اماراتی لڑکیوں کا منفرد رقص سے ٹرمپ کا استقبال، سوشل میڈیا پر نئی بحث
اشاعت کی تاریخ: 16th, May 2025 GMT
ابوظہبی(نیوز ڈیسک)ڈونلڈ ٹرمپ امریکی صدارت سنبھالنے کے بعد اپنے پہلے مشرق وسطیٰ کے دورے پر سعودیہ اور قطر کے بعد 15 مئی کو متحدہ عرب امارات (یو اے ای) پہنچے، جہاں صدارتی محل میں لڑکیوں نے ان کا استقبال روایتی رقص سے کیا۔
امریکی ویب سائٹ نیویارک پوسٹ کے مطابق قطر کے دورے کے بعد ڈونلڈ ٹرمپ 15 مئی کو متحدہ عرب امارات پہنچے، جہاں صدارتی قصر الوطن میں اماراتی صدر محمد زید بن النہیان نے ان کا استقبال کیا۔
ڈونلڈ ٹرمپ کا استقبال روایتی خلیجی رقص ’العیالہ‘ سے کیا گیا، اس دوران مرد اور خواتین ایک ساتھ رقص کرتے دکھائی دیے۔
View this post on InstagramA post shared by Exploring Minnesota (@minnesotastateus)
ڈونلڈ ٹرمپ کی یو اے ای آمد پر ان کا ’العیالہ‘ رقص سے استقبال کرنے کی ویڈیوز سوشل میڈیا پر وائرل ہوگئیں اور دنیا بھر کے صارفین کے درمیان اس معاملے پر ایک نئی بحث چھڑ گئی۔
کئی سوشل میڈیا صارفین نے ایک اسلامی ملک میں لڑکیوں کی جانب سے اس طرح کیے گئے رقص پر حیرانی کا اظہار کیا جبکہ کئی صارفین یہ دعویٰ بھی کرتے دکھائی دیے کہ مذکورہ ویڈیو آرٹیفیشل انٹیلی جنس سے تیار کردہ ہے۔
’العیالہ‘ رقص کی تاریخ سے بے خبر زیادہ تر افراد نے متحدہ عرب امارات کی حکومت اور حکمرانوں پر تنقید بھی کی اور ڈونلڈ ٹرمپ کے سامنے بال لہرانے والی لڑکیوں پر تنقید کی۔
’العیالہ‘ رقص خلیجی ممالک کا ثقافتی رقص ہے، جسے اقوام متحدہ (یو این) کے ادارے یونیسکو نے 2014 میں ثقافتی ورثے کی فہرست میں شامل کیا تھا۔
مذکورہ رقص یو اے ای، سعودی عرب، عمان، قطر، کویت، بحرین اور دیگر خلیجی ممالک میں شوق سے کیا جاتا ہے جب کہ اس رقص کو دیگر عرب ممالک میں بھی روایتی رقص کی حیثیت حاصل ہے۔
مذکورہ رقص کے وقت خواتین کڑھائی شدہ خصوصی لباس ’الثوب النشل‘ (Thobe Nashal) پہنتی ہیں جب کہ مرد روایتی عرب جنگجو لباس زیب تن کرتے ہیں۔
رقص کے دوران اگرچہ مرد تلوار اور لکڑیوں کو ہاتھ میں تھام سکتے ہیں لیکن خواتین کو اپنے بال کھول کر موسیقی کے ترنم میں زلفوں کو لہرانا ہوتا ہے۔
’العیالہ‘ رقص کے دوران لڑکیاں گول دائرے یا قطار میں کھڑی ہوکر رقص کرتی ہیں۔
مرد حضرات بھی گول دائرے اور قطار میں کھڑے ہوکر تلواروں اور لکڑیوں کی حرکت سے رقص کرتے ہیں۔
ڈونلڈ ٹرمپ کی متحدہ عرب امارات آمد کے وقت بھی مرد اور خواتین ایک ساتھ ’العیالہ‘ رقص کرتی دکھائی دیے لیکن چوں کہ امریکی صدر کے استقبال کے وقت لڑکیاں اگلی قطار میں تھیں اور انہوں نے اپنے بال کھول کر رقص کیا، جس وجہ سے لڑکیوں کے رقص نے پوری دنیا کی توجہ حاصل کی اور زیادہ تر لوگ مذکورہ رقص کو دیکھ کر دنگ رہ گئے۔
مزیدپڑھیں:پاکستان کا پانی روکنے کیلئے بھارت کا دریائے چناب پر نہر کی توسیع، نئے آبی منصوبوں پر غور
ذریعہ: Daily Ausaf
کلیدی لفظ: متحدہ عرب امارات ڈونلڈ ٹرمپ کا استقبال
پڑھیں:
’چھپانے کو کچھ نہیں‘ ٹرمپ کا ریپبلکنز کو ایپسٹین فائلز جاری کرنے کے لیے ووٹ دینے کا مطالبہ
امریکی صدر ڈونلڈ ٹرمپ نے کہا ہے کہ وہ کانگریس کی اُس کوشش کی حمایت کرتے ہیں جس کے تحت بدنام زمانہ مجرم جیفری ایپسٹین سے متعلق مزید سرکاری فائلز پبلک کرنے کے لیے اس ہفتے ایوانِ نمائندگان میں متوقع ووٹنگ کی جائے گی۔
مزید پڑھیں: امریکی صدر ڈونلڈ ٹرمپ کا بڑا یوٹرن، میئر نیویارک ظہران ممدانی کی مدد کرنے کو تیار
ٹرمپ نے اپنی سوشل میڈیا پلیٹ فارم ٹروتھ سوشل پر لکھا کہ ہاؤس ریپبلکنز کو ایپسٹین فائلز جاری کرنے کے حق میں ووٹ دینا چاہیے، کیونکہ ہمارے پاس چھپانے کو کچھ نہیں۔ انہوں نے ایپسٹین سے متعلق تنازع کو ڈیموکریٹ دھوکا بھی قرار دیا۔
صدر ٹرمپ پر ناقدین الزام لگاتے رہے ہیں کہ وہ مبینہ طور پر فائلز کے اجرا میں رکاوٹ ڈال کر کچھ حقائق چھپانا چاہتے ہیں، تاہم ٹرمپ اس تاثر کی سختی سے تردید کرتے ہیں۔ یہ معاملہ خود ریپبلکن پارٹی میں بھی اختلافات پیدا کرچکا ہے۔
مزید پڑھیں: امریکی صدر ڈونلڈ ٹرمپ کا غزہ میں جنگ بندی معاہدے میں کردار پر امیرِ قطر کا شکریہ
ریپبلکن رکنِ کانگریس تھامس میسی نے ABC کے پروگرام ’دس وِیک‘ میں کہا کہ ٹرمپ کی جانب سے ایپسٹین سے متعلق ڈیموکریٹس کے تعلقات کی نئی انکوائری کا حکم دینا شاید فائلز کو روکنے کی آخری کوشش ہو سکتا ہے۔ میسی اور ڈیموکریٹ رکنِ کانگریس ایپسٹین فائلز کو مکمل طور پر عوام کے سامنے لانے کی مہم کی قیادت کر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی صدر ڈونلڈ ٹرمپ ایپسٹین فائلز
90 کروڑ کا محض ایک سین جو فلم کا حصہ بھی نہ بن سکا، یہ فلم کونسی تھی؟