کراچی میں کوروناوائرس سے 4 افراد ہلاک
اشاعت کی تاریخ: 23rd, May 2025 GMT
کراچی میں کم از کم چار افراد کوروناوائرس سے جاں بحق ہو چکے ہیں۔
تفصیلات کے مطابق یہ تمام افراد معمر اور پہلے سے موجود طبی مسائل جیسے کمزور مدافعتی نظام کا شکار تھے۔
تمام اموات آغا خان یونیورسٹی اسپتال میں رپورٹ ہوئیں جہاں کورونا کے مریضوں کی تعداد میں مسلسل اضافہ ہو رہا ہے۔
ماہرین صحت نے اس موسم گرما میں کورونا کیسز میں اضافے کو "غیر معمولی" قرار دیا ہے کیونکہ عام طور پر اس موسم میں وائرس کی سرگرمی کم ہوتی ہے۔
آغا خان اسپتال کے ماہر متعدی امراض پروفیسر ڈاکٹر سید فیصل محمود کے مطابق اسپتال میں روزانہ کی بنیاد پر کورونا کے مریض داخل ہو رہے ہیں جو تشویشناک رجحان ہے۔
جاں بحق ہونے والوں میں سے اکثر کو پہلے سے موجود صحت کے مسائل لاحق تھے جو وائرس کے خلاف ان کی مزاحمت کو مزید کمزور کرتے ہیں۔
ماہرین صحت عوام کو درج ذیل احتیاطی تدابیر اختیار کرنے کی ہدایت کرتے ہیں:
1) بھیڑ بھاڑ والے مقامات پر ماسک کا استعمال کریں۔
2) ہاتھوں کی صفائی کا خاص خیال رکھیں اور سینیٹائزر کا استعمال کریں۔
3) ویکسینیشن اور بوسٹر ڈوز مکمل کروائیں، خاص طور پر معمر افراد اور کمزور مدافعتی نظام رکھنے والے افراد۔
4) اگر آپ یا آپ کے آس پاس کسی کو نزلہ، زکام یا بخار کی علامات ہوں تو فوری طور پر ٹیسٹ کروائیں اور خود کو قرنطینہ کریں۔
واضح رہے کہ یہ حالیہ اموات اس بات کی یاد دہانی ہیں کہ کورونا وائرس ابھی مکمل طور پر ختم نہیں ہوا اور ہمیں مسلسل احتیاط برتنے کی ضرورت ہے۔
.ذریعہ: Express News
پڑھیں:
بھارتی فضائیہ کے دو اہلکار جھیل میں ڈوب کر ہلاک
بھارتی ریاست اتراکھنڈ میں شدید بارشوں کے دوران بھیم تال جھیل میں پانی کی سطح بلند ہونے کے باعث بھارتی فضائیہ (IAF) کے دو اہلکار ڈوب کر ہلاک ہوگئے۔
کشمیر میڈیا سروس کے مطابق پولیس نے بتایا کہ جھیل سے دونوں لاشیں نکال لی گئیں جن کی شناخت 22 سالہ پرنس یادو اور 23 سالہ ساہل کمار کے ناموں سے ہوئی۔
دونوں اہلکار بالترتیب ریاست پنجاب اور بہار کے رہائشی تھے اور اپنے اہل خانہ کے ہمراہ سیاحت کی غرض سے نینی تال آئے ہوئے تھے۔
اہلکاروں کے ساتھ آئے ہوئے دیگر 6 افراد محفوظ ہیں جن میں 4 خواتین شامل ہیں۔ اہل خانہ نے شکوہ کیا کہ ریسکیو آپریشن تاخیر سے شروع کیا گیا۔
ریسکیو ٹیم کے پہنچنے سے پہلے لاشیں نکالنے کے لیے مقامی افراد نے دونوں اہلکاروں کو نکالنے کی کوششں کی لیکن ناکام رہے۔
ریاستی پولیس نے ضابطے کی کارروائی کے بعد لاشیں لواحقین کے حوالے کردیں۔
بھارتی ریاست اتراکھنڈ میں ہونے والی شدید بارشوں کے باعث دریاؤں میں طغیانی ہے اور 100 سے زائد مرکزی شاہراہیں زیر آب آگئیں۔
اہل بیت اورصحابہ سے محبت رکھنا ایمان کا حصہ ہے ،دعوت اسلامی