الحمراء میں تقریب کا اہتمام: شوبز ستاروں کا وطن کے سپاہیوں کو خراجِ تحسین
اشاعت کی تاریخ: 22nd, May 2025 GMT
لاہور: سیلوٹ ٹو پاک آرمی، سبزہلالی پرچم کے سپاہی نشان وفا کے عنوان سے تقریب الحمراء میں منعقد کی گئی۔ تقریب میں فلم، ٹی وی اور تھیٹر سے وابستہ شخصیات نے شرکت کی۔
سی جے ایف پی اور الحمراء کے تعاون سے ہونے والی تقریب کی نظامت کے فرائض ریاض خان نے انجام دیئے۔ پروگرام میں سینئر اداکار خالد عباس ڈار، فلم اسٹار غلام محی الدین، فلم اسٹار ریشم، راشد محمود، حیدر سلطان راہی، شہزاد رفیق، صفدر ملک، مسعود بٹ جرار رضوی، اچھی خان، عمران احمد، ندیم چیمہ، سہیل ملک، حامد رنگیلا، شاہد خان، شکیل چن، شیخ عابد رشید، جاوید وڑائچ اسٹیج ڈائریکٹر ڈاکٹر اجمل ملک، محمد نورالحسن اور دیگر نے شرکت کی۔
استاد حامد علی خان، انور رفیع، میلوڈی کوئین شاہدہ منی، گلوکارہ صومیہ خان، ثمن شیخ، نرمل شاہ، مون پرویز، عمران شوکت علی، احمد نواز، شارقہ راج اور ناصر بیراج نے پاک افواج کو ملی نغمے گا کر خراج تحسین پیش کیا۔
پروگرام میں وطن عزیز کے لئے جانوں کانذرانہ دینے والے شہداء کے لئے حافظ اشفاق نے دعاکروائی۔ فلم پروڈیوسر اسلم حسن اور ڈائریکٹر ندیم چیمہ کے بنائے ملی نغمہ کو پسند کیا گیا۔ جس میں فیلڈ مارشل عاصم منیر کی تقریر کے کچھ حصے بھی پیش کیے گئے۔
چیئرمین پی ایف پی اے شہزاد رفیق، فلم اسٹار غلام محی الدین، سینئر خالد عباس ڈار، پروڈیوسر صفدر ملک، ہدایتکار مسعود بٹ، اچھی خان اور فلم اسٹار ریشم نے فن کا مظاہرہ کرنے والے گلوکاروں میں ایوارڈز تقسیم کئے۔
ڈاکٹر اجمل ملک کا ڈائریکٹ کئے ہوئے ڈرامے نورجہاں کا ایک حصہ پیش کیا گیا۔ جس میں آفرین پری نے نورجہاں کا کردار ادا کیا۔ سینئر اداکار خالدعباس ڈار، صفدر ملک اور راشد محمود نے ڈاکٹر اجمل ملک فوجی جوانوں اور آفرین پری کوایوارڈز دئیے۔
خالد عباس ڈار نے کہا کہ آج کی اس تقریب کے انعقاد پر سی جے ایف پی کو مبارک باد دیتا ہوں۔ فلم اسٹار ریشم نے کہا کہ ’جب نورخان بیس پرحملہ ہوا تو پوری قوم کا جذبہ دیدنی تھا۔میں نے ایسی بہادرقوم نہیں دیکھی۔ میں افواج پاکستان کوخراج تحسین پیش کرتی ہوں‘۔
پاکستان فلم پروڈیوسرز ایسوسی ایشن کے چیئرمین شہزادرفیق، ہدایتکار مسعود بٹ اور فلم اسٹار ریشم نے گلوکار انور رفیع حامد علی خان، احمد نواز، محمد قربان پرنس، ریاض خان ماجد نواز، ثمن شیخ، نرمل شاہ کو ایوارڈ دئیے۔ فلم پروڈیوسر صفدر ملک، خالد عباس ڈار، اچھی خان، نور الحسن اور حیدر سلطان راہی نے فلم اسٹار ریشم کو بھی ایوارڈ سے نوازا گیا۔
.
ذریعہ
ذریعہ: Express News
کلیدی لفظ: فلم اسٹار ریشم خالد عباس ڈار صفدر ملک
پڑھیں:
لیفٹیننٹ جنرل عامر رضا کی فور اسٹار جنرل کے عہدے پر ترقی، کمانڈر نیشنل اسٹریٹجک کمانڈ مقرر کردیا گیا
وزیراعظم شہباز شریف نے پاکستان آرمی کے چیف آف جنرل اسٹاف لیفٹیننٹ جنرل عامر رضا، ہلالِ امتیاز (ملٹری)، ستارۂ بسالت کو فور اسٹار جنرل کے عہدے پر ترقی دینے اور انہیں کمانڈر نیشنل اسٹریٹجک کمانڈ مقرر کرنے کا اعلان کر دیا ہے۔
وزیراعظم آفس کے مطابق وزیراعظم نے جنرل عامر رضا کو ترقی اور نئی ذمہ داری سنبھالنے پر مبارکباد پیش کی اور ان کے لیے نیک خواہشات کا اظہار کیا۔
وزیراعظم نے کہا کہ انہیں امید ہے کہ جنرل عامر رضا قومی سلامتی سے متعلق اس اہم ذمہ داری کو پیشہ ورانہ مہارت اور قومی عزم کے ساتھ انجام دیں گے۔
کمانڈر نیشنل اسٹریٹجک کمانڈ کا منصب ملک کی اسٹریٹجک صلاحیتوں اور قومی دفاعی حکمتِ عملی کے حوالے سے انتہائی اہم تصور کیا جاتا ہے جب کہ جنرل عامر رضا کی فور اسٹار جنرل کے عہدے پر ترقی کو پاکستان کی عسکری قیادت میں ایک اہم پیش رفت قرار دیا جا رہا ہے۔
پاکستان نے ورلڈ کپ 2028 کیلیے براہ راست کوالیفائی کر لیا