کراچی میں پارکنگ کہاں کہاں مفت کردی گئی؟ 32 سائٹس کی تفصیلات سامنے آگئیں
اشاعت کی تاریخ: 1st, July 2025 GMT
کراچی:
میئر کراچی مرتضیٰ وہاب نے کے ایم سی کی پارکنگ سائٹس کو یکم جولائی سے مفت کرنے کا اعلان کیا ہے، یہ 32 پارکنگ کہاں کہاں ہیں ان کی تفصیلات سامنے آگئی ہیں۔
ایکسپریس نیوز کے مطابق میئر کراچی کے اس اعلان کا مقصد شہریوں کو ریلیف فراہم کرنا ہے۔ یہ فیصلہ یکم جولائی سے نافذ العمل ہوگیا ہے جس کے تحت مفت چارجڈ پارکنگ درج ذیل مقامات پر لاگو ہوگی۔
ضلع شرقی میں فاریہ موبائل، رضا موبائل، راشد منہاس روڈ (الغفور سے فردوس شاپنگ مال تک)، کے ڈی اے مارکیٹ (گلشن فلائی اوور سے ڈسکو بیکری، علامہ شبیر احمد عثمانی روڈ تک)، چیس ویلیو سینٹر، الہ دین پارک کے سامنے، راشد منہاس روڈ (سروس روڈ)، مشرق سینٹر سے کریم پلازا، سر شاہ سلیمان روڈ، این آئی بی ڈی اسپتال سے یونائیٹڈ کنگ بیکری، سر شاہ سلیمان روڈ سروس روڈ، شارع فیصل (کارساز فلائی اوور سے قائدین فلائی اوور تک اور واپسی)، الخلیج ٹاور سے کباب جی تک (سروس روڈ، شہید ملت روڈ)، ہارڈیز سے چیس اپ جیل چورنگی، شہید ملت روڈ، سِوک سینٹر یونیورسٹی روڈ اور سر شاہ سلیمان روڈ (گیٹ سے ڈی ایم سی ایسٹ آفس تک)، امتیاز اسٹور، گلشن اقبال، راشد منہاس روڈ، گلشن ویو موبائل مارکیٹ، ابوالحسن اصفہانی روڈ، ہوم پلس، ریڈ ایپل سے مسکن چورنگی تک (دونوں طرف، شبیر احمد عثمانی روڈ)، روفی شاپنگ مال کے سامنے، مین یونیورسٹی روڈ، چیس پلس صفورا کے سامنے، مین یونیورسٹی روڈ، عثمانیہ اسپتال کے سامنے، جیل روڈ، ضلع وسطی میں سرینا موبائل مارکیٹ اور ہارون شاپنگ مال، لیاقت آباد سپر مارکیٹ سے لیاقت آباد نمبر 10، ایس ایم توفیق روڈ، چیس سپر اسٹور، شاہراہ پاکستان، فیڈرل بی ایریا، سینٹرم شاپنگ مال، راشد منہاس روڈ، کفایہ اومیگا مال، نارتھ کراچی۔
ضلع جنوبی میں جیلانی سینٹر موبائل مارکیٹ کے سامنے، ایم اے جناح روڈ، ناز پلازا سے اماں ٹاور تک، ایم اے جناح روڈ، ایم اے جناح روڈ (کوثر میڈیکو سے سول سگنل، لائٹ ہاؤس سگنل سے ایم ڈبلیو ٹاور)، ضلع کورنگی / ملیر میں رضا موبائل مارکیٹ سے نادرا آفس، مین نیشنل ہائی وے، ملیر،امان ٹاور کے سامنے، مین کورنگی روڈ کراسنگ، جہانگیر پیٹرول پمپ، کوئٹہ نمکین، رفیق مارکیٹ (چمن پلازا) کے سامنے، موبائل مارکیٹ نمبر 4 کے سامنے، مین کورنگی روڈ، ماڈل پارک کورنگی نمبر 3½، کٹ پرائس شاپ سے سندھ گورنمنٹ اسپتال تک، مین کورنگی روڈ، چیس ویلیو کے سامنے، شان چورنگی، کورنگی مہران ہائی وے، ضلع غربی / کیماڑی میں کے پی ٹی گیٹ نمبر 01، کیماڑی، شیل پیٹرول پمپ کے قریب، ایم اے جناح روڈ، شارجہ شاپنگ مال سے کوہ نور میرج ہال، حب ریور روڈ، چارجڈ پارکنگ سائٹس (چار دیواری یا کور شدہ مقامات کے اندر) درج بالا 32 مقامات پر کے ایم سی کی پارکنگ مفت ہوگی۔
