پنجاب بھر میں مویشی منڈیوں کے سکیورٹی انتظامات مکمل، 4000 سے زائد پولیس اہلکار تعینات
اشاعت کی تاریخ: 23rd, May 2025 GMT
لاہور:
عیدالاضحیٰ کی آمد کے پیش نظر پنجاب بھر میں مویشی منڈیاں سج گئی ہیں، جبکہ سکیورٹی کے فول پروف انتظامات مکمل کر لیے گئے ہیں۔
ترجمان پنجاب پولیس کے مطابق صوبہ بھر میں قائم 230 مویشی منڈیوں پر مجموعی طور پر 4000 سے زائد افسران اور اہلکار سکیورٹی کے فرائض سرانجام دے رہے ہیں۔
لاہور میں 11 مویشی منڈیوں کی سکیورٹی کے لیے 1000 پولیس افسران اور جوان تعینات کیے گئے ہیں۔ آئی جی پنجاب ڈاکٹر عثمان انور کے مطابق بیوپاریوں اور شہریوں کی جان و مال کے تحفظ کو یقینی بنانے کے لیے جامع اور مؤثر حکمت عملی وضع کی گئی ہے۔
آئی جی پنجاب نے ہدایت کی ہے کہ ضلعی انتظامیہ کی منظوری کے بغیر کسی بھی جگہ مویشی منڈی لگانے کی اجازت نہ دی جائے، اور غیر قانونی منڈیوں و سیل پوائنٹس کے خلاف سخت قانونی کارروائی عمل میں لائی جائے۔
شہریوں کو نوسربازوں، جیب تراشوں اور جرائم پیشہ عناصر سے بچانے کے لیے مربوط پٹرولنگ پلان بھی تیار کیا گیا ہے۔
پنجاب پولیس کے مطابق ڈولفن اسکواڈ، پولیس رسپانس یونٹ اور دیگر سکیورٹی فورسز پر مشتمل 284 پٹرولنگ ٹیمیں صوبے بھر میں مویشی منڈیوں کے اطراف موثر گشت کریں گی۔
مزید پڑھیں: لاہور مویشی منڈی میں جعلی کرنسی استعمال کرنے والا ملزم گرفتار
شیخوپورہ ریجن میں 26 منڈیاں قائم کی گئی ہیں اور 200 افسران و اہلکار سیکیورٹی پر تعینات ہیں، گوجرانوالہ ریجن میں 41 منڈیوں پر سیکیورٹی کیلیے 600 اہلکار اپنے فرائض انجام دے رہے ہیں۔
راولپنڈی ریجن میں قائم کی جانے والی 15 مویشی منڈیوں کی سیکیورٹی کیلیے 250 سے زائد اہلکار تعینات ہیں، سرگودھا ریجن کی 24 منڈیوں کے لیے 200 اہلکار اور فیصل آباد کی 19 منڈیوں کے لیے 600 سے زائد اہلکار سیکیورٹی پر مامور ہیں۔
ملتان کی 26 مویشی منڈیوں کے لیے 400 سے زائد اہلکار اپنے فرائض انجام دیں گے جبکہ ساہیوال کی 11 منڈیوں کی سیکیورٹی کیلیے 200 سے زائد اہلکار تعینات ہیں۔
عیدالاضحیٰ کی مناسبت سے بہاولپور میں قائم 35 مویشی منڈیوں کی حفاظت کیلیے 300 سے زائد اہلکار اور ڈی جی خان میں 22 مویشی منڈیوں کی سیکیورٹی کے لیے 200 سے زائد اہلکار تعینات کیے گئے ہیں۔
آئی جی پنجاب نے تمام ریجنل پولیس افسران کو ہدایت کی ہے کہ سکیورٹی پلان پر مکمل عمل درآمد کو یقینی بنایا جائے اور عوام کی سہولت کے لیے ہر ممکن اقدامات کیے جائیں۔
.
ذریعہ
ذریعہ: Express News
کلیدی لفظ: سے زائد اہلکار اہلکار تعینات منڈیوں کے کے لیے
پڑھیں:
لاہور کی رہائشی خاتون کی منشیات برآمدگی کیس میں ضمانت منظور
سپریم کورٹ نے لاہور کی رہائشی خاتون کی منشیات برآمدگی کے کیس میں 5 لاکھ روپے کے مچلکوں کے عوض ضمانت منظور کر لی۔
جسٹس ہاشم کاکڑ کی سربراہی میں 3 رکنی بینچ نے لاہور کی رہائشی خاتون کے خلاف منشیات برآمدگی کے کیس کی سماعت کی۔
دوران سماعت ملزمہ کے وکیل نے اے این ایف ریڈ کی سی سی ٹی وی فوٹیج چلائی، عدالت نے ملزمہ کے گھر کی سی سی ٹی وی فوٹیج کا فرانزک کرانے کا حکم دے دیا۔
پولیس کے مطابق ایک کیس میں ملزمہ کے قبضے سے دستی بم بھی برآمد ہوا تھا۔
ملزمہ کے وکیل احسن بھون نے کہا ہے کہ واضح دیکھا جاسکتا ہے کہ اے این ایف اہلکار منشیات لے کر گھر آتا ہے، خود منشیات گھر میں رکھ کر جھوٹا کیس بنایا گیا، سی سی ٹی وی فوٹیج میں نظر آنے والا اہلکار کمرۂ عدالت میں موجود ہے۔
اے این ایف کے اہلکار نے فوٹیج میں موجودگی کی تردید کر دی۔
جس پر جسٹس اشتیاق ابراہیم نے کہا کہ اے این ایف کے اسلحہ بردار اہلکار تشدد کرتے نظر آرہے ہیں۔
اے این ایف کے وکیل نے کہا کہ یہ فوٹیج کسی اور گھر میں کیے گئے ریڈ کی ہے۔
جسٹس ہاشم کاکڑ نے کہا کہ اے این ایف کے 10 اہلکار تھے مگر 2 لڑکیاں پھر بھی بھاگ گئیں، اتنے ہٹے کٹے اہلکار لڑکیوں کو نہیں پکڑ سکے مگر گاڑی پکڑ لی۔
ملزمہ کے وکیل احسن بھون نے کہا کہ گاڑی کی ریکوری کا ریکارڈ بھی تبدیل کیا گیا ہے۔
جسٹس اشتیاق ابراہیم نے اے این ایف کے وکیل سے کہا کہ اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں، خدا کا خوف کریں کمرۂ عدالت میں جھوٹ نہ بولیں۔
جسٹس ہاشم کاکڑ نے کہا کہ اے این ایف کیا کر رہا ہے، ملزمان تحویل میں ہوتے مار دیے جاتے ہیں، ایک کیس میں ملزم کی ہتھ کڑیوں کے ساتھ تصویر تھی جو اگلے روز مار دیا گیا، جوانی ہمیشہ نہیں رہنی کچھ خیال کیا کریں۔
جسٹس ہاشم کاکڑ نے اے این ایف کے اہلکار سے استفسار کیا کہ آپ نے کبھی چرس پی ہے؟ جس پر اہلکار نے کہا کہ نہیں سر میں نے کبھی چرس نہیں پی۔
جسٹس ہاشم کاکڑ نے ریمارکس دیے کہ چرس نہیں پی اس لیے آپ میں احساس بھی نہیں ہے، جس پر عدالت میں قہقہے لگ گئے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