قابض اسرائیلی فوجیوں کیساتھ جھڑپ میں سینیئر فلسطینی مزاحمتی کمانڈر شہید
اشاعت کی تاریخ: 19th, May 2025 GMT
فلسطینی عوامی مزاحمتی کمیٹی کے عسکری ونگ نے غاصب اسرائیلی فوج کی اسپیشل فورسز کیخلاف "بہادرانہ دفاع'' میں اپنے ایک سینئر کمانڈر کی شہادت اور انکے خاندان کے اغوا کی تصدیق کی ہے اسلام ٹائمز۔ فلسطینی عوامی مزاحمتی کمیٹی کی ملٹری برانچ الویہ ناصر صلاح الدین نے تازہ بیان میں اپنے سینئر کمانڈر احمد کامل سرحان کی شہادت کی تصدیق کی ہے جو اس مزاحمتی فورس میں خصوصی آپریشنز کے ذمہ دار تھے۔ ناصر صلاح الدین کے الویہ بریگیڈز نے اپنے بیان میں کہا ہے کہ شہید احمد سرحان نے قابض اسرائیلی فوج کی اسپیشل فورسز کا بہادری کےساتھ مقابلہ کیا جو انہیں خان یونس میں واقع ان کے گھر سے گرفتار کرنے کی کوشش تھیں، جس کے دوران وہ شہید ہو گئے ہیں! واضح رہے کہ آج صبح اسرائیلی میڈیا نے غزہ کی پٹی کے جنوبی شہر خان یونس پر غاصب صیہونی رژیم کے شدید ہوائی حملوں اور اس کے دوران خواتین کے بھیس میں انجام پانے والے قابض اسرائیلی فوج کے ایک ''خصوصی آپریشن'' کی ناکامی کا اعلان کرتے ہوئے کہا تھا کہ غاصب اسرائیلی فوج کے ایک اسپیشل گروپ نے غزہ میں داخلے کی کوشش کی، تاہم وہ اپنے خصوصی آپریشن کے مقصد کو حاصل کرنے میں ناکام رہا ہے۔ اس بارے اسرائیلی آرمی ریڈیو کا مزید کہنا تھاکہ ایسا لگتا ہے کہ خان یونس میں آپریشن ناکام ہو گیا ہے اور اپنا مقصد حاصل نہیں کر سکا، بہرحال کسی ''شخصیت'' کو قتل کرنے کے لئے خصوصی دستوں کو خطرے میں ڈالنے کی ضرورت ہی نہ تھی کیونکہ ہم اسے ہوا سے ہی بآسانی نشانہ بنا سکتے تھے۔
اس بارے مقامی میڈیا کا کہنا ہے کہ لگتا ایسا ہے کہ قابض صیہونیوں کا مقصد شہید احمد سرحان کو گرفتار کرنا اور غزہ میں قید اسرائیلی قیدیوں تک پہنچنا تھا تاہم وقوعے کے بعد ان کی لاش کو خان یونس کے الناصر ہسپتال میں منتقل کر دیا گیا ہے۔ فلسطینی میڈیا نے ایک 12 سالہ بچے محمد سرحان کی تصویر شائع کرتے ہوئے یہ اعلان بھی کیا کہ اس فلسطینی بچے نے آج صبح ہی قابض اسرائیلی فوج کی اسپیشل فورسز کے ہاتھوں اپنے والد کے بہیمانہ قتل کا مشاہدہ کیا اور پھر اسے خان یونس میں ان کے گھر سے اس کی والدہ کے ہمراہ اغوا کر لیا گیا ہے!
ذریعہ: Islam Times
کلیدی لفظ: قابض اسرائیلی فوج خان یونس
پڑھیں:
وقار یونس نے مجھے نئی گاڑی خریدنے اور برانڈ کے کپڑے پہننے پر ٹیم سے نکالا، عمر اکمل کا الزام
معروف کرکٹر عمر اکمل نے سابق کپتان اور ہیڈ کوچ وقار یونس پر اپنے کیریئر کو تباہ کرنے کا الزام عائد کردیا۔
ایک نجی ٹی وی چینل کو انٹرویو دیتے ہوئے عمر اکمل نے کہا کہ وقار یونس نوجوان کھلاڑیوں سے حسد کرتے تھے کیونکہ وہ نئی گاڑیاں خریدنے کے قابل ہوگئے تھے۔
یہ بھی پڑھیے: ’آپ کو شرم آنی چاہیے‘، بابر اعظم کے خلاف بات کرنے پر عمر اکمل ٹی وی شو میں لڑ پڑے
عمر اکمل کا کہنا تھا کہ اللہ نے جو دیا ہے، میں اپنے اور اپنے خاندان کی خواہشات پوری کر رہا ہوں، اس میں کیا برائی ہے؟ وہ اکیلے نہیں بلکہ ان کے ساتھ کھیلنے والے دیگر کرکٹرز، جن میں رانا نویدالحسن بھی شامل ہیں، اس بات کی گواہی دیں گے۔
انہوں نے کہا کہ انہیں کارکردگی کی بنیاد پر نہیں بلکہ نئی گاڑی خریدنے اور برانڈیڈ کپڑے پہننے کی وجہ سے ٹیم سے باہر کیا گیا۔ وقار کہتے تھے کہ تمہیں اتنے پیسے کیسے مل گئے؟
ان کا کہنا تھا کہ پہلے کھلاڑی ایسی چیزیں خریدنے کے قابل نہیں تھے، لیکن جب اللہ نے دیا ہے تو اپنے اوپر خرچ کرنے میں کوئی حرج نہیں۔
یہ بھی پڑھیے: باربی اکمل عمر اکمل کی منفرد لباس میں تصویر وائرل
عمر اکمل نے مزید کہا کہ وہ وقار یونس کا بطور سینیئر کھلاڑی احترام کرتے ہیں، مگر کوچ کے طور پر نہیں۔ انہوں نے بتایا کہ 2016 میں ورلڈ کپ کے موقع پر انہوں نے پی سی بی کو خطوط اور فائلیں جمع کروائیں اور تجویز دی کہ اگر وقار یونس کو ہٹا دیا جائے تو ٹیم کی کارکردگی بہتر ہوگی۔
35 سالہ عمر اکمل نے یہ بھی کہا کہ انہوں نے غیر ملکی لیگز کے کئی مواقع مسترد کیے تاکہ پاکستان کے لیے کھیل سکیں۔ میری پہلی ترجیح ہمیشہ پاکستان ہی رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عمر اکمل کرکٹ وقار یونس
کیا پاکستان اسٹاک مارکیٹ اس سال کے اختتام پرنئی تارخ رقم کر پائے گی؟