کینال ہوٹل حملے میں ہلاک ہونے والوں کو کبھی بھلایا نہیں جائے گا، گوتیرش
اشاعت کی تاریخ: 19th, May 2025 GMT
اسلام آباد (اُردو پوائنٹ ۔ UN اردو۔ 19 مئی 2025ء) اقوام متحدہ کے سیکرٹری جنرل انتونیو گوتیرش نے کہا ہے کہ ادارہ 19 اگست 2003 کو عراق میں اپنے ہیڈکوارٹر پر حملے میں ہلاک ہونے والوں کو کبھی نہیں بھولے گا۔
عراق کے دارالحکومت بغداد میں کینال ہوٹل پر اس حملے کا نشانہ بننے والوں کی یادگار پر پھول چڑھانے کی تقریب سے خطاب کرتے ہوئے انہوں نے کہا کہ اقوام متحدہ اپنے ان ساتھیوں کو ہمیشہ یاد رکھے گا جنہوں نے اپنے فرائض کی انجام دہی کے دوران جانیں دیں۔
Tweet URLان لوگوں میں بیٹے، بیٹیاں، مائیں، باپ اور دوست شامل تھے جن کے عزیز آج بھی ان کی جدائی کا دکھ محسوس کرتے ہیں۔
(جاری ہے)
اس حملے میں ہلاک ہونے والے اہلکاروں کے سربراہ سرجیو ویرا میلو کو بھی کبھی بھلایا نہیں جا سکتا اور ادارہ ان لوگوں کے ساتھ کھڑا رہے گا جن کی زندگیاں اس واقعے نے ہمیشہ کے لیے تبدیل کر دیں۔22 سال قبل ہونے والے اس حملے میں 22 افراد ہلاک ہو گئے تھے۔ اس المناک واقعے میں 100 سے زیادہ لوگ زخمی بھی وہئے جن میں بعض اس تقریب میں بھی موجود تھے۔
استحکام، ترقی اور امنانتونیو گوتیرش نے کہا کہ س یادگار کا مقصد جان دینے والے اہلکاروں کی زندگی اور عراق کے عوام کے لیے ان کی خدمات کو خراج تحسین پیش کرنا ہے۔ علاوہ ازیں، یہ اس جانب بھی توجہ دلاتی ہے کہ 2003 کے بعد ملک میں کس قدر تبدیلی آ چکی ہے۔ یہ یادگار اس اہم کام کی یاددہانی ہے جو اقوام متحدہ کا عملہ کئی طرح کے خطرات کا سامنا کرتے ہوئے دنیا بھر میں انجام دے رہا ہے۔
انہوں نے کہا کہ اقوام متحدہ کے لیے کام کرنے والے خواتین و حضرات نے عراق کے بہادر اور مضبوط لوگوں کے ساتھ مل کر ملک میں استحکام، ترقی اور امن کے لیے انتھک خدمات انجام دی ہیں جن کے نتائج واضح ہیں۔
امدادی عملے کی خدمات کا اعترافکینال ہوٹل پر بم دھماکے سے پانچ سال کے بعد اقوام متحدہ کی جنرل اسمبلی نے 19 اگست کو امدادی اقدامات کا عالمی دن منانے کا اعلان کیا تھا۔
سیکرٹری جنرل نے کہا کہ یہ تاریخ عراق میں پیش آنے والے اس ناقابل بیان اور دہشت ناک المیے کی یاد نہیں رہی بلکہ امدادی کام کرنے والے تمام لوگوں کو یاد کرنے کا ایک مقدس دن بن گئی ہے۔ان لوگوں کی بہادری لگن اور بہتر مستقبل پر یقین سبھی کے لیے باعث تحریک ہو گا۔ دنیا اور امن کے لیے ان کی قربانیاں کبھی فراموش نہیں کی جائیں گی۔
عراقی وزیراعظم سے ملاقاتسیکرٹری جنرل عرب لیگ کے اجلاس میں شرکت کے لیے بغداد آئے تھے جہاں انہوں نے وزیراعظم محمد شیا السودانی سمیت اعلیٰ سطحی حکام سے بھی ملاقاتیں کیں۔
انہوں نے وزیراعظم سے بات چیت کے دوران عراق اور خطے میں ہونے والی پیش رفت اور ملک میں اقوام متحدہ کے معاون مشن (یو این اے ایم آئی) کی باقیماندہ مدت سے متعلق امور پر تبادلہ خیال کیا۔
انہوں نے توثیق کی کہ اقوام متحدہ اپنے مشن کی ملک سے روانگی کے بعد بھی عراق کی حکومت اور عوام کے ساتھ تعاون جاری رکھنےکے لیے پرعزم ہے۔
یاد رہے کہ یہ مشن 2003 سے عراق میں موجود ہے اور اس کی ذمہ داریاں رواں سال کے آخر میں ختم ہو جائیں گی۔
.ذریعہ: UrduPoint
کلیدی لفظ: تلاش کیجئے اقوام متحدہ نے کہا کہ حملے میں انہوں نے کے لیے
پڑھیں:
مجھے کبھی نہیں لگا کہ میں شاہ رُخ خان جیسا دکھائی دیتا ہوں، ساحر لودھی
اداکار اور میزبان ساحر لودھی نے حالیہ انٹرویو میں اس تاثر کی تردید کی ہے کہ ان کی شکل بالی ووڈ اسٹار شاہ رخ خان سے مشابہت رکھتی ہے۔
ایک پروگرام میں گفتگو کے دوران ساحر لودھی نے واضح کیا کہ انہوں نے کبھی محسوس نہیں کیا کہ وہ شاہ رخ خان جیسے دکھتے ہیں۔
انٹرویو کے دوران میزبان نے مزاحیہ انداز میں کہا کہ انہیں ساحر لودھی کا چہرہ اب شاہ رخ خان جیسا لگتا ہے اور انٹرویو کے دوران انہیں یہ مشابہت دیکھ کر حیرت ہوئی۔ میزبان نے پوچھا کہ کہیں انہوں نے کوئی سرجری تو نہیں کروائی، جس پر ساحر لودھی نے قہقہہ لگاتے ہوئے اس بات سے انکار کیا کہ انہوں نے کبھی کوئی سرجری کروائی ہے۔
ساحر لودھی کا کہنا تھا کہ انہیں اپنی شخصیت سے متعلق کبھی کوئی الجھن نہیں رہی، البتہ اگر کسی اور کو ایسی الجھن ہو تو وہ اس بارے میں کچھ نہیں کہہ سکتے۔ ان کا کہنا تھا کہ وہ شاہ رخ خان نہیں ہیں، البتہ ان سے ایک ملاقات کے دوران تقریباً دو گھنٹے گفتگو ہوئی تھی، جس میں انہوں نے محسوس کیا کہ شاہ رخ ایک شاندار فنکار اور بہترین انسان ہیں۔
انہوں نے مزید کہا کہ اگر دنیا کو لگتا ہے کہ ان کی شکل شاہ رخ خان سے ملتی ہے تو وہ اس پر کچھ نہیں کرسکتے، کیونکہ وہ ساحر لودھی ہیں اور ہمیشہ اپنی شناخت کے ساتھ ہی رہنا پسند کریں گے۔
ترکیہ برطانیہ سے 20 یورو فائٹر طیارے خریدے گا، معاہدے طے