کراچی میں بیٹی کو اسکول چھوڑنے کیلیے آئے شہری کے قتل میں بہنوئی ملوث نکلا
اشاعت کی تاریخ: 19th, May 2025 GMT
کراچی:
شہر قائد کے علاقے ناظم آباد میں بیٹی کو اسکول چھوڑنے کے دوران اسٹیٹ ایجنٹ کو فائرنگ کر کے قتل کرنے کا کیس پولیس نے حل کرتے ہوئے ملزمان کو گرفتار کرلیا، جس میں بہنوئی اور سگا بھائی شامل ہے۔
ایکسپریس نیوز کے مطابق پولیس نے بیٹی کو اسکول چھوڑنے کے دوران اسٹیٹ ایجنٹ کو فائرنگ کا نشانہ بنانے والے مرکزی ملزم کو بھائی سمیت گرفتار کرلیا۔
تفصیلات کے مطابق 14 مئی کی صبح ناظم آباد 3 نمبر گول مارکیٹ میں قائم پائلٹ اسکول کے قریب 14 مئی کی صبح بیٹی کو اسکول چھوڑنے آنے والے راشد کو موٹر سائیکل سوار ملزم نے فائرنگ کا نشانہ بنا کر قتل کر دیا تھا جبکہ مقتول کی آنکھ کے قریب لگنے والی گولی پار ہو کر اس کی 10 سالہ بیٹی آمنہ کے سر پر لگی جسے کی باعث وہ شدید زخمی ہوگئی تھی اور تاحال زیر علاج ہے۔
واقعے کے بعد ڈی ایس پی ناظم آباد کمال نسیم اور ایس ایچ او ناظم آباد امجد کیانی موقع پر پہنچے اور کلوز سرکٹ کیمروں کی فوٹیجز حاصل کیں جس میں سفید داڑھی والے شخص کو اسکول کے قریب موٹر سائیکل پر گھومتا ہوا دیکھا گیا۔
فوٹیج میں اس مشکوک شخص کی دوسرے شہری سے بھی ملاقات ہوئی اور ان کے درمیان بات چیت بھی ہوئی تھی۔
ایس ایچ او ناظم آباد امجد کیانی بتایا کہ واقعے کے بعد ڈی ایس پی ناظم آباد کی سربراہی تشکیل دی گئی، ٹیم نے دن رات سخت جدوجہد کے بعد اسٹیٹ ایجنٹ راشد کے قتل میں ملوث مرکزی ملزم اقبال ملنگ کو اس کے بھائی شاہد سمیت گرفتار کر کے اسلحہ برآمد کرلیا۔
پولیس کے مطابق گرفتار ملزم اقبال ملنگ نے واردات کے بعد اپنی داڑھی کو سیاہ کر کے اپنا حلیہ بھی تبدیل کرلیا تھا تاہم پولیس نے تمام شواہد کو حاصل کرنے کے بعد ملزم کو قانون کی گرفتار میں لیا۔
امجد کیانی نے بتایا کہ گرفتار ملزمان نے ابتدائی تفتیش میں قتل کی وجہ 15 لاکھ روپے کی لین دین کا تنازعہ بتایا جبکہ گرفتار ملزم شاہد مقتول راشد کا بہنوئی ہے اور اس لین دین کے تنازعے میں شاہد نے مقتول کی بہن کو طلاق بھی دیدی تھی جس کے بعد وہ بچوں سمیت والدین کے گھر آگئی تھی۔
انھوں نے بتایا کہ ملزمان نے انکشاف کیا ہے کہ لیاری کشتی چوک کے قریب انھوں نے اپنا گھر 15 لاکھ روپے میں فروخت کر کے راشد کو دیئے تھے کہ ہمیں پورشن دلوا دیں اور اس رقم کی وصولی کے بعد وہ ٹال مٹول سے کام لیتا رہا اور اس دوران ان میں جھگڑے بھی چلتے رہے اور اس وجہ سے شاہد نے مقتول کی بہن کو طلاق بھی دیدی تھیْ
فائرنگ میں ملوث ملزم اقبال ملنگ کا کہنا تھا کہ بیوی کو طلاق دینے کے بعد اس کا بھائی پریشان رہتا تھا اور اسی وجہ سے اس نے راشد کو ٹھکانے لگانے کا منصوبہ بنایا ، اس کی ریکی بھی کرتا رہا اور موقع ملنے پر اسے فائرنگ کا نشانہ بنا کر قتل کر دیا۔
