بھارت خطے میں دہشت گردی کی سرپرستی کر رہا ہے: ڈی جی آئی ایس پی آر
اشاعت کی تاریخ: 18th, May 2025 GMT
ڈی جی آئی ایس پی آر نے کہا کہ پہلگام واقعے کے فوری بعد بھارتی میڈیا اور سوشل میڈیا پر پاکستان کے خلاف بلا ثبوت الزامات لگائے گئے جبکہ بھارتی وزارتِ خارجہ نے دو روز بعد تسلیم کیا کہ تفتیش ابھی جاری ہے. بغیر تحقیقات کے الزامات لگانا غیر ذمہ دارانہ طرزِ عمل ہے۔انہوں نے کہا کہ پاکستان نے واضح موقف اختیار کیا کہ اگر بھارت کے پاس کوئی ثبوت موجود ہے تو اسے کسی غیر جانبدار بین الاقوامی ادارے کو پیش کیا جائے.
لیفٹیننٹ جنرل احمد شریف نے کہا کہ ہم جنگجو قوم نہیں بلکہ سنجیدہ، امن پسند قوم ہیں اور ہماری پہلی ترجیح ہمیشہ امن ہی رہی ہے۔ترجمان پاک فوج کا کہنا تھا کہ امریکہ سمیت بڑی طاقتیں بخوبی جانتی ہیں کہ پاکستان کے عوام کا جذبہ اور عزم کیا ہے۔لیفٹیننٹ جنرل احمد شریف نے مزید کہا کہ پاکستان کی مسلح افواج نے اپنی آئینی و قومی ذمہ داری پوری کی ہے اور آئندہ بھی ملک کی خودمختاری اور سرحدوں کے تحفظ کے لیے ہر قیمت پر کردار ادا کریں گی۔ڈی جی آئی ایس پی آر نے زور دیتے ہوئے کہا کہ قوم اور افواجِ پاکستان سیسہ پلائی ہوئی دیوار کی مانند متحد ہیں۔
ذریعہ: Nawaiwaqt
کلیدی لفظ: ڈی جی آئی ایس پی آر نے کہا کہ
پڑھیں:
بھارتی فوج کی ریاستی دہشت گردی میں مزید 3 کشمیری نوجوان شہید؛ تعداد 6 ہوگئی
قابض بھارتی فوج کی جارحیت میں مزید 3 کشمیری نوجوان شہید ہوگئے۔ تین دنوں میں بھارتی جارحیت میں شہید ہونے والے کشمیری نوجوانوں کی تعداد 6 ہوگئی۔
کشمیر میڈیا سروس کے مطابق جنت نظیر وادی کے ضلع پلوامہ میں بھارتی فوج نے داخلی اور خارجی راستوں کو بند کرکے سرچ آپریشن کیا۔
گھر گھر تلاشی کے دوران چادر اور چار دیواری کا تقدس پامال کیا گیا اور ایک گھر پر اندھا دھند فائرنگ کردی۔
بھارتی فوج کی فائرنگ میں تین نہتے نوجوان موقع پر ہی شہید ہوگئے۔ پولیس نے لاشوں کو اپنے ہمراہ نامعلوم مقام پر منتقل کردیا۔
شہید نوجوانوں کے والدین اپنے جگر کے ٹکڑوں کی لاشوں کے لیے در در کی ٹھوکریں کھانے پر مجبور ہیں۔
یاد رہے کہ 13 مئی کو بھی ضلع شوپیاں میں سرچ آپریشن کے دوران قابض بھارتی فوج نے تین کشمیری نوجوانوں کو حراست میں لیکر ماورائے عدالت قتل کیا تھا۔
انسانی حقوق کی سنگیں خلاف ورزیوں میں ملوث قابض بھارتی فوج نے پورے کشمیر کو قید خانے میں تبدیل کردیا ہے۔
خیال رہے کہ مقبوضہ کشمیر کے غیور اور بہادر عوام نے حال ہی میں بھارتی جارحیت پر پاک فوج کی جوابی کارروائی کی کھل کر حمایت کی تھی۔
قبل ازیں مودی سرکار کی جانب سے کرائے گئے الیکشن کے ڈھونگ کو بھی بہادر کشمیریوں نے مسترد کرتے ہوئے مکمل بائیکاٹ کیا تھا۔
پاکستان نے سائبر ہتھیاروں کا 10 فیصد سے بھی کم حصہ استعمال کیا