تاہم مندرجہ ذیل مخصوص مقامات جو کہ کے ایم سی کی ملکیت ہیں اور چار دیواری یا کور شدہ علاقوں میں واقع ہیں، ان پر پرانی پالیسی کے مطابق پارکنگ چارجز لاگو ہوں گے۔
ضلع شرقی میں سندباد گلشن اقبال (چار دیواری کے اندر)، ضلع وسطی اے او کلینک پارکنگ، ناظم آباد (چار دیواری کے اندر)، حیدری مارکیٹ پارکنگ اور سنڈے موٹر سائیکل بازار (چار دیواری کے اندر)، ناظم آباد ڈرائیونگ لائسنس برانچ کے سامنے (چار دیواری کے اندر)، ضلع جنوبی کلفٹن سینٹر (کور شدہ علاقہ)، سسی آرکیڈ، کلفٹن (کور شدہ علاقہ)،پیراڈائز سینٹر، کلفٹن (کور شدہ علاقہ)، پولو گراؤنڈ، ڈاکٹر ضیاء الدین احمد روڈ (کور شدہ علاقہ) کرسٹل کورٹ، کلفٹن (کور شدہ علاقہ)، بیچ ویو پارکنگ کے درمیان پلاٹ، کلفٹن (کور شدہ علاقہ)، ہائپر اسٹار بیچ ویو پارکنگ، کلفٹن (کور شدہ علاقہ)شامل ہیں۔
شہریوں کی سہولت اور قانون پر عمل درآمد کو یقینی بنانے کے لیے ڈائریکٹر سٹی وارڈن کے ایم سی کو ہدایت جاری کی گئی ہے کہ ان مقامات پر وارڈنز تعینات کیے جائیں۔
.ذریعہ: Express News
کلیدی لفظ: چار دیواری کے اندر ایم اے جناح روڈ راشد منہاس روڈ موبائل مارکیٹ کور شدہ علاقہ شاپنگ مال کے ایم سی کے سامنے
پڑھیں:
شمالی علاقہ جات میں کلاؤڈ برسٹ اور سیلابی ریلوں سے تباہی، 69 افراد جاں بحق
تصاویر بشکریہ جیو نیوزصوبہ خیبرپختونخوا کے مختلف اضلاع، گلگت بلتستان اور آزاد کشمیر میں طوفانی بارشوں، کلاؤڈ برسٹ، لینڈ سلائیڈنگ اور سیلابی ریلوں نے بڑے پیمانے پر تباہی مچادی ہے۔
پرووینشل ڈیزاسٹر مینجمنٹ اتھارٹی (پی ڈی ایم اے) کی جانب سے جاری کیے گئے اعداد و شمار کے مطابق شمالی علاقہ جات میں خراب موسم کے سبب پیش آنے والے مختلف حادثات میں اب تک 69 افراد جاں بحق، کئی زخمی اور متعدد افراد لاپتہ ہیں جن کی تلاش جاری ہے۔
خیبرپختونخوا
شمالی علاقہ جات میں کلاؤڈ برسٹ، بارشوں اور سیلابی ریلوں سے ہونے والے نقصانات کی تفصیلات سے متعلق پی ڈی ایم اے کا کہنا ہے کہ صوبے کے 5 اضلاع میں کلاؤڈ برسٹ اور بارشوں کے باعث 41 افراد جاں بحق ہوئے۔
صوبہ خیبر پختون خوا کے ضلع باجوڑ میں شدید بارش کے سبب سیلاب اور لینڈ سلائیڈنگ کے نتیجے میں 9 افراد جاں بحق جبکہ 4 افراد زخمی ہو گئے۔
