جنرل عاصم منیر کی فیلڈ مارشل کے عہدے پر ترقی معرکۂ حق و باطل میں قیادت کا اعتراف ہے، صبحین غوری
اشاعت کی تاریخ: 21st, May 2025 GMT
آرمی چیف جنرل سید عاصم منیر کی فیلڈ مارشل کے عہدے پر ترقی پر رکن قومی اسمبلی صبحین غوری نے مبارکباد دیتے ہوئے کہا ہے کہ فیلڈ مارشل کے عہدے پر ترقی دینا ملکی تاریخ کا ایک اہم اور تاریخی فیصلہ ہے۔
متحدہ قومی موومنٹ کی رکن قومی اسمبلی اور پارلیمانی سیکرٹری برائے انفارمیشن ٹیکنالوجی صبحین غوری نے کہا کہ معرکۂ حق "بنیان المرصوص" میں کامیابی شہداء کے خون کو خراجِ عقیدت ہے۔
انھوں نے مزید کہا کہ جنرل عاصم منیر کی فیلڈ مارشل کے طور پر ترقی حق و باطل کے معرکے میں ان کی اعلیٰ اور ماہرانہ قیادت کا اعتراف ہے۔
صبحین غوری نے کہا کہ جنرل عاصم منیر کی یہ ترقی استقامت، قربانی سے جُڑی جدوجہد کا تسلسل ہے۔ اُن کی قیادت میں پاکستان نے دفاعی، سفارتی اور اندرونی محاذوں پر نئی کامیابیاں سمیٹی ہیں۔
رکن قومی اسمبلی نے کہا کہ فیلڈ مارشل کے عہدے پر ترقی ایک قومی اعتراف ہے اُن خدمات کا جو جنرل صاحب نے ملک و ملت کے لیے سرانجام دیں۔ پوری قوم کو جنرل سید عاصم منیر کی بطور فیلڈ مارشل ترقی پر فخر ہے، یہ پاکستان کے استحکام کی علامت ہے۔
صبحین غوری نے کہا کہ فیلڈ مارشل عاصم منیر نے جس دانش، حکمت اور استقامت سے ملک کو بحرانوں سے نکالا، وہ قابلِ تحسین ہے۔ ایک مضبوط فوجی قیادت ہی پاکستان کو اندرونی و بیرونی چیلنجز سے نکال سکتی ہے۔
انھوں نے کہا کہ ہم دعا گو ہیں کہ فیلڈ مارشل سید عاصم منیر کی قیادت میں پاکستان مزید مضبوط، خودمختار اور ترقی یافتہ ہو۔ پاکستانی قوم دشمن قوتوں کو کبھی کامیاب نہیں ہونے دے گی۔
.
ذریعہ
ذریعہ: Express News
کلیدی لفظ: فیلڈ مارشل کے عاصم منیر کی نے کہا کہ
پڑھیں:
جماعت اسلامی کے سیکریٹری جنرل امیرالعظیم انتقال کرگئے
لاہور(ڈیلی پاکستان آن لائن)جماعت اسلامی پاکستان کے سیکریٹری جنرل امیرالعظیم لاہور میں انتقال کرگئے۔جماعت اسلامی پاکستان کی جانب سے سماجی رابطے کی ویب سائٹ پر جاری بیان میں بتایا گیا کہ امیرالعظیم صاحب اللہ کے حضور پیش ہوگئے۔
سیکریٹری جنرل جماعت اسلامی امیر العظیم طویل عرصے سے علیل اور کینسر کے مرض سے نبرد آزما تھے۔امیرالعظیم کی نماز جنازہ کا اعلان بعد میں کیا جائے گا۔امیرالعظیم جماعت اسلامی کے سیکریٹری جنرل کے علاوہ زمانۂ طالب علمی میں اسلامی جمعیت طلبہ پاکستان کے ناظم اعلیٰ بھی رہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
لاہور میں 1958 میں پیدا ہونے والے امیرالعظیم نے پنجاب یونیورسٹی سے ایم بی اے کی ڈگری حاصل کی اور اسلامی جمعیت طلبہ کے ناظم اعلی رہے۔جماعت اسلامی پاکستان کے سابق امیر سراج الحق نے انہیں 2019 اور 2024 میں موجودہ امیر جماعت اسلامی حافظ نعیم الرحمان نے مرکزی مجلس شوریٰ کے مشورے سے انہیں مرکزی سیکریٹری جنرل مقرر کیا۔
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار