غزہ میں حالیہ دنوں میں بھوک کے باعث 29 بچے اور بزرگ شہید ہوئے، فلسطینی وزیر صحت
اشاعت کی تاریخ: 22nd, May 2025 GMT
جب فلسطینی وزیر صحت سے اقوام متحدہ کے امدادی ادارے کے سربراہ کے اُس بیان پر تبصرے کا کہا گیا، جس میں کہا گیا تھا کہ اگر امداد نہ پہنچی تو 14 ہزار نومولود بچے جان کی بازی ہار سکتے ہیں تو ماجد ابو رمضان نے کہا "یہ تعداد حقیقت پر مبنی ہے، بلکہ شاید یہ اندازہ حقیقت سے کم ہی ہو۔" اسلام ٹائمز۔ فلسطینی وزیر صحت ماجد ابو رمضان نے کہا ہے کہ حالیہ دنوں میں غزہ میں بھوک کے باعث کم از کم 29 بچے اور بزرگ افراد جان کی بازی ہار چکے ہیں، جبکہ ہزاروں دیگر افراد کی جانوں کو شدید خطرات لاحق ہیں۔ یہ بیان ایک ایسے وقت میں سامنے آیا ہے، جب اسرائیل کی جانب سے 11 ہفتوں کے محاصرے کے بعد غزہ میں پہلی بار کچھ امدادی ٹرک داخل ہونے کی اجازت دی گئی ہے، تاہم فلسطینی اور امدادی اداروں کے مطابق امداد کی یہ مقدار ضرورت سے بہت کم ہے۔ جب فلسطینی وزیر صحت سے اقوام متحدہ کے امدادی ادارے کے سربراہ کے اُس بیان پر تبصرے کا کہا گیا، جس میں کہا گیا تھا کہ اگر امداد نہ پہنچی تو 14 ہزار نومولود بچے جان کی بازی ہار سکتے ہیں تو ماجد ابو رمضان نے کہا "یہ تعداد حقیقت پر مبنی ہے، بلکہ شاید یہ اندازہ حقیقت سے کم ہی ہو۔"
ماجد ابو رمضان نے مزید بتایا کہ غزہ کے 36 میں سے صرف 7 یا 8 اسپتال ہی جزوی طور پر کام کر رہے ہیں اور 90 فیصد سے زائد طبی ساز و سامان ختم ہوچکا ہے۔ انہوں نے مزید کہا کہ "میری معلومات کے مطابق اب تک صرف 90 سے 100 ٹرک ہی جنوبی اور وسطی غزہ میں داخل ہوئے ہیں۔" جب ان سے پوچھا گیا کہ کیا ان میں کوئی طبی امداد بھی شامل ہے تو انہوں نے جواب دیا کہ "جہاں تک میں جانتا ہوں، یہ ٹرک صرف آٹے سے لدے ہوئے ہیں، جو بیکریوں کے لیے ہیں۔"
ذریعہ
ذریعہ: Islam Times
کلیدی لفظ: فلسطینی وزیر صحت کہا گیا
پڑھیں:
کوہاٹ میں گاڑی پر فائرنگ سے کسٹم اہلکار شہید، ایک شخص زخمی
فائل فوٹوکوہاٹ میں پنڈی پل ٹول پلازا کے قریب گاڑی پر فائرنگ میں کسٹم اہلکار جاں بحق اور ایک شخص زخمی ہوگیا۔
پولیس کے مطابق شہید کسٹم اہلکار کی شناخت یاسر شاہ کے نام سے ہوئی ہے۔ شہید اہلکار کی لاش اور زخمی کو اسپتال منتقل کردیا گیا ہے۔
ڈی پی او کا کہنا ہے کہ دہشت گردوں کی گرفتاری کے لیے آپریشن جاری ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی