ماہرہ نے فلمی پوسٹر سے تصویر ہٹانے کو چھوٹی حرکت قرار دے دیا
اشاعت کی تاریخ: 24th, May 2025 GMT
فلم رئیس سے بالی ووڈ میں انٹری دینے والی پاکستانی سُپر اسٹار ماہرہ خان نے رئیس کے پوسٹر سے اپنی تصویر ہٹائے جانے پر ردعمل دے دیا۔
انہوں نے کہا کہ مجھے یہ دیکھ کر ہنسی آئی، یہ بہت چھوٹی حرکت ہے۔
ماہرہ خان ان دنوں اپنی آنے والی فلم لو گرو کی ملکی و غیر ملکی سطح پر ہونے والی تشہیری مہم میں مصروف ہیں۔ اس دوران انہوں نے صحافیوں سے بھی گفتگو کی۔
View this post on InstagramA post shared by Pakistani.
ایک انٹرویو کے دوران صحافی نے سوال پوچھا کہ فلم رئیس کے پوسٹر سے آپ کی تصویر ہٹا دی گئی کیا آپ کو بُرا لگا؟
صحافی کے سوال پر خوبرو اداکارہ ہنس پڑیں اور کہنے لگیں کہ بالکل بھی نہیں، مجھے ایک لمحے کےلیے بھی بُرا نہیں لگا۔ میرے خیال میں یہ بہت چھوٹی اور بیوقوفانہ چیز ہے جو بھارت نے کی ہے۔
View this post on InstagramA post shared by Galaxy Lollywood (@galaxylollywood)
بھارت میں کام کرنے سے متعلق سوال پر اداکارہ نے کہا کہ ہمیں اپنی انڈسٹر کو بہتر بنانے ضرورت ہے اور فلمی صنعت کو بہتر بنانے کےلیے ضروری ہے کہ حکومت تعاون کرے، دنیا بھر میں فلم انڈسٹری کےلیے بجٹ مختص کیا جاتا ہے اور اسی طرح فلمیں ترقی کرتی ہیں۔ ہمارے یہاں بھی اس کی ضرورت ہے کہ حکومت اس جانب توجہ دے۔
انہوں نے مزید کہا کہ اس وقت بحیثیت قوم یہ ضروری ہے کہ اپنے اندر موجود کمی کو پورا کریں خامی کو دور کریں۔
Post Views: 5ذریعہ: Daily Mumtaz
پڑھیں:
بلوچستان حکومت کا نو عمر قیدیوں کیلئے علیحدہ جیل بنانے کا فیصلہ
کوئٹہ جیل فائل فوٹوبلوچستان حکومت نے نو عمر قیدیوں کےلیے علیحدہ جیل بنانے کا فیصلہ کرلیا ہے۔
محکمہ جیل حکام کے مطابق صوبائی دارالحکومت کوئٹہ میں 75 کروڑ روپے کی لاگت سے جیل کی تعمیر کا کام جلد شروع ہوگا۔
محکمہ جیل حکام کے مطابق فی الحال سریاب روڑ پر نو عمر قیدیوں کےلیے عارضی جیل بنائی جائے گی۔
حکام کے مطابق نو عمر قیدیوں کی ماڈل جیل میں اسکول اور ہنر سکھانے کے لیے مرکز بنایا جائے گا۔
اپر کوہستان مالیاتی اسکینڈل: گرفتار پولیس اہلکار 13 روزہ جسمانی ریمانڈ پر نیب کے حوالے