کے الیکٹرک کیلیے 7 سالہ ٹیرف منظور؛ 43 ارب کے یوز آف سسٹم چارجز وصولی کی اجازت
اشاعت کی تاریخ: 24th, May 2025 GMT
اسلام آباد:
کے الیکٹرک کے لیے 7 سالہ نیا ٹیرف منظور کرلیا گیا، جس میں کراچی کو بجلی فراہم کرنے والی کمپنی کو 43 ارب روپے سے زائد کے یوز آف سسٹم چارجز ریونیو کی اجازت دے دی گئی۔
نیشنل الیکٹرک پاور ریگولیٹری اتھارٹی (نیپرا) نے کے الیکٹرک کے لیے مالی سال 2023 سے 2030 تک کے لیے 7 سالہ ملٹی ایئر ٹیرف (Multi-Year Tariff) کی منظوری دے دی ہے، جس کے تحت صارفین کے لیے فی یونٹ بجلی کی قیمت میں اوسطاً 3.
نیپرا کے مطابق سال 2024-25 کے لیے کے الیکٹرک کے ڈسٹری بیوشن نظام سے 50.284 ارب روپے کی آمدنی کا ہدف مقرر کیا گیا ہے، جب کہ 43.447 ارب روپے کی یوز آف سسٹم چارجز ریونیو کی بھی منظوری دی گئی ہے۔ ان چارجز کا صارفین پر فی یونٹ تقریباً 3.30 روپے اثر متوقع ہے۔
تاہم نیپرا کا کہنا ہے کہ یہ فیصلہ صارفین کے موجودہ بجلی بلوں پر کسی اضافی بوجھ کا باعث نہیں بنے گا کیونکہ ملک بھر میں یکساں ٹیرف پالیسی کے تحت صارفین سے بلوں کی وصولی جاری رہے گی۔
ریٹرن آن ایکوٹی کے حوالے سے کے الیکٹرک کی درخواست کا بھی جائزہ لیا گیا۔ کمپنی نے ڈسٹری بیوشن سیکٹر کے لیے 16 فیصد ریٹرن آن ایکوٹی کی درخواست دی تھی، تاہم نیپرا نے 14 فیصد ریٹرن آن ایکوٹی کی منظوری دی ہے۔ اسی طرح ٹرانسمیشن سیکٹر کے لیے 15 فیصد کی درخواست کے مقابلے میں 12 فیصد ریٹرن آن ایکوٹی منظور کی گئی ہے۔
نیپرا نے اس بات کی وضاحت بھی کی ہے کہ کے الیکٹرک کو دی گئی مالی منظوری میں کچھ تبدیلی ممکن ہے، بشرطیکہ کمپنی سرمایہ کاری کے منصوبوں پر عمل درآمد کے لیے باقاعدہ منظوری حاصل کرے۔
ذریعہ
ذریعہ: Express News
کلیدی لفظ: کے الیکٹرک کے لیے
پڑھیں:
کیا فواد خان نے بھی سرجری کروالی؟ نئی تصاویر پر سوشل میڈیا پر بحث
پاکستانی شوبز انڈسٹری کے معروف اداکار اور گلوکار فواد خان ایک بار پھر اپنے منفرد انداز کی وجہ سے سوشل میڈیا پر توجہ کا مرکز بن گئے ہیں۔ حال ہی میں ان کی نئی تصاویر سامنے آئیں، جن میں ان کی شخصیت اور چہرے کے خدوخال پہلے کے مقابلے میں کچھ مختلف دکھائی دیے، جس کے بعد مداحوں کے درمیان دلچسپ بحث چھڑ گئی۔
سوشل میڈیا پر وائرل ہونے والی ان تصاویر نے چند ہی لمحوں میں صارفین کی توجہ حاصل کرلی۔ متعدد افراد نے فواد خان کے نئے انداز پر اپنے خیالات کا اظہار کیا، جبکہ تصاویر مختلف پلیٹ فارمز پر تیزی سے گردش کرنے لگیں۔
بعض مداحوں کا کہنا ہے کہ فواد خان ہر روپ میں پرکشش دکھائی دیتے ہیں اور ان کی شخصیت ہمیشہ کی طرح متاثر کن ہے۔ کچھ صارفین نے رائے دی کہ اداکار کے نئے چہرے کے نقوش معروف ترک اداکاروں سے کافی حد تک مشابہت رکھتے ہیں، جس کی وجہ سے ان کا انداز مزید منفرد محسوس ہو رہا ہے۔
View this post on Instagramدوسری جانب کچھ سوشل میڈیا صارفین نے اس نئے لک پر تنقید بھی کی۔ ان کا دعویٰ تھا کہ فواد خان نے کم عمر دکھائی دینے کے لیے ممکنہ طور پر مختلف کاسمیٹک یا سرجیکل طریقۂ کار اختیار کیے ہیں، تاہم اداکار کی جانب سے ان قیاس آرائیوں پر کوئی ردعمل سامنے نہیں آیا۔
اگرچہ تصاویر پر مختلف آرا سامنے آرہی ہیں، لیکن فواد خان کا نیا انداز ایک بار پھر ثابت کر گیا کہ وہ جہاں بھی نظر آئیں، مداحوں اور سوشل میڈیا صارفین کی توجہ اپنی جانب مبذول کر ہی لیتے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار