حشد الشعبی سے متعلق قانون کو روکنے کیلئے امریکی سفارتخانہ مسلسل مداخلت کر رہا ہے، عراقی رکن پارلیمنٹ
اشاعت کی تاریخ: 18th, August 2025 GMT
عراقی پارلیمنٹ و قومی سلامتی کے پارلیمانی کمیشن کے رکن نے اعلان کیا ہے کہ بغداد میں واقع امریکی سفارتخانہ، ملکی پارلیمنٹ میں حشد الشعبی سے متعلق قانون کی منظوری کو روکنے کیلئے سیاسی رہنماؤں پر مسلسل دباؤ ڈال رہا ہے اسلام ٹائمز۔ عراقی پارلیمنٹ کے سکیورٹی اینڈ ڈیفنس کمیشن کے رکن علی البنداوی نے اعلان کیا ہے کہ امریکی حکومت، عراقی خودمختاری کو کمزور بنانے کی مسلسل کوشش کر رہی ہے۔ علی البنداوی نے الفرات ٹی وی کو بتایا کہ بغداد میں واقع امریکی سفارتخانہ سیاسی رہنماؤں پر مسلسل دباؤ ڈال رہا ہے کہ وہ کچھ اہم قوانین کی کسی صورت منظوری نہ دیں، خاص طور پر حشد الشعبی سے متعلق قانون کی! انہوں نے زور دیتے ہوئے کہا کہ ڈونلڈ ٹرمپ کی جانب سے، امریکہ میں انجام پانے والے منظم جرائم کا بغداد کے ساتھ موازنہ، عراقی خودمختاری کو کمزور بنانے کی کوششوں کا حصہ ہے۔
عراقی رکن پارلیمنٹ نے تاکید کی کہ بغداد میں خودمختاری، پارلیمنٹ اور ایک منتخب حکومت موجود ہے اور ہم ہمیشہ امریکی حکومت یا دوسرے ممالک کی مداخلتوں کی واضح مذمت کرتے آئے ہیں۔ علی البنداوی نے تاکید کی کہ ان بیانات کا مقصد مساوات و حساب کتاب کو درہم برہم کر دینا ہے تاکہ امریکی حکومت عراق کے اندرونی معاملات میں بآسانی مداخلت کر سکے۔ اپنی گفتگو کے آخر میں انہوں نے مزید کہا کہ عراق کے پاس تمام حفاظتی آلات موجود ہیں جو پورے ملک میں سلامتی کو برقرار رکھنے کی مکمل صلاحیت رکھتے ہیں۔
ذریعہ: Islam Times
پڑھیں:
بی جے پی الیکشن کمیشن کیساتھ ملکر پورے ملک میں ووٹ چوری کررہی ہے، راہل گاندھی
کانگریس رکن پارلیمنٹ نے کہا کہ یہ آئین کو بچانے کی لڑائی ہے کیونکہ پورے ہندوستان میں آر ایس ایس اور بی جے پی آئین کو تباہ کرنے کی کوشش کررہے ہیں۔ اسلام ٹائمز۔ کانگریس کے رکن پارلیمنٹ راہل گاندھی نے کہا کہ وہ بہار میں ایس آئی آر کرکے، حقیقی ووٹروں کو کاٹ کر، نئے ووٹروں کو شامل کرکے الیکشن جیتنے کی کوشش کریں گے، لیکن بہار کے لوگ انہیں ووٹ چوری نہیں کرنے دیں گے، یہ بات پورا ملک جانتا ہے۔ بہار کے ساسارام سے شروع کر رہے "ووٹ ادھیکار یاترا" کے افتتاحی اجلاس سے خطاب کرتے ہوئے پارلیمنٹ میں حزب اختلاف کے لیڈر راہل گاندھی نے کہا کہ یہ آئین کو بچانے کی لڑائی ہے کیونکہ آر ایس ایس اور بی جے پی پورے ہندوستان میں آئین کو مٹانے کا کام کر رہے ہیں۔ کانگریس کے سابق صدر راہل گاندھی نے کہا کہ پورے ہندوستان میں اسمبلی انتخابات اور پارلیمنٹ کے انتخابات کو چوری کیا جا رہا ہے اور ان کی آخری سازش بہار میں ایس آئی آر کرنا اور نئے ووٹروں کو شامل کرنا، ووٹروں کو کاٹنا اور بہار کے انتخابات کو چوری کرنا ہے، ہم انہیں یہ الیکشن چوری نہیں کرنے دیں گے۔
کانگریس کے رکن پارلیمنٹ راہل گاندھی نے کہا کہ وہ بہار میں ایس آئی آر کر کے، حقیقی ووٹروں کو کاٹ کر، نئے ووٹروں کو شامل کرکے الیکشن جیتنے کی کوشش کریں گے، لیکن بہار کے لوگ انہیں ووٹ چوری نہیں کرنے دیں گے، یہ بات پورا ملک جانتا ہے۔ انہوں نے کہا کہ پہلے ہم نہیں جانتے تھے کہ الیکشن کمیشن کیسے چوری کرتا ہے لیکن اب سب جانتے ہیں، ہم ان کی چوری پکڑ کر عوام کو دکھائیں گے۔ انہوں نے کہا کہ بی جے پی اور این ڈی اے صنعت کاروں کے ساتھ کاروبار چلاتے ہیں۔
کانگریس رکن پارلیمنٹ راہل گاندھی نے کہا کہ یہ آئین کو بچانے کی لڑائی ہے، پورے ہندوستان میں آر ایس ایس اور بی جے پی آئین کو تباہ کرنے کی کوشش کر رہے ہیں۔ انہوں نے کہا کہ مہاراشٹر میں ہمارا اتحاد پارلیمانی انتخابات جیتتا ہے لیکن اسمبلی انتخابات میں ہارتا ہے۔ انہوں نے کہا کہ الیکشن کمیشن نے جادوئی طریقے سے 1 کروڑ ووٹرز بنائے، جہاں بھی یہ نئے ووٹر بنائے گئے، بی جے پی نے الیکشن جیتا، ہمارا ایک ووٹ بھی کم نہیں ہوا لیکن بی جے پی نے ان تمام نئے ووٹروں کے ووٹ حاصل کئے اور الیکشن جیت لیا، یہ ان کی چوری کا طریقہ ہے اور اب یہی وہ بہار میں ایس آئی آر کے ذریعے کرنے جا رہے ہیں۔
بھارتی ایئر چیف کے دعوے مسترد، وزیر دفاع کا دونوں ممالک کے طیاروں کی گنتی کا مطالبہ