قومی اسمبلی سے انکم ٹیکس ترمیمی بل 2024 کثرت رائے سے منظور
اشاعت کی تاریخ: 16th, May 2025 GMT
قومی اسمبلی میں انکم ٹیکس ترمیمی بل 2024 کثرت رائے سے منظور کر لیا گیا۔انکم ٹیکس ترمیمی بل وزیر خزانہ محمد اورنگزیب نے پیش کیا، اپوزیشن نے اس بل کی مخالفت کی۔ اجلاس کے دوران متعدد دیگرقراردادیں بھی منظور کر لی گئیں۔قومی اسمبلی نے سی ایس ایس امتحانات میں عمر کی حد 5 سال بڑھانے کی قرارداد بھی منظور کرلی۔ قرارداد میں مطالبہ کیا گیا کہ کسی بھی امیدوار کو پانچ مرتبہ مقابلے کی امتحان میں حصہ لینے کی اجازت دی جائے۔سی ایس ایس امتحانات میں حصہ لینے والے امیدوار کیلئے زیا دہ سے زیا دہ عمر کی حد 30 کی بجائے 35 سال کی جائے۔یہ قرارداد ن لیگ کی رکن اسمبلی نوشین افتخار کی جانب سے پیش کی گئی۔قومی اسمبلی میں تحویل ملزمان ترمیمی بل 2025 اور پاکستان شہریت بل 2024 کو بھی منظور کر لیا گیا، دونوں بل وزیر مملکت برائے داخلہ طلال چوہدری نے پیش کیے، پاکستان شہریت بل کے تحت شہریت ایکٹ کی سیکشن 14 A اور سیکشن 4 میں ترامیم کی گئی ہیں۔اسمبلی اجلاس میں ایف بی آئی ایس ای ترمیمی بل 2024 بھی منظور کیا گیا، یہ بل فرح ناز اکبر نے پیش کیا، وفاقی وزیر پارلیمانی امور طارق فضل چوہدری نے شق 3، 4 اور 6 میں ترامیم کی تجویز دیں جو منظور کر لی گئیں۔ایوان نے قومی اسمبلی رول 288 میں ترمیم بھی کثرت رائے سے منظور کی، پیپلز پارٹی کی رکن شرمیلا فاروقی کی طرف سے پیش کیا گیا چائلڈ میرج پر پابندی سے متعلق بل بھی قومی اسمبلی سے منظور کر لیا گیا۔بعد ازاں اجلاس پیر شام پانچ بجے تک ملتوی کر دیا گیا۔
.ذریعہ: Nawaiwaqt
کلیدی لفظ: قومی اسمبلی بھی منظور پیش کی
پڑھیں:
اے ٹی ایم اور بے نظیر انکم سپورٹ کی رقم ہتھیانے والا گروہ گرفتار
اے ٹی ایم اور بے نظیر انکم سپورٹ کی رقم ہتھیانے والا گروہ گرفتار کرلیا گیا۔
ایس ایچ او فیصل ٹاؤن افضال راوف نے ٹیم کے ہمراہ ضلع قصور سے گروہ کو گرفتار کیا،
ایس پی ماڈل ٹاؤن شہربانو نقوی نے کہا کہ ملزمان مختلف بینکوں کے اے ٹی ایم میں معصوم شہریوں کو ورغلاتے، بہانے سے اے ٹی ایم کارڈ سے موٹی رقم نکلوا کر رفوچکر ہو جاتے،
ملزمان بے نظیر انکم سپورٹ کی رقم نکل کر دینے کے بہانے بھی رقم ہتھیا لیتے تھے۔
سی سی ٹی وی فوٹیج میں ملزمان کو شہری سے نوسربازی کرتے دیکھا جا سکتا ہے، ملزمان نے اعتراف کیا کہ ملزمان ابتک شہریوں سے لاکھوں روپے ہتھیا چکے ہیں، گروپ کے قبضے سے 3 اے ٹی ایم کارڈز 2 پستول اور نقدی برآمد کی گئی۔
شہربانو نقوی نے کہا کہ ملزمان انور، جاوید ڈکیتی، فراڈ، گینگ کے مقدمات میں ریکارڈ یافتہ ہیں،ملزمان کیخلاف مقدمہ درج انویسٹی گیشن کے حوالے۔
اسلام آباد دھماکا ملک کا امن خراب کی سازش ہے، سنی تحریک