.ذریعہ: Express News
کلیدی لفظ: کے قریب کے بعد اور اس
پڑھیں:
کراچی؛ مختلف علاقوں میں مبینہ پولیس مقابلوں کے دوران 4 ملزمان زخمی حالت میں گرفتار
کراچی:مختلف علاقوں میں پولیس اور اسٹریٹ کرمنلز کے درمیان مقابلوں کے دوران 4 ملزمان زخمی حالت میں گرفتار کر لیے گئے۔ پولیس نے ملزمان کے قبضے سے اسلحہ، موبائل فونز، نقدی اور چھینی گئی موٹرسائیکل برآمد کرلی۔
تفصیلات کے مطابق ضلع ملیر ابراہیم حیدری کے علاقے بےنظیر چوک کے قریب گشت پر مامور پولیس پارٹی پر مسلح ملزمان نے فائرنگ کردی۔ پولیس کی جوابی کارروائی میں ایک ملزم علی حسن عرف علی شیدی زخمی حالت میں گرفتار ہوا جبکہ اس کا ساتھی فرار ہونے میں کامیاب ہوگیا۔
ترجمان ضلع ملیر پولیس کے مطابق ملزم کے قبضے سے ایک پستول بمعہ ایمونیشن، موبائل فونز اور نقدی برآمد ہوئی۔ گرفتار ملزم کو طبی امداد کے لیے جناح اسپتال منتقل کردیا گیا ہے جبکہ اسلحہ فرانزک کے لیے روانہ کر دیا گیا ہے اور فرار ملزم کی گرفتاری کے لیے چھاپے مارے جارہے ہیں۔
دوسری جانب ڈسٹرکٹ ساؤتھ پولیس کا ڈیفنس کے علاقے کورنگی کریک روڈ پر پولیس اور ملزمان کے درمیان فائرنگ کا تبادلہ ہوا، مبینہ مقابلے کے نتیجے میں ملزم نبیل احمد ولد شیر محمد زخمی حالت میں گرفتار کرلیا گیا جبکہ اس کا ساتھی تاریکی کا فائدہ اٹھاتے ہوئے موقع سے فرار ہوگیا، ملزم کے قبضے سے ایک 30 بور پستول گولیاں، میگزین اور موبائل فون برآمد ہوئے۔
اسی طرح ڈسٹرکٹ سینٹرل کے علاقے تیموریہ میں پولیس نے چیکنگ کے دوران موٹرسائیکل سوار دو مشتبہ افراد کو رکنے کا اشارہ کیا، جنہوں نے فرار ہونے کی کوشش کے دوران پولیس پر فائرنگ کردی، پولیس کی جوابی فائرنگ کے دوران دونوں ملزمان زخمی حالت میں گرفتار کرلیے گئے۔
ملزموں کو چھیپا ایمبولنس کے زریعے عباسی شہید اسپتال منتقل کیا گیا جہاں ملزمان کی شناخت عمران قریشی ولد یعقوب قریشی اور محمد مبارک ولد محمد طفیل کے ناموں سے کرلی گئی۔ پولیس کے مطابق ملزمان کے قبضے سے ناجائز اسلحہ، پانچ موبائل فونز اور تھانہ جمشید کوارٹر کی حدود سے چھینی گئی موٹرسائیکل برآمد ہوئی۔
گلشن اقبال اردو یونیورسٹی طعیبہ مسجد کے قریب پولیس مقابلے کے دوران ایک ملزم زخمی حالت میں گرفتار کرلیا گیا۔ زخمی ملزم کو چھیپا ایمبولنس کے ذریعے سول اسپتال منتقل کیا گیا جہاں اس کی شناخت محمد عدنان ولد ولایت حسین کے نام سے ہوئی ہے، پولیس حکام کے مطابق زخمی ملزم کا کریمنل ریکارڈ چیک کیا جارہا ہے۔
پاکستان آئینی بحران کا شکار، عدلیہ کو آئینی ترمیم کے ذریعے یرغمال بنایا گیا، وزیراعلیٰ خیبر پختونخوا