پنجاب اسمبلی میں بھارتی جارحیت کے شہداء سے اظہارِ یکجہتی، شمعیں روشن کی گئیں
اشاعت کی تاریخ: 21st, May 2025 GMT
لاہور:
پنجاب اسمبلی کے احاطے میں بھارتی جارحیت کے شہداء سے اظہارِ یکجہتی کے لیے ایک پروقار تقریب کا انعقاد کیا گیا۔ تقریب کا اہتمام ینگ پارلیمنٹرین فورم نے کیا، جس میں اسپیکر پنجاب اسمبلی ملک محمد احمد خان، فورم کی چیئرپرسن آمنہ شیخ سمیت دیگر اراکینِ اسمبلی نے شرکت کی۔
اس موقع پر شرکاء نے بھارتی جارحیت کے خلاف جانوں کا نذرانہ پیش کرنے والے شہداء کی یاد میں شمعیں روشن کیں اور دو منٹ کی خاموشی اختیار کر کے ان کو خراجِ عقیدت پیش کیا۔ تقریب میں شہداء کے ایصالِ ثواب کے لیے فاتحہ خوانی بھی کی گئی۔
تقریب کا مقصد قومی یکجہتی اور شہداء کی قربانیوں کو یاد رکھنا تھا جبکہ مقررین نے اس موقع پر اس عزم کا اعادہ کیا کہ وطن عزیز کے دفاع کے لیے کسی قربانی سے دریغ نہیں کیا جائے گا۔
.
ذریعہ: Express News
پڑھیں:
اعزاز قوم، جانباز افسروں، سپاہیوں شہدا کے نام، فیلڈ مارشل عاصم منیر: یادگار شہداء پر خصوصی گارڈ آف آنر تقریب
اسلام آباد (خبرنگار خصوصی) فیلڈ مارشل سید عاصم منیر کے اعزاز میں جی ایچ کیو میں یادگار شہداء پر ایک خصوصی گارڈ آف آنر کی تقریب منعقد ہوئی۔ اس پروقار موقع پر فیلڈ مارشل سید عاصم منیر نے یادگار شہداء پر پھولوں کی چادر چڑھائی اور شہداء پاکستان کو خراجِ عقیدت پیش کرنے کے لئے فاتحہ خوانی کی۔ فیلڈ مارشل نے یہ اعزاز پوری قوم، پاکستان کی مسلح افواج اور بالخصوص سویلین اور مسلح افواج و قانون نافذ کرنے والے اداروں کے شہداء اور غازیوں کے نام کیا۔ ان کا کہنا تھا کہ یہ اعزاز پوری پاکستانی قوم اور پاکستان کی مسلح افواج کے جانباز سپاہیوں اور افسران کے نام ہے، بالخصوص ان شہداء کے نام جنہوں نے بھارت کی بلااشتعال، بزدلانہ اور غیرقانونی جارحیت کے خلاف فولادی دیوار بن کر دفاع کیا۔
محکمہ خزانہ کا سپیشلائزڈہیلتھ کوبجٹ جاری