں پر دستخط کیے گئے جب کہ سعودی خلائی ایجنسی اور ناسا کے درمیان معاہدے بھی پر دستخط ہوئے۔
امریکی صدر نے سعودی عرب کی طرح قطر کے ساتھ بھی دفاعی اور تجارتی معاہدوں پر دستخط کیے ہیں، یہ معاہدے امریکی صدر ڈونلڈ ٹرمپ اور قطری امیر کے درمیان دارالحکومت دوحا میں ہونے والی بات چیت کے بعد سامنے آئے، 20 سال سے زائد عرصے میں کسی امریکی صدر کا قطر کا یہ پہلا دورہ ہے۔
یہ بھی پڑھیں: پاکستان اور بھارت کی جنگ میں لاکھوں لوگ قتل ہوسکتے تھے، ڈونلڈ ٹرمپ
امریکی صدر نے شام پر عائد پابندیاں ہٹانے کے اعلان کے ایک دن بعد سربراہی اجلاس کے موقع پر اپنے شامی ہم منصب احمد الشارع سے ملاقات کی۔
امریکا اور قطر کے درمیان کن معاہدوں پر دستخط ہوئے؟قطر نے قطر ایئرویز کے لیے امریکا سے بوئنگ طیاروں اور بغیر پائلٹ ہوائی گاڑیوں کی خریداری کا معاہدہ کیا ہے، ڈونلڈ ٹرمپ نے کہا کہ یہ معاہدہ 200 بلین ڈالرز سے زیادہ مالیت کے 160 جیٹ طیاروں کے لیے ہے، قطر امریکا سے بغیر پائلٹ ہوائی گاڑیاں MQ-9B بھی خریدے گا۔
’ہم سب چاہتے ہیں کہ خطے میں امن قائم ہو اور ہمیں اُمید ہے کہ اس بار یہ ممکن ہو سکے گا۔‘قبل ازیں امیر قطر نے کہا کہ دوحہ اور واشنگٹن مشرقِ وسطیٰ میں قیام امن کے لیے مل کر کام کرتے رہیں گے۔
انہوں نے دوحہ میں امریکی صدر سے ملاقات کے دوران کہا کہ ’ہم سب چاہتے ہیں کہ خطے میں امن قائم ہو اور ہمیں اُمید ہے کہ اس بار یہ ممکن ہو سکے گا۔‘
امیر قطر نے مزید کہا کہ ’میں جانتا ہوں کہ آپ (ٹرمپ) ایک پُرامن شخصیت ہیں اور اس خطے میں امن لانا چاہتے ہیں۔‘انہوں نے اشارہ دیا کہ قطر اور امریکا نہ صرف مشرق وسطیٰ بلکہ روس اور یوکرین جیسے دیگر تنازعات میں بھی مل کر قیام امن کے لیے کوششیں کرسکتے ہیں۔
امیر قطر نے قطر اور امریکا کے درمیان ہونے والی بات چیت کے حوالے سے اپنے جوش و خروش کا اظہار کرتے ہوئے کہا کہ ان مذاکرات میں خطے میں قیام امن، سرمایہ کاری اور توانائی کے شعبے شامل ہوں گے۔
یہ بھی پڑھیں: امریکا اور سعودی عرب کے درمیان 300 ارب ڈالر کے متعدد معاہدوں پر دستخط
انہوں نے یقین دہانی کروائی کہ قطر 2022 میں ہونے والے فیفا ورلڈ کپ کی میزبانی سے حاصل شدہ تجربات 2026 کے امریکا میں ہونے والے ورلڈ کپ کے منتظمین کے ساتھ شیئر کرے گا۔
’ہم نے ایک دوسرے کو پسند کیا‘جواباً صدر ٹرمپ نے امیر قطر سے مخاطب ہو کر کہا کہ ’ہم نے ایک دوسرے کو پسند کیا اور دنیا بھر میں امن کے قیام کے لیے اعلیٰ سطح پر مل کر کام کیا۔‘
انہوں نے مزید کہا کہ ’آپ ہمیں روس، یوکرین اور دیگر خطوں میں امن قائم کرنے میں مدد فراہم کر رہے ہیں اور ہمیں امید ہے کہ ان کوششوں میں مثبت پیش رفت دیکھنے کو ملے گی۔‘
ایران کے مسئلے پر قطر نے امریکا کی بہت زیادہ مدد کی، ڈونلڈ ٹرمپامریکی صدر ڈونلڈ ٹرمپ نے اعتراف کیا ہے کہ ایران کے مسئلے پر قطر نے امریکا کی بہت زیادہ مدد کی ہے. انہوں نے اُمید ظاہر کی کہ سفارتی کوششیں اس حوالے سے کامیاب ہوں گی۔
بدھ کے روز قطر کے امیر شیخ تمیم بن حمد آل ثانی کے ساتھ ایک مشترکہ پریس کانفرنس میں ٹرمپ نے اعلان کیا کہ امریکہ اور قطر کے درمیان تجارتی اور دفاعی معاہدے طے پا گئے ہیں۔
امیر قطر نے اس موقع پر کہا کہ امریکہ کے ساتھ قطر کے تعلقات ایک نئے مرحلے میں داخل ہو چکے ہیں اور یہ تاریخی دورہ ان تعلقات کو مزید تقویت دے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکا امریکی صدر امیر قطر دفاعی معاہدے ڈونلڈ ٹرمپ شیخ تمیم بن حمد آل ثانی قطر
بھارتی حملوں پر ہم نے ابھی تک یواین چارٹرکے تحت جواب دینے کا حق استعمال نہیں کیا،پاکستانی سفیر برائے یو این