شہری کو اغوا کر کے تاوان وصولی کیلیے آنے والا ڈولفن پولیس کا اہلکار گرفتار، دیگر ساتھی فرار ہوگئے
اشاعت کی تاریخ: 22nd, May 2025 GMT
راولپنڈی:
شہری کو اغوا کر کے رہائی کے لیے تاوان طلب کرنے والے راولپنڈی اور اسلام آباد کے اہلکاروں کو رنگے ہاتھوں گرفتار کرلیا گیا۔
تفصیلات کے مطابق راولپنڈی اور اسلام آباد کے پولیس اہلکاروں نے مل کر شہری کو اغوا کیا اور تاوان طلب کیا، ایکسائیز ٹیکسیشن اینڈ نارکوٹکس کنٹرول ڈیپارٹمنٹ کی خاتون آفیسر نے بروقت دبنگ کارروائی کرتے ہوئے تاوان کی رقم وصول کرنے کے لیے آنے والے پولیس اہلکار کو قابو کرکے راولپنڈی پولیس کے حوالے کردیا۔
کارروائی کے وقت دیگر اہلکار باقی مغویوں کو چھوڑ کر فرار ہوگئے۔ ایس ایس پی آپریشن راولپنڈی کاشف ذوالفقار کا سخت نوٹس راولپڈی پولیس کے اہلکار سمیت دیگر دو ملزمان کہ گرفتاری کے لیے چھاپے جاری ہیں۔
حکام کے مطابق راولپنڈی کے نجی ہوٹل کے بار سے پرمٹ ہولڈر شراب لیکر نکلے تو تھانہ سول لائن کے علاقے میں پولیس عملے نے انھیں روکا اور پرمٹ و قانونی دستاویزات دیکھانے کے باوجود ایک نہ سنی اور اسی کی گاڑی میں بیٹھ کر نامعلوم مقام پر لے گیے۔
اسی دوران کچھ فاصلے پرمٹ ہولڈرز و ایک مغوی کے بیٹے و عزیزوں نے والد و ساتھیوں کے اچانک غائب ہونے پر پولیس ایمرجنسی ون فائیو اور آئی جی کمپلینٹ سیل نمبر پر کال کی۔ ساتھ ہی مغویان پرومٹ ہولڈر کا بیٹا و رشتہ دار ایکسائز ٹیکسیشن اینڈ نارکوٹکس کنٹرول آفس پہنچ گئے اور ڈائریکٹر ایکسائز راولپنڈی کو بھی اطلاع دی باقائدہ پرمٹ و کاغذات ہونے کے باوجود پولیس والد وغیرہ کو لے گئی ہے۔
ڈائریکٹر ایکسائز راولپنڈی نے لیڈی انسپکٹر کی سربراہی میں فوری طور پر سی پی او راولپنڈی کے نوٹس لانے کی ہدایات کیں جس پر تمام صورتحال سے راولپنڈی پولیس حکام کو آگاہ کیا گیا تو ایکسائیز ٹیم کے ساتھ راولپنڈی پولیس کے ایک آفیسر کی سربراہی میں بھی ٹیم تعینات کردی گی ۔
اسی دوران پرمٹ ہولڈر کو اغوا کرنے والوں نے ایک مغوی نے اپنے نمبر سے بیٹے کو کال کرکے تین لاکھ روپے کا بندوبست کرنے کا کہا، معاملہ گھمبیر پاکر ایکسائز و پولیس کی ٹیم نے ڈرامائی انداز میں رقم کا بندوبست ہونے کا کہہ کر اغوا کنندگان کو ڈیل پر راضی کیا۔
حکام کے مطابق اغوا کنندگان پہلے پی ڈبلیو ڈی اسلام آباد پھر اسکیم تھری اور ہر تھوڑے وقفے کے بعد مقام تبدیل کرکے وہاں بلواتے رھےم آخری مرتبہ گلزار قائد بلوایا لیکن پھر اچانک ایئرپورٹ روڈ پر مغوی ہے بیٹے کو رکنے کا کہا اور ایک شخص رقم لینے آیا جبکہ دیگر سامنے نہ آئے۔
ایکسائز و پولیس ٹیم اور مغوی کے رشتہ داروں نے مزکورہ شخص کو قابو کرلیا جو مسلح نکلا اور اپنا تعارف اسلام آباد پولیس کی ڈولفن فورس کے اہلکار کی حیثیت سے کروایا۔ جس پر ملزم کو تھانہ سول لائن منتقل کردیا گیا۔
دوران تفتیش ملزم نے تھانہ صادق آباد کے اہلکار ہونے کا بھی انکشاف کیا اور کاشی نامی ایک بروکر کابھی بتایا جو سادہ کپڑوں میں خود کو اے ایس آئی ظاہر کرتا یے۔
دوسری جانب ساتھی کو قابو ہوتے دیکھ کر دیگر تینوں ملزمان مغوی کو گاڑی اور سامان سمیت چھوڑ کر فرار ہوگئے۔
ایس ایس پی آپریشن راولپنڈی کاشف ذوالفقار نے نوٹس لیکر فرار اہلکاروں و ملزمان کی گرفتاری کے لیے احکامات جاری کیے جس کے لیے پولیس ٹیمیں چھاپے مارنے میں مصروف ہے۔
ایس پی آپریشن کاشف ذوالفقار کا ایکسپریس کے رابطے پر کہناتھاکہ سنگین واقعہ کا مقدمہ درج کیا جارھا ہے ایسے عناصر کو کسی صورت معاف نہیں کیا جائے گا۔
.
