ریاستی اداروں کے خلاف نفرت انگیز مہم چلانے والوں کیخلاف کارروائی کا آغاز
اشاعت کی تاریخ: 15th, May 2025 GMT
نیشنل سائبر کرائم انویسٹی گیشن ایجنسی نے سابق فوجی اور 2 صحافیوں سمیت 5 ملزمان کیخلاف سوشل میڈیا پر ریاستی اداروں کے خلاف گمراہ کن پروپیگنڈا کرنے کے الزامات پر مقدمات درج کرلیے ہیں۔
مقدمات میں سابق آرمی آفیسر عادل راجہ، سابق ٹی وی اینکر اور صحافی معید پیرزادہ اور احمد نورانی سمیت محمد عمر اور محمد نذیر بٹ کو نامزد کیا گیا ہے، ملزمان پر سوشل میڈیا میں ریاستی اداروں کے خلاف گمراہ کن پروپیگنڈا کرنے کا الزام عائد کیا گیا ہے۔
یہ بھی پڑھیں: نیشنل سائبر کرائم انوسٹی گیشن ایجنسی رولز منسوخ، نوٹیفیکیشن جاری
این سی سی آئی اے کے مطابق ملزمان نے پاک بھارت کشیدگی میں جھوٹا اور اشتعال انگیز مواد شیئر کیا، ملزمان سوشل میڈیا پر جھوٹے اور گمراہ کن مواد کی مسلسل تشہیر کرتے رہے، انتشار یا ریاستی اداروں کو نشانہ بنانے والوں سے سختی سے نمٹا جائے گا۔
این سی سی آئی اے کے اعلامیے کے مطابق ایجنسی نے ڈیجیٹل پلیٹ فارمز پر ریاست مخالف مہم چلانے والوں کی نشاندہی کے لیے عوام سے مدد کی اپیل کرتے ہوئے آن لائن ریاست مخالف سرگرمیوں میں ملوث افراد کی معلومات فراہم کرنے کا کہا گیا ہے۔
مزید پڑھیں:نیشنل سائبر کرائم انوسٹی گیشن ایجنسی رولز منسوخ، نوٹیفیکیشن جاری
ترجمان این سی سی آئی اے کا کہنا ہے کہ اس ضمن میں متنازع پوسٹ کی تفصیل، اسکرین شاٹ، نام اور دیگر معلومات ایجنسی کو واٹس ایپ بھی کی جاسکتی ہیں، دوسری جانب اس ضمن میں نیشنل سائبر کرائم انوسٹی گیشن ایجنسی نے ہیلپ لائن 1799 بھی جاری کردی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احمد نورانی پروپیگنڈا ڈیجیٹل پلیٹ فارمز عادل راجہ معید پیرزادہ نیشنل سائبر کرائم انویسٹی گیشن ایجنسی ہیلپ لائن.ذریعہ: WE News
کلیدی لفظ: پروپیگنڈا ڈیجیٹل پلیٹ فارمز معید پیرزادہ نیشنل سائبر کرائم انویسٹی گیشن ایجنسی ہیلپ لائن ریاستی اداروں گیشن ایجنسی
پڑھیں:
ایف آئی اے کی کارروائی، 2 ملزمان سے کروڑوں مالیت کی کرنسی برآمد کرلی
ایف آئی اے کراچی زون نے غیر قانونی حوالہ ہنڈی اور کرنسی ایکسچینج کے خلاف بڑی کارروائی کرتے ہوئے دو اہم ملزمان کو گرفتار کر لیا۔
ترجمان ایف آئی اے کے مطابق یہ کارروائی ڈائریکٹر جنرل ایف آئی اے کی ہدایت پر اینٹی کرپشن سرکل کراچی کی ٹیم نے انجام دی۔
کارروائی کے دوران گرفتار افراد کی شناخت عبدالواسع اور دانیال خضر کے ناموں سے ہوئی ہے۔ دونوں ملزمان کو شاہراہِ فیصل اور ٹیپو سلطان روڈ کراچی سے حراست میں لیا گیا۔ ایف آئی اے کے مطابق ملزمان غیر قانونی طریقے سے ملکی و غیر ملکی کرنسی کی منتقلی میں ملوث تھے اور حوالہ ہنڈی کے ذریعے رقم بیرون ملک بھجواتے تھے۔
چھاپے کے دوران ملزمان کے قبضے سے ایک کروڑ روپے نقدی برآمد کی گئی، جبکہ ان کے موبائل فونز اور دیگر شواہد بھی تحویل میں لے لیے گئے ہیں جن سے غیر قانونی لین دین سے متعلق اہم معلومات حاصل ہوئیں۔
ترجمان ایف آئی اے کے مطابق ملزمان برآمد شدہ رقم کے حوالے سے تسلی بخش وضاحت پیش نہ کر سکے، جس کے بعد ان کے خلاف مقدمہ درج کر کے تفتیش شروع کر دی گئی ہے اور مزید ساتھیوں کی گرفتاری کے لیے چھاپے جاری ہیں۔
کپل شرما سے بھتہ مانگنے والا گینگسٹر گرفتار