کیا نشان زدہ پاکستانی کرنسی نوٹ قابل قبول نہیں رہے؟
اشاعت کی تاریخ: 18th, May 2025 GMT
اسٹیٹ بینک آف پاکستان (ایس بی پی) نے ان دعوؤں کو مسترد کردیا ہے کہ پاکستانی روپیہ (PKR) کے کرنسی نوٹ جن پر قلم کے نشانات یا ہاتھ کی تحریریں ہیں، یکم جولائی 2025 سے غلط ہو جائیں گے۔
مرکزی بینک نے ایسی رپورٹوں کو غلط اور گمراہ کن قرار دیا ہے۔ اسٹیٹ بینک کے چیف ترجمان نور احمد نے واضح کیا کہ مرکزی بینک نے ایسا کوئی نوٹیفکیشن جاری نہیں کیا۔
یہ بھی پڑھیں:اسٹیٹ بینک: شرح سود میں ایک فیصد کمی کا اعلان، نئی مانیٹری پالیسی جاری
ترجمان کے مطابق یہ بیان سوشل میڈیا اور کچھ نیوز پلیٹ فارمز پر گردش کرنے والے ایک جعلی نوٹس کے جواب میں آیا ہے جس میں یہ تجویز کیا گیا ہے کہ نشان زد کرنسی نوٹ اگلے مالی سال سے قانونی ٹینڈر کے طور پر ختم ہو جائیں گے۔
ترجمان نے مزید کہا کہ کرنسی نوٹ قومی اثاثہ ہیں اور ان کی سالمیت کو برقرار رکھنے کے لیے انہیں احتیاط سے ہینڈل کیا جانا چاہیے تاہم قلم کے نشان والے نوٹوں کے استعمال پر پابندی کی کوئی پالیسی نہیں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹیٹ بینک پاکستانی کرنسی ترجمان اسٹیٹ بینک نشان زدہ نوٹ.
ذریعہ
ذریعہ: WE News
کلیدی لفظ: اسٹیٹ بینک پاکستانی کرنسی ترجمان اسٹیٹ بینک نشان زدہ نوٹ اسٹیٹ بینک کرنسی نوٹ
پڑھیں:
اٹلی‘ 4 پاکستانی قتل: مکمل معلومات نہیں ملیں: دفتر خارجہ
روم؍ اسلام آباد (نوائے وقت رپورٹ) اٹلی میں 4 پاکستانیوں کے قتل کے الزام میں 2 پاکستانیوں کو گرفتار کرلیا گیا۔ اطالوی میڈیا کے مطابق یہ واقعہ جنوبی اٹلی کے علاقے کیلابریا میں پیش آیا۔ چاروں افراد کا تعلق پاکستان سے تھا اور وہ ایک زرعی فارم میں کام کرتے تھے۔ چاروں افراد کی لاشیں ایک جلی ہوئی وین کے اندر سے برآمد کی گئیں۔ پولیس نے تحقیقات کی اور سی سی ٹی وی فوٹیج کی مدد سے 2 ملزموں کو گرفتار کرلیا۔ دوسری جانب ترجمان دفترخارجہ نے جنوبی اٹلی میں 4 پاکستانیوں کے مبینہ قتل پر ردعمل میں کہا ہے کہ اطلاع ہے کہ اٹلی میں جاں بحق افرادکا تعلق پاکستانی نژاد خاندانوں سے ہے۔ جاں بحق ہونے والوں کی درست شہریت کی ابھی تک تصدیق نہیں ہوئی۔ سفارتخانہ اطالوی حکام سے رابطہ میں ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