ذریعہ
ذریعہ: Express News
کلیدی لفظ: کے اہلکار کو اغوا کے لیے
پڑھیں:
5 جون تک پنجاب کے متعدد اضلاع میں آندھی، شدید ژالہ باری کا امکان، الرٹ جاری
وزیراعلیٰ پنجاب(chief minister punjab) کی ہدایات پر تمام کمشنرز و ڈپٹی کمشنرز کو الرٹ جاری تاکہ برساتی نالوں کی صفائی اور ہنگامی صورتحال سے نمٹنے کے لیے انتظامات مکمل رکھے جائیں؛ ترجمان پی ڈی ایم اے
پنجاب کے میدانی اور بالائی علاقوں میں چند روز سے جاری شدید گرمی کے بعد اب بیشتر اضلاع میں طوفانی ہواؤں، گرج چمک کے ساتھ بارش اور ژالہ باری کی اہم پیشگوئی جاری کی ہے
بتایا گیا ہے کہ راولپنڈی، مری، گلیات، اٹک، جہلم، چکوال، گوجرانوالہ، حافظ آباد، سیالکوٹ، نارووال اور شیخوپورہ، سرگودھا، میانوالی، خوشاب، منڈی بہاؤالدین، فیصل آباد، جھنگ و گردونواح، لاہور، اوکاڑہ، بھکر اور لیہ میں بارشوں کا امکان ہےْ
جس کے باعث وزیر اعلیٰ پنجاب مریم نواز کی خصوصی ہدایات کے پیشِ نظر صوبے بھر کے تمام کمشنرز اور ڈپٹی کمشنرز کو الرٹ جاری کر دیا گیا ہے تاکہ برساتی نالوں کی صفائی اور ہنگامی صورتحال سے نمٹنے کے لیے انتظامات مکمل رکھے جائیں۔
ڈی جی پی ڈی ایم اے عمر جاوید نے خراب موسم کے دوران شہریوں کی حفاظت کو یقینی بنانے کے لیے احتیاطی تدابیر اختیار کرنے کی تاکید کی ہے کہ شہری آسمانی بجلی سے بچنے کے لیے محفوظ مقامات کے اندر رہیں اور گرج چمک کے دوران کھلے مقامات یا درختوں تلے ہرگز کھڑے نہ ہوں۔
کسان اپنی فصلوں کی کٹائی اور سنبھال سمیت تمام تر پیشگی اقدامات موجودہ موسمی صورتحال کو مدنظر رکھتے ہوئے کریں، مری، گلیات اور شمالی علاقہ جات کے سفر پر روانہ ہونے والے سیاح موسم کی شدت کو دیکھتے ہوئے خصوصی احتیاطی تدابیر اختیار کریں۔
مزید پڑھیں:شہری پی ڈی ایم اے کی آفیشل ہیلپ لائن 1129 پر رابطہ کریں
کسی بھی بھی ناگہانی یا ایمرجنسی صورتحال کی صورت میں شہری فوری طور پر پی ڈی ایم اے کی آفیشل ہیلپ لائن 1129 پر رابطہ کریں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