سکھ تنظیم کی ننکانہ صاحب پر بھارتی ڈرون حملے کے خلاف عالمی عدالت میں شکایت
اشاعت کی تاریخ: 24th, May 2025 GMT
دی ہیگ:سکھوں کی بین الاقوامی تنظیم مار MAAR نے ننکانہ صاحب پر بھارتی ڈرون حملے کے خلاف عالمی فوجداری عدالت میں شکایت درج کراتے ہوئے تحقیقات کا مطالبہ کیا ہے۔
سکھ تنظیم کی شکایت میں کہا گیا ہے کہ بھارت نے مقدس مقام ننکانہ صاحب کو نشانہ بنا کر بین الاقوامی انسانی قوانین کی سنگین خلاف ورزی کی ہے۔
تنظیم کا کہنا ہے کہ 7 اور 8 اپریل کی درمیانی شب بھارتی افواج نے ننکانہ صاحب پر ڈرون حملے کی کوشش کی، جسے پاکستانی افواج نے بروقت کارروائی کرتے ہوئے پسپا کر دیا، یہ سکھ برادری کی مذہبی آزادی پر بھارت کا حملہ ہے۔
سکھ تنظیم نے عالمی برادری کو یاد دلایا کہ بھارت ماضی میں بھی 1971 میں کرتارپور صاحب پر بمباری کر چکا ہے جو کہ سکھ قوم کے لیے ناقابلِ فراموش سانحہ ہے، بھارت بار بار سکھوں کے مقدس مذہبی و ثقافتی مقامات کو نشانہ بنا کر عالمی قوانین کی دھجیاں اڑا رہا ہے۔
شکایت میں کہا گیا ہے کہ مذہبی عبادت گاہیں بین الاقوامی انسانی قوانین کے تحت تحفظ یافتہ ہیں اور کسی بھی سیاسی یا عسکری کشیدگی کے دوران ان کا تحفظ لازم ہے،عالمی فوجداری عدالت بھارت کے ان اقدامات کی مکمل تحقیقات کرے اور ذمہ داروں کے خلاف کارروائی عمل میں لائی جائے۔
سکھ تنظیم نے عالمی برادری سے اپیل کی ہے کہ وہ مذہبی رواداری اور اقلیتوں کے حقوق کے تحفظ کے لیے بھارت پر دباؤ ڈالے تاکہ ایسے حملوں کا سلسلہ روکا جا سکے۔
Post Views: 4.
ذریعہ: Daily Mumtaz
کلیدی لفظ: ننکانہ صاحب سکھ تنظیم
پڑھیں:
اسلام آباد ٹریفک پولیس کی زیرو ٹالرینس مہم، ایک ہفتے میں 112 مقدمات، ہزاروں جرمانے
آئی جی اسلام آباد سید علی ناصر رضوی کی ہدایت پر اسلام آباد ٹریفک پولیس کی جانب سے جاری خصوصی انفورسمنٹ مہم کے دوران ٹریفک قوانین کی خلاف ورزیوں پر سخت کارروائی جاری ہے۔
ترجمان اسلام آباد پولیس کے مطابق ایک ہفتے کے دوران 112 مقدمات کا اندراج کیا گیا جبکہ 1,119 موٹر سائیکلیں اور 412 گاڑیاں تھانوں میں بند کی گئیں۔
مہم کے دوران ڈرون ٹیکنالوجی کے ذریعے نگرانی کرتے ہوئے مختلف خلاف ورزیوں پر 48 ڈرائیورز کو جرمانے عائد کیے گئے۔ ترجمان کے مطابق لین خلاف ورزی پر 845، بغیر لائسنس کے 76، ٹرپل سواری پر 11 جبکہ 23 کم عمر ڈرائیورز کو بھی بھاری جرمانے کیے گئے۔
مزید پڑھیں: اسلام آباد ٹریفک پولیس کی شہری سے بدتمیزی: ‘تصویر کا دوسرا رخ بھی دیکھ لیا کریں’
علاوہ ازیں، مخالف سمت میں گاڑی چلانے پر 923، بغیر ہیلمٹ کے 1,007، اور غیر قانونی پارکنگ پر 2,766 افراد کو چالان کیا گیا۔
چیف ٹریفک آفیسر (سی ٹی او) کیپٹن (ر) سید ذیشان حیدر نے کہا کہ ٹریفک قوانین کی خلاف ورزی پر زیرو ٹالرینس پالیسی اختیار کی گئی ہے اور بلا تفریق کارروائیاں جاری رکھی جائیں گی۔ انہوں نے ٹریفک اہلکاروں کو ہدایت کی ہے کہ یقینی بنائیں کوئی بھی شخص بغیر ڈرائیونگ لائسنس کے سڑک پر نہ آئے۔
سی ٹی او اسلام آباد نے شہریوں سے اپیل کی ہے کہ ٹریفک اہلکاروں کے ساتھ تعاون کریں اور قوانین کی پابندی کو یقینی بنائیں تاکہ دارالحکومت میں محفوظ اور منظم ٹریفک نظام قائم رکھا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی جی اسلام آباد سید علی ناصر رضوی اسلام آباد ٹریفک پولیس ٹریفک قوانین چیف ٹریفک آفیسر کیپٹن (ر) سید ذیشان حیدر
مری مال روڈ پر تاجر گروپوں میں تصادم، فائرنگ اور پتھراؤ سے سیاحوں میں خوف و ہراس