ایئر وائس مارشل اورنگزیب سے قریبی رشتہ ہے؛ نادیہ خان کا دعویٰ
اشاعت کی تاریخ: 22nd, May 2025 GMT
اداکارہ اور میزبان نادیہ خان نے انکشاف کیا ہے کہ ایئر وائس مارشل اورنگزیب احمد ان کے قریبی رشتہ دار ہیں۔
اس بات کا انکشاف نادیہ خان نے اپنے مارننگ شو میں کیا۔ انھوں نے ایئر وائس مارشل سے اپنا رشتہ بتاتے ہوئے کہا اورنگزیب احمد ان کے شوہر فیصل راؤ کے قریبی دوست ہیں۔
نادیہ خان نے ایک تصویر کا بھی زکر کیا جس میں ان کے شوہر فیصل راؤ اور ایئر وائس مارشل اورنگزیب احمد موجود ہیں۔
ادکارہ نے مزید کہا کہ یہ تصویر 1989 کی ہے۔ یہ سب فائٹر پائلٹس تھے اور میں ایئر وائس مارشل اورنگزیب کو ہمیشہ اورنگزیب بھائی کہتی ہوں۔
میزبان نادیہ خان نے بتایا کہ جب میری فیصل سے شادی ہوئی تو پہلے تو انہوں نے بتایا تھا کہ ان کے تین بھائی ہیں لیکن بعد میں کہا میرا ایک بھائی اور بھی ہے۔
نادیہ خان کے بقول ان کے شوہر نے مزید بتایا تھا کہ وہ بھائی اورنگزیب ہے جو ایک بہت ہی قابل فائٹر پائلٹ ہے۔ میں تمہیں بھی اس سے ملواؤں گا۔
اداکارہ اور میزبان نادیہ خان نے بتایا کہ میرے شوہر اور اورنگزیب بھائی گھنٹوں فون پر باتیں کرتے تھے اور پھر میری بھی ان سے اور ان کے خاندان سے ملاقات ہوئی۔
نادیہ خان نے کہا کہ جب میں پہلی بار اورنگزیب بھائی اور ان کی فیملی سے ملی تو وہ صرف پاکستان کے بارے میں ہی بات کر رہے تھے۔
اداکارہ نے مزید کہا کہ اس سے مجھے اندازہ ہوا کہ اورنگزیب بھائی پاکستان سے کتنی زیادہ محبت کرتے ہیں۔
نادیہ خان نے بتایا کہ ہم سب اورنگزیب بھائی سے اتنے متاثر ہیں کہ میرے شوہر اکثر کہتے ہیں کہ میرا بیٹا اورنگزیب جیسا بنے، میری طرح نہیں۔
میزبان نادیہ خان نے کہا کہ اورنگزیب بھائی کی بیوی بھی بہت ہی نفیس خاتون ہیں اور ان کے بچے بھی بہت اچھے ہیں۔
نادیہ خان کے اس انٹرویو کو جہاں کچھ لوگوں نے ایئر وائس مارشل سے متعلق معلومات دینے پر سراہا تو وہیں اکثر نے تنقید بھی کی۔
صارفین نے کہا کہ نادیہ خان کو آن ایئر کسی کے اور ان کے خاندان کے بارے میں گفتگو نہیں کرنا چاہیے۔ یہ سستی شہرت حاصل کرنے کی کوشش ہے۔
.
ذریعہ: Express News
کلیدی لفظ: ایئر وائس مارشل اورنگزیب بھائی میزبان نادیہ نادیہ خان نے نے بتایا کہا کہ اور ان
پڑھیں:
پاکستان کی بلیو اکنامی کیلئے پائیمک ایکسپو اہمیت کی حامل ہوگی، وائس ایڈمرل فیصل عباسی
پریس کانفرنس کرتے ہوئے وائس ایڈمرل محمد فیصل عباسی نے کہا کہ پاکستان نیوی نے چین کے ساتھ آئل اینڈ گیس کے سروے کیلئے معاہدہ کیا تھا، تین سروے ہوئے، پتہ چلا کہ مکران اور دیگر مقامات پر ذخائر پائے گئے ہیں۔ اسلام ٹائمز۔ وائس ایڈمرل محمد فیصل عباسی نے کہا ہے کہ پاکستان کی بلیو اکنامی کیلئے پائیمک ایکسپو اہمیت کی حامل ہوگی، پائیمک کانفرنس کے مثبت اثرات نمایاں ہونگے۔ ایکسپو سینٹر کراچی میں پریس کانفرنس کرتے ہوئے وائس ایڈمرل محمد فیصل عباسی نے کہا کہ پائیمک کانفرنس کا دوسرا ایڈیشن تین سے چھ نومبر تک ہوگا، کانفرنس میں 44 ممالک پائیمک کانفرنس میں حصہ لینگے، غیرملکی مندوبین کی بڑی تعداد پائیمک کانفرنس میں شریک ہوگی۔ انہوں نے کہا کہ اس میگا ایکسپو کے انعقاد کے تعاون پر سندھ حکومت کے بھی شکر گزار ہیں، اس کانفرنس میں مقامی سرمایہ کاروں کو بھی فوائد حاصل ہونگے۔ ان کا کہنا تھا کہ پائیمک میں انٹرنیشنل کانفرنس بھی ہوگی، مختلف موضوعات پر لیکچرز ہونگے، سمندری آلودگی ایک چیلنج ہے، وفاقی اور صوبائی حکومت کام کر رہی ہے، بزنس کمیونٹی سمندری تجارت کی طرف آئیں، سمندر میں ہمیں کچھ نہیں کرنا، اللّٰہ پاک نے بہت کچھ عطا کیا ہے، سمندری آلودگی پر بہت عرصہ ہم نے اس سے آنکھیں بند رکھی، جو غلطی تھی۔
وائس ایڈمرل نے کہا کہ دنیا کے تمام ریجنز کے ممالک کا نمائش میں شریک ہونا پائیمک کی کامیابی ہے۔ ان کا کہنا تھا کہ پاکستان کو ایک اور شپ یارڈ کی ضرورت ہے، ہم کراچی شپ یارڈ کے بعد کوئی اور شپ یارڈ نہیں بنا سکے ہیں، نئے شپ یارڈ کے منصوبے پر وفاقی وزیر بحری امور کام کر رہے ہیں۔ وائس ایڈمرل محمد فیصل عباسی نے یہ بھی کہا کہ سندھ حکومت سے ٹاسک فورس تیار کی ہے، یہ ایک چیلنج ہے، جسے ٹھیک کرنا ہے۔ انہوں نے بتایا کہ پاکستان نیوی نے چین کے ساتھ آئل اینڈ گیس کے سروے کیلئے معاہدہ کیا تھا، تین سروے ہوئے، پتہ چلا کہ مکران اور دیگر مقامات پر ذخائر پائے گئے ہیں، پاکستان کے پاس تقریباً 16 بلین ڈالر کے ذخائر ہے۔
اپر کوہستان مالیاتی اسکینڈل: گرفتار پولیس اہلکار 13 روزہ جسمانی ریمانڈ پر نیب کے حوالے