راولپنڈی: الیکڑانک سگریٹ میں استعمال ہونے والا لیکویڈ اسکول میں پینے سے طالبہ بے ہوش
اشاعت کی تاریخ: 22nd, May 2025 GMT
راولپنڈی کے تھانہ صادق آباد کے علاقے میں 7ویں جماعت کی طالبہ الیکڑانک سگریٹ میں استعمال ہونے والا (فلیورڈ لیکویڈ) اسکول لے آئی جسے مبینہ طور پر پینے سے ایک طالبہ بے ہوش ہوگئی۔
رپورٹ کے مطابق اسکول انتظامیہ نے لیکویڈ اور چھوٹا چاقو تحویل میں لیکر والدین کو طلب کرکے شکایت کی تو انھوں نے اسکول پر دھاوا بول دیا۔
اسکول منتظم کی درخواست پر پولیس نے اسکول پر دھاوا بولنے والوں پر مقدمہ درج کرلیا، مدعیہ میمونہ عباسی نے کہا کہ دختران اسلام سکنڈری سکول خالص بچیوں کی تعلیم کا ارادہ ہے، 19 مئی کو سکول کی ساتویں جماعت کی طالبہ بیگ میں ایک چھوٹا چاقو اور ایک لیکویڈ کی بوتل اسکول لائی، جسکے پینے سے طالبات بے ہوش ہوگئیں جس پر اس کے والدین کو اسکول بلایا۔
مقدمے کے متن کے مطابق 20 مئی کو اسکول میں موجود تھی کہ اچانک تین مرد تین خواتین اور ایک بچی میرے دفتر آگئے، ان میں سے ایک سکول کی طالبہ بھی رھی تھی نے مجھ پر تشدد شروع کردیا کپڑے پھاڑ ڈالے اور پیٹ میں لاتیں ماریں۔
ایف آئی آر کے مطابق دیگر مرد سکول میں سامان کی توڑ پھوڑ کرتے رہے اور سنگین نتائج کی دھمکیاں دیں، اس سے پہلے فون پر بھی دھمکیاں دیں، تمام واقعہ کے ثبوت اور سی سی ٹی و وڈیو فٹیجز بھی موجود ہیں۔
ایس ایچ او صادق آباد احسن تنویر کیانی نے کہا کہ اسکول انتظامیہ کی درخواست پر مقدمہ درج کرلیا گیا ہے تفتیش میں مصروف ہیں۔
.
ذریعہ
ذریعہ: Express News
پڑھیں:
شازیہ مری کا گلگت بلتستان الیکشن میں وفاقی حکومت پر سرکاری وسائل کے استعمال کا الزام
پاکستان پیپلز پارٹی کی سینئر رہنما شازیہ مری نے گلگت بلتستان کے الیکشن میں وفاقی حکومت پر اثر و رسوخ اور سرکاری وسائل کے استعمال کا الزام لگادیا۔
کراچی سے جاری بیان میں شازیہ مری نے کہا کہ گلگت بلتستان میں وفاقی وزراء کی انتخابی مہم میں موجودگی اور سرکاری مشینری کا استعمال تشویشناک ہے۔
چیئرمین پاکستان پیپلز پارٹی ( پی پی پی) بلاول بھٹو زرداری نے کہا ہے کہ دعا گو ہوں کہ جنگ کے خاتمے کےلیے فیلڈ مارشل کی کوششیں کامیاب ہوں۔
انہوں نے کہا کہ انتخابی عمل میں مداخلت شفافیت اور منصفانہ انتخابات پر سوالیہ نشان ہے، الیکشن کےلیے لیول پلینگ فیلڈ ناگزیز ہے۔
پی پی پی رہنما نے مزید کہا کہ بلاول بھٹو کے فارم 45 اور فارم 47 سے متعلق بیان کو سیاق و سباق سے ہٹ کر پیش کیا جا رہا ہے۔
ان کا کہنا تھا کہ بلاول بھٹونے عوام کو یاد دلایا کہ گزشتہ انتخابات میں پیپلز پارٹی کی 9 نشستیں چھینی گئی تھیں، پی پی چیئرمین نے عوام سے کہا تھا کہ اپنے ووٹ اور فارم 45 کی حفاظت کریں۔
شازیہ مری نے یہ بھی کہا کہ درست فارم 45 کی موجودگی میں کسی کو عوامی مینڈیٹ چرانے کا موقع نہیں مل سکتا، فارم 45 انتخابی نتائج کی بنیاد ہے، اسی کے بعد فارم 47 جاری کیا جاتا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