سوشل میڈیا پر ترجمان افواجِ پاکستان کی پریس کانفرنس کی پزیرائی
اشاعت کی تاریخ: 16th, May 2025 GMT
—فائل فوٹو
پاک بھارت جنگ کے تناظر میں سوشل میڈیا پر مختلف ویڈیوز جہاں وائرل ہوتی رہیں وہیں آئی ایس پی آر افواجِ پاکستان کی جانب سے کی گئی پریس کانفرنسز نے بھی عوام میں زبردست مقبولیت اور پزیرائی حاصل کی۔
سوشل میڈیا پر چاہے ڈی جی آئی ایس پی آر کے بھارتی میڈیا کی جانب سے پھیلائی گئی جھوٹی خبروں کی منفرد انداز میں تردید یا پھر ایئر وائس مارشل کی جانب سے پاکستان ایئر فورس کی کارکردگی اور اسکور ہو یہ انداز ٹاپ ٹرینڈ بن گیا۔
پاک بھارت جنگ کے دوران سوشل میڈیا پر مختلف ویڈیوز ٹرینڈ کرتی رہیں لیکن جن دو ایونٹس کی سب سے زیادہ گونج رہی، اس میں ایک تو وہ رافیل طیارے تھے جو پاکستان ایئر فورس نے مار گرائے اور دوسری تھیں وہ پریس کانفرنسز جو ڈی جی آئی ایس پی آر احمد شریف چوہدری، ایئر وائس مارشل اورنگزیب احمد اور وائس ایڈمرل پاکستان نیوی راجہ رب نواز نے کیں۔
آئی ایس پی آر نے معرکہ حق 22 اپریل سے 10 مئی 2025 کی تفصیلات جاری کرتے ہوئے بتایا کہ عسکری تنازع
ان پریس کانفرنسز میں جہاں اس جنگ سے متعلق سب تفصیلات تھیں وہیں ان کےا نداز نے دنیا کو ان کا گرویدہ بنا دیا، ڈی جی آئی ایس پی آر احمد شریف چوہدری، یہ کشیدہ حالات میں جب بھی آئے، ناصرف قوم کو اعتماد دے کر گئے، بلکہ ہر بار ایک ایسی پنچ لائین بھی دے گئے جو ٹاپ ٹرینڈ بنی رہی۔
ایئر وائس مارشل اورنگزیب احمد گوگل سے لے کر یوٹیوب، انسٹا گرام سے لیکر ایکس صارفین میں سے شاید ہی کوئی ہو جو ان کے سحر میں مبتلا نہ ہوا ہو۔
شاید ان گزرے 4، 5 دنوں میں سوشل میڈیا پہ جو سب سے زیادہ ریلز بنی وہ انہی کی ہوں گی۔
ان کی پُر اعتماد اور پر کشش شخصیت کے باعث خواتین میں بھی یہ بہت مقبول ہیں اور سوشل میڈیا پر دلچسپ جملوں سے اورنگزیب احمد کے لیے خواتین اپنی پسندیدگی کا اظہار کر رہی ہیں اور اس ٹرینڈ کو دیکھ کر بعض سوشل میڈیا انفلونسرز نے خواتین کو ان کی ذاتی زندگی میں مداخلت نہ کرنے کی نصیحتیں بھی کی ہیں۔
وائس ایڈمرل رب نواز ان کا رعب اپنی جگہ پر ان کا ایک جملہ ہی کئی لوگوں کا سوشل میڈیا اسٹیٹس بن گیا۔
.ذریعہ: Jang News
کلیدی لفظ: ا ئی ایس پی ا ر سوشل میڈیا پر کی جانب سے
پڑھیں:
پنجاب حکومت نے سرکاری ملازمین کیلئے سوشل میڈیا استعمال کیلئے اصول جاری کر دیئے
مراسلے میں کہا گیا ہے کہ فیس بک، ٹوئٹر، واٹس ایپ، انسٹا گرام، ٹک ٹاک اور یوٹیوب سمیت تمام پلیٹ فارمز پر احتیاط لازم ہے، ایسا مواد جس سے قومی سلامتی، امن عامہ یا اخلاقیات متاثر ہوں، سختی سے منع ہے۔ حکومت یا عدالت کی توہین، غیر قانونی افعال یا فرقہ واریت پھیلانے والا مواد ناقابل برداشت ہے۔ اسلام ٹائمز۔ پنجاب حکومت نے سرکاری ملازمین کیلئے سوشل میڈیا استعمال سے متعلق نئے اصول جاری کر دیئے ہیں۔ اس بارے میں ایس اینڈ جی اے ڈی کی جانب سے سرکاری ملازمین کو مراسلہ جاری کر دیا گیا ہے، جس میں سول سرونٹس کو سوشل میڈیا پر بیانات، رائے یا معلومات شیئر کرنے کیلئے محتاط رہنے کی ہدایت کی گئی ہے۔ مراسلے کے مطابق بغیر منظوری کے حکومتی پالیسی پر اظہار رائے یا ذاتی آراء دینا ممنوع قرار دیا گیا ہے۔ افسران کا عمل عوامی تاثر پر اثر انداز ہوتا ہے، انہیں محتاط رہنے کی ہدایت کی گئی ہے۔
مراسلے میں کہا گیا ہے کہ فیس بک، ٹوئٹر، واٹس ایپ، انسٹا گرام، ٹک ٹاک اور یوٹیوب سمیت تمام پلیٹ فارمز پر احتیاط لازم ہے، ایسا مواد جس سے قومی سلامتی، امن عامہ یا اخلاقیات متاثر ہوں، سختی سے منع ہے۔ حکومت یا عدالت کی توہین، غیر قانونی افعال یا فرقہ واریت پھیلانے والا مواد ناقابل برداشت ہے، ذاتی شہرت یا سوشل میڈیا پر خود نمائی سختی سے ممنوع قرار دی گئی ہے۔ سوشل میڈیا پر اعلیٰ اخلاقی معیار، دیانت اور ذمہ داری لازم قرار دی گئی ہے، ہدایات پر عمل نہ کرنیوالے افسران کیخلاف سخت انضباطی کارروائی ہوگی۔
نیش کپ اسکواش ٹورنامنٹ، پاکستان نے فائنل جیت لیا