لاہور میں خودکشیوں میں تشویشناک اضافہ
اشاعت کی تاریخ: 23rd, May 2025 GMT
سٹی42: شہر لاہور میں خودکشی کے واقعات میں خطرناک حد تک اضافہ دیکھنے میں آ رہا ہے۔ ایدھی فاؤنڈیشن کے ترجمان کے مطابق مئی 2025 کے پہلے 23 دنوں کے دوران مختلف وجوہات کی بنا پر 12 افراد نے خودکشی کر لی جن میں 11 مرد اور ایک خاتون شامل ہیں۔
ایدھی ذرائع کے مطابق خودکشی کے اہم واقعات میں2 مئی، برکی میں 40 سالہ امداد حسین نے خود کو گولی مار لی۔ 2 مئی کاہنہ میں 22 سالہ آفتاب نے زہریلی گولیاں کھا کر خودکشی کی، 5 مئی کو شیرا کوٹ میں 40 سالہ رضا عباس نے سر میں گولی مار کر جان دے دی، 6 مئی کو ہربنس پورہ میں 30 سالہ عمر نے سینے میں گولی مار کر خودکشی کی 13 مئی کو سندر میں سابق کسٹم افسر عثمان نے اہلیہ کو زخمی کرنے کے بعد خودکشی کر لی، 16 مئی کو باغبانپورہ میں 40 سالہ عبدالغفار نے زہریلی گولیاں کھا لیں۔
اس کے علاوہ 18 مئی کو شادباغ میں 35 سالہ نجمہ بی بی نے خود سوزی کی، 18 مئی کو نشتر کالونی میں 21 سالہ عادل نے گلے میں پھندا ڈال کر جان دی، 19 مئی کو باٹا پور میں نعمان نے 24 سالہ نمرہ کو زخمی کرنے کے بعد خودکشی کر لی، 20 مئی کو شیرا کوٹ میں سفیان نے زہریلی گولیاں کھا لیں، 20 مئی کو باٹا پور میں 22 سالہ نعمان نے عشق میں ناکامی پر خودکشی کر لی اور 21 مئی کو چائنہ سکیم میں 35 سالہ زوہیب نے آرے سے شہ رگ کاٹ کر جان دے دی۔
برطانیہ: بارشیں نہ ہونے سے خشک سالی کاخطرہ پیداہوگیا
ایدھی ترجمان کے مطابق ان افسوسناک واقعات کے پیچھے گھریلو جھگڑے، ذہنی دباؤ، مالی مشکلات اور ذاتی نوعیت کے محرکات شامل ہیں۔
دوسری جانب ماہرین نفسیات کا کہنا ہے کہ خودکشی کے بڑھتے واقعات معاشرے میں ذہنی صحت کے بحران کی نشان دہی کرتے ہیں۔
.ذریعہ: City 42
کلیدی لفظ: سٹی42 خودکشی کر لی مئی کو
پڑھیں:
امریکا میں اسرائیلی سفارتکاروں کی ہلاکت، ملزم پر فرسٹ ڈگری قتل کا الزام عائد
22 مئی کو بدھ اور جمعرات کی شب اسرائیلی سفارت خانے کے 2 اہلکاروں کو گولی مار کر ہلاک کرنے والے ملزم پر وفاقی عدالت میں فرسٹ ڈگری قتل کا الزام عائد کیا گیا۔
31 سالہ الیاس روڈریگ نے امریکی ڈسٹرکٹ کورٹ برائے کولمبیا میں اپنی گرفتاری کی سماعت کے دوران کوئی درخواست داخل نہیں کی۔
یہ بھی پڑھیں:واشنگٹن میں اسرائیلی سفارتخانے کے 2 اہلکار قتل، مشتبہ شخص گرفتار
ایف بی آئی کے حلف نامے کے مطابق ملام پر فرسٹ ڈگری کے قتل، غیر ملکی اہلکاروں کے قتل، آتشیں اسلحے کے استعمال کے ذریعے ایک شخص کی موت اور تشدد کے جرم کے دوران آتشیں اسلحہ استعمال کرنے کا الزام ہے۔
حلف نامے میں کہا گیا ہے کہ الیاس روڈریگز نے واشنگٹن کے کیپٹل جیوش میوزیم کے باہر 2 افراد کو گولی مار کر ہلاک کیا، جہاں امریکن جیوش کمیٹی کی جانب سے ایک تقریب منعقد کی جا رہی تھی۔
یاد رہے کہ 22 مئی کو بدھ اور جمعرات کی درمیانی شب اسرائیلی سفارت خانے کے عملے کے 2 ارکان کو بدھ کی رات واشنگٹن کے کیپٹل جیوش میوزیم کے باہر گولی مار کر ہلاک کر دیا گیا تھا۔
پاکستانی عازمین حج کے لیے بڑی سہولت متعارف کرا دی گئی