باجوڑ میں 21، سوات میں 4، دیر لوئر میں 5، بٹگرام میں 10 اور شانگلہ میں 1 شخص جاں بحق جبکہ باجوڑ میں 8 اور لوئر دیر میں 4 افراد زخمی ہوئے۔
ریسکیو حکام کے مطابق مختلف حادثات میں اب تک 21 افراد کی لاشیں نکال لی گئی ہیں جبکہ مقامی افراد کا کہنا ہے کہ 18 افراد لاپتہ ہیں جن کی تلاش جاری ہے۔
دوسری جانب ضلع مانسہرہ کے علاقے بٹگرام میں رات گئے کلاؤڈ برسٹ سے متعدد افراد ریلے میں بہہ گئے۔
پولیس کے مطابق علاقے میں کئی مکانات تباہ اور بڑی تعداد میں مال مویشی بھی سیلابی ریلے میں بہہ گئے ہیں جن کی تلاش کا کام جاری ہے۔
آزاد کشمیر
آزاد کشمیر کے مختلف علاقوں میں بھی طوفانی بارشوں نے تباہی مچادی۔
مختلف واقعات میں 8 افراد جاں بحق اور 2 افراد زخمی ہوئے جن میں مظفرآباد کے ایک ہی خاندان کے 6 افراد بھی شامل ہیں۔
کلاؤڈ برسٹ سے رتی گلی کی سڑک مختلف مقامات سے بہہ گئی، رتی گلی بیس کیمپ میں متعدد سیاح پھنسے ہوئے ہیں۔
اسسٹنٹ کمشنر بٹگرام کے مطابق نیل بند گاؤں ضلع بٹگرام اور مانسہرہ کی سرحد پر واقع ہے جہاں گزشتہ رات کلاؤڈ برسٹ کے باعث سیلابی صورتحال پیدا ہوئی تھی۔
نیلم اور لوات نالے پر تین، تین رابطہ پل بہہ گئے، آزاد کشمیر کو راولپنڈی سے ملانے والی شاہراہ کوہالہ لینڈ سلائیڈنگ کے باعث بند ہے، مختلف مقامات پر 30 سے زائد مکانات، دکانیں اور دیگر املاک تباہ ہوئیں۔
خراب موسم کے باعث سیاحوں کو واپس جانے سے روک دیا گیا ہے۔
وزیر اطلاعات آزاد کشمیر مظہر سعید کے مطابق سیاحتی مقام رتی گلی میں 5 سو سے زائد سیاح پھنسے ہوئے ہیں، تمام سیاح محفوظ ہیں۔
اٹھ مقام میں لینڈ سلائیڈنگ کے باعث متعدد رابطہ سڑکیں بند ہیں جبکہ شاہراہ نیلم پر ٹریفک کی آمد و رفت متاثر ہے۔
بالائی علاقوں میں بجلی اور فون کا نظام بھی متاثر ہے۔
بارش اور لینڈ سلائیڈنگ کے پیش نظر متاثرہ اضلاع میں آج اور کل تمام سرکاری اور نجی اسکول بند رہیں گے۔
گلگت بلتستان میں لینڈ سلائیڈنگ
گلگت بلتستان میں مختلف حادثات میں 10 افراد جاں بحق ہو گئے۔
غذر میں سیلاب سے 8 اور ضلع دیامر میں 2 بہن بھائی جاں بحق ہوئے۔
مرکزی بجلی گھر نلتر اسٹیشن سیلاب کے باعث تباہ ہو گیا، پاور اسٹیشن بند ہونے سے شہر تاریکی میں ڈوب گیا۔
گلگت بلتستان کی حکومت کے ترجمان کا کہنا ہے کہ سیلاب سے متاثرہ سڑکوں کی بحالی کا کام جاری ہے، سیلاب متاثرہ علاقوں میں امدادی کارروائیاں جاری ہیں۔
ہنزہ میں شیشپر گلیشیئر پگھلنے سے حسن آباد نالے کے دونوں اطراف سے کٹاؤ کا سلسلہ جاری ہے۔
انتظامیہ نے مکانوں کو خالی کرنے کا نوٹس دے دیا ہے۔
پاکستانی کرکٹر حیدر علی کو انگلینڈ میں مانچسٹر پولیس نے حراست میں لے لیا