پاکستان کو بھارت کیخلاف امام خمینیؒ کی پالیسی اپنانی چاہیے، علامہ جواد نقوی
اشاعت کی تاریخ: 16th, May 2025 GMT
تحریک بیداری امت مصطفیٰ کے سربراہ نے یوم تشکر کے موقع پر خطاب میں کہا کہ افواجِ پاکستان نے بروقت اور بہادری سے دشمن کو پسپا کیا، ظلم کیخلاف کامیاب پالیسی مزاحمت ہے،بھارت کا کردار اب محض ایک دشمن ملک کا نہیں رہا، بلکہ وہ ایک صہیونی طرز کا سامراجی پروجیکٹ بن چکا ہے۔ جس کے مقاصد پاکستان کو ختم کرنا، تقسیم کرنا یا کمزور کرنا ہیں۔ علامہ نقوی نے خبردار کیا کہ بھارت کی یہ یلغار محض ایک قومی مسئلہ نہیں، بلکہ ایک عالمی شیطانی اتحاد کا مظہر ہے۔ اسلام ٹائمز۔ تحریک بیداری امت مصطفیٰ کے سربراہ علامہ سید جواد نقوی نے جامعۃ العروۃ الوثقیٰ لاہور میں یومِ تشکر کے موقع پر خطاب کرتے ہوئے کہا کہ یہ دن محض حکومتی اعلان کی بنیاد پر نہیں، بلکہ اس لیے بھی یومِ تشکر ہے کہ اللہ تبارک و تعالیٰ نے ایک کمزور، سیاسی انتشار، معاشی دباؤ اور اخلاقی زوال کا شکار پاکستان کو ایک خونخوار دشمن کے حملے سے بچا لیا۔ انہوں نے کہا کہ پاکستان کی مسلح افواج نے نہایت بہادری، حکمت اور بروقت اقدام کے ذریعے اس جنگی یلغار کو پسپا کیا۔ دشمن کے عزائم خاک میں ملے اور پاکستان کی عزت و سالمیت کو اللہ نے سر بلند رکھا۔ علامہ نقوی نے اس موقع پر مزاحمت کی حکمتِ عملی کو کامیابی کی بنیاد قرار دیتے ہوئے کہا کہ ظلم کے مقابلے کی سب سے مؤثر اور کامیاب حکمتِ عملی، مزاحمت ہے اور یہی راستہ پاکستان نے اختیار کیا۔ یہ محض ایک جنگی ردعمل نہیں، بلکہ ایک نظریاتی و عملی موقف ہے جو قوموں کی عزت، بقا اور آزادی کی ضمانت بنتا ہے۔
انہوں نے نہایت اہم اور فکری نکتہ بیان کرتے ہوئے کہا کہ اب وقت آ گیا ہے کہ پاکستان، بھارت کیخلاف وہی پالیسی اپنائے جو امام راحل، امام خمینیؒ نے اسرائیل کے بارے میں اپنائی تھی یعنی مکمل نابودی کی پالیسی۔ انہوں نے واضح کیا کہ بھارت کا کردار اب محض ایک دشمن ملک کا نہیں رہا، بلکہ وہ ایک صہیونی طرز کا سامراجی پروجیکٹ بن چکا ہے۔ جس کے مقاصد پاکستان کو ختم کرنا، تقسیم کرنا یا کمزور کرنا ہیں۔ علامہ نقوی نے خبردار کیا کہ بھارت کی یہ یلغار محض ایک قومی مسئلہ نہیں، بلکہ ایک عالمی شیطانی اتحاد کا مظہر ہے، بھارت کی جنگی تیاری اسرائیل کی مشاورت سے ہو رہی ہے،عرب حکمران خاموش تائید میں شریک ہیں، مغربی دنیا سفارتی اور میڈیا محاذ پر بھارت کی پشت پناہی کر رہی ہے۔ انہوں نے کہا کہ یہ اتحاد دراصل اُس نئے عالمی نقشے کا مقدمہ ہے جس کے تحت پاکستان جیسے ممالک کو ری سیٹ کیا جانا ہے۔ یہ خطہ دوبارہ تقسیم اور کمزور کیا جا رہا ہے، تاکہ سامراجی تسلط کو دوام حاصل ہو۔
ذریعہ: Islam Times
کلیدی لفظ: پاکستان کو بھارت کی انہوں نے محض ایک نقوی نے کہا کہ
پڑھیں:
اسلام آباد: غیررجسٹرڈ ہائوسنگ سوسائٹیوں کیخلاف کریک ڈائون کا حکم
(ویب ڈیسک)وفاقی وزیر داخلہ محسن نقوی نے اسلام آباد میں غیر قانونی تعمیرات اور غیر رجسٹرڈ ہاؤسنگ سوسائٹیز کے خلاف کریک ڈاؤن کا حکم دے دیا۔
وزیر داخلہ کی زیر صدارت اہم اجلاس ہوا جس میں وزیر مملکت داخلہ طلال چودھری،سیکرٹری داخلہ،چیف کمشنر ، آئی جی اسلام آباد اور ڈپٹی کمشنر نے شرکت کی۔
وزیر داخلہ محسن نقوی نے اجلاس سے خطاب کرتے ہوئے کہا کہ سیٹلائٹ میپنگ کرکے ہر قسم کی غیر قانونی تعمیرات کو روکا جائے،متعلقہ افسران اس سلسلے میں زیرو ٹالرینس پالیسی پر عملدرآمد یقینی بنائیں۔
غزہ:اسرائیلی بمباری سےفلسطینی خاتون ڈاکٹر کے 9 بچے شہید
محسن نقوی نے اس موقع پرمزیدکہاکہ اسلام آباد میں شہریوں کو عالمی معیار کی خدمات کی فراہمی پہلی ترجیح ہونی چاہیے، شہریوں کے جان ومال کے تحفظ کیلئے کوئی کسر اٹھانہ رکھی جائے،وفاقی دارالحکومت میں پولیس اور انتظامیہ کے امیج کو بہتر بنانا ہے، شہریوں کی سہولت کیلئے متعلقہ افسران نئے انیشی ایٹو لے کر آئیں۔
وفاقی وزیرداخلہ نے اسلام آباد میں اشیائے ضروریہ کی قیمتوں پر مؤثر کنٹرول یقینی بنانے کی بھی ہدایت کی۔
کوہ پیما سعد منور نے بھی دنیا کی بلند ترین چوٹی ماؤنٹ ایورسٹ سر کر کے پاکستان کا نام روشن کر دیا
پی ٹی آئی اور افواج میں اتحاد ہونا چاہیے، عمران خان نے خواہش کا اظہار کردیا