طیاروں سے پرندے ٹکرانے کے واقعات میں کمی، اعداد و شمار جاری
اشاعت کی تاریخ: 22nd, May 2025 GMT
کراچی:
پاکستان ائیرپورٹس اتھارٹی (پی اے اے) نے طیاروں سے پرندے ٹکرانے کے واقعات کے اعداد وشمار جاری کردیے ہیں، جس کے مطابق 2023کے مقابلے میں 2024 میں طیاروں سے پرندے ٹکرانے کے واقعات میں 15.46 فیصد کمی ہوئی ہے۔
ترجمان پاکستان ائیرپورٹس اتھارٹی کے مطابق جناح ٹرمینل ائیرپورٹ پر انوائرمینٹل کمیٹی کا اجلاس منعقد ہوا، جس کے دوران عیدالضحیٰ پر صفائی اور پرندوں سے بچاؤ کے اقدامات پر زور دیا گیا۔
اس موقع پر جمعہ اورعید کے خطبات میں ہوائی اڈوں کے قرب و جوار میں صفائی ستھرائی اور پرندوں سے طیاروں کے ٹکراؤ سے بچاو کے پیغامات بھی آگاہی مہم میں شامل کرنے کی ہدایات دی گئیں۔
ترجمان کے مطابق اجلاس میں قریبی آبادیوں ہوٹل، ریستورانوں اور دکانوں میں پمفلٹس کے ذریعے آگاہی مہم فوراً شروع کرنے کی ہدایت کے علاوہ ائیرپورٹ کےاطراف کچرا کنڈیوں کی مکمل صفائی اور پرندوں کے لیے ممکنہ پرکشش مقامات کی نشان دہی کے احکامات بھی جاری کیے گئے۔
اجلاس کے دوران ائیرپورٹ کے اطراف میں کبوتروں کے دانہ فروخت کرنے والوں کے خلاف کارروائی کا حکم دیاگیا۔
ترجمان پی اے اے کے مطابق 2023کے مقابلے میں 2024کے دوران برڈ ہٹ کے واقعات میں 15.
اجلاس میں عیدالضحیٰ کے موقع پرلوکل گورنمنٹ اور دیگر ایئرپورٹ اسٹیک ہولڈرزکے ساتھ مل کرصاف ماحول کو یقینی بنانےکے عزم کا اعادہ کیا گیا۔
ذریعہ: Express News
کلیدی لفظ: کے واقعات میں کے مطابق
پڑھیں:
خیبر پختونخوا میں شدید گرمی، ہیٹ ویو کا الرٹ جاری
پی ڈی ایم اے کی جانب سے جاری مراسلے کے مطابق اس دوران دن کے اوقات میں درجہ حرارت معمول سے 5 تا 7 ڈگری سینٹی گریڈ زیادہ رہنے کا امکان ہے جو کہ عوامی صحت اور روزمرہ زندگی پر براہِ راست اثر ڈال سکتا ہے۔ اسلام ٹائمز۔ خیبر پختونخوا میں آج سے 24 مئی تک گرمی کی شدت میں غیر معمولی اضافے کا خدشہ ظاہر کیا گیا ہے، جس کے پیش نظر صوبائی ڈیزاسٹر منیجمنٹ اتھارٹی نے تمام ضلعی انتظامیہ کو ہائی الرٹ جاری کر دیا ہے۔ پی ڈی ایم اے کی جانب سے جاری مراسلے کے مطابق اس دوران دن کے اوقات میں درجہ حرارت معمول سے 5 تا 7 ڈگری سینٹی گریڈ زیادہ رہنے کا امکان ہے جو کہ عوامی صحت اور روزمرہ زندگی پر براہِ راست اثر ڈال سکتا ہے۔ صوبے کے جنوبی اور وسطی علاقوں میں گرمی کی شدت برقرار رہے گی جبکہ بالائی علاقوں میں برف پگھلنے کی رفتار میں بھی اضافہ متوقع ہے، جس کے باعث آبی ذخائر پر دباؤ بڑھنے کا امکان ہے۔
پی ڈی ایم اے نے شہریوں کو خبردار کیا ہے کہ شدید گرمی کے باعث گرد و غبار اور تیز ہواؤں کی صورت حال بھی پیدا ہو سکتی ہے، جس سے فضائی آلودگی اور سانس کی بیماریوں میں اضافہ ہو سکتا ہے۔ مراسلے میں عوام سے اپیل کی گئی ہے کہ وہ غیر ضروری طور پر سورج کی تیز روشنی میں باہر نکلنے سے گریز کریں اور پانی کے استعمال میں اضافہ کریں تاکہ ہیٹ اسٹروک سے بچا جا سکے۔ بزرگ افراد اور بچوں کو بالخصوص صبح 10 بجے سے شام 5 بجے کے درمیان دھوپ میں نہ نکلنے کی ہدایت کی گئی ہے۔ علاوہ ازیں پی ڈی ایم اے نے کسانوں کو بھی متنبہ کیا ہے کہ وہ فصلوں کی کٹائی کے دوران احتیاط برتیں اور جانوروں کا خصوصی خیال رکھیں۔ ادارے نے یہ بھی کہا ہے کہ گرمی کی اس لہر کے دوران عوامی آگاہی مہم جاری رکھی جائے گی تاکہ لوگ بر وقت احتیاطی اقدامات اٹھا سکیں۔
مزید برآں تمام ہیلتھ و میڈیکل سروسز، پیرا میڈیکس اور ریسکیو ڈیپارٹمنٹس کو الرٹ رہنے کی ہدایت جاری کی گئی ہے۔ اس دوران تمام ہیٹ اسٹروک سینٹرز کو فعال رکھا جائے گا تاکہ کسی بھی ہنگامی صورت حال سے فوری نمٹا جا سکے۔ پی ڈی ایم اے کے ترجمان نے عوام کو مشورہ دیا ہے کہ سفر سے قبل اپنی گاڑیوں کے انجن میں پانی اور ٹائروں میں پریشر لازمی چیک کریں تاکہ گرمی کے باعث کسی ممکنہ خرابی سے بچا جا سکے۔ صوبائی حکومت اور متعلقہ ادارے صورتحال پر نظر رکھے ہوئے ہیں اور کسی بھی ایمرجنسی کی صورت میں فوری کارروائی کے لیے تیار ہیں۔
معرکہ حق میں تاریخی فتح پر ملک بھر میں آج یوم تشکر منایا جا رہا ہے