25 کروڑ کی آبادی کا پانی روکنا اعلان جنگ تصور کیا جائے گا: رضوان سعید شیخ
اشاعت کی تاریخ: 24th, May 2025 GMT
واشنگٹن (ڈیلی پاکستان آن لائن) امریکہ میں پاکستان کے سفیر رضوان سعید شیخ نے کہا ہے کہ 25 کروڑ کی آبادی کا پانی روکنا اعلان جنگ تصور کیا جائے گا۔
نجی ٹی وی دنیانیوز کے مطابق امریکہ میں میڈیا سے گفتگو کرتے ہوئے رضوان سعید شیخ نے کہا ہے کہ سندھ طاس معاہدے کو یکطرفہ معطل کرنے کی کوئی شق یا گنجائش نہیں، عالمی برادری پانی کو بطور ہتھیار استعمال کی حمایت نہیں کرے گی۔
پاکستان کے سفیر نے کہا ہے کہ پاک بھارت جنگ بندی میں امریکہ نے نمایاں کردار ادا کیا، پاک بھارت کشیدگی میں کمی سے متعلق امریکی قیادت کا کردار قابلِ تحسین ہے۔
انہوں نے کہا ہے کہ امریکی صدر ڈونلڈ ٹرمپ امن کے داعی ہیں، مسئلہ کشمیر کے حل میں پیش رفت سے متعلق امریکی صدر کی کوششوں کی قدر کرتے ہیں، پاکستان کشمیر ی عوام کی امنگوں کے مطابق مسئلے کے مستقل حل کا خواہاں ہے۔
رضوان سعید شیخ نے مزید کہا ہے کہ بھارتی قیادت کے بیانات کشیدگی کو ہوا دینے کا سبب بن رہے ہیں، بھارتی قیادت کے بیانات ہندوتوا کی دہشت گردانہ سوچ کی عکاسی کرتے ہیں، بلوچستان میں بھارت کا کردار کسی سے ڈھکا چھپا نہیں۔
قومی احتساب بیورو نے سہ ماہی وصولیوں کی تفصیلات جاری کر دیں
مزید :.ذریعہ: Daily Pakistan
کلیدی لفظ: رضوان سعید شیخ نے کہا ہے کہ
پڑھیں:
ہم امریکہ کو ایران کیخلاف جارحیت کا اصلی ذمےدار سمجھتے ہیں، جنرل ابوالفضل شکارچی
عرب میڈیا سے اپنی ایک گفتگو میں ایرانی مسلح افواج کے سینئر ترجمان کا کہنا تھا کہ اگر دشمن اپنے دعوے میں سچا ہے اور جمہوری اقدار کا بھی علمبردار ہے تو اسے چاہئے کہ دنیا کو حملہ شدہ اڈے کا معائنہ کرنے کی اجازت دے تاکہ دودھ کا دودھ اور پانی کا پانی ہو جائے۔ اسلام ٹائمز۔ اسلامی جمہوریہ ایران کی مسلح افواج کے سینئر ترجمان جنرل "ابوالفضل شکارچی" نے کہا کہ دشمن اور صیہونی رژیم جان لے کہ اس کا مقابلہ ڈیڑھ ارب مسلمانوں سے ہے جو کبھی بھی ہار قبول نہیں کریں گے۔ انہوں نے ان خیالات کا اظہار عرب میڈیا چینل المیادین سے گفتگو میں کیا۔ اس موقع پر انہوں نے ایران کے خلاف حالیہ دراندازی میں امریکہ کے کردار کا ذکر کیا۔ اس ضمن میں انہوں نے کہا کہ ہم امریکہ کو ایران کے خلاف جارحیت کا اصلی ذمے دار سمجھتے ہیں۔ انہوں نے اسرائیل و امریکہ کے ساتھ 12 روزہ جنگ کا ذکر کرتے ہوئے کہا کہ ہم نے جنگ کے دنوں میں بارھا اس بات پر زور دیا کہ ہم کبھی بھی جارحیت کا آغاز نہیں کریں گے تاہم پہل کرنے والے کو بھیانک سبق ضرور سکھائیں گے۔
جنرل ابوالفضل شکارچی نے مزید کہا کہ فوجی کارروائیوں کے رکنے کے بعد، یہ کہا جا سکتا ہے کہ جنگ بندی تب ہوئی جب دشمن کو ہماری افواج کی جانب سے شدید نقصان پہنچا۔ انہوں نے قطر سے دوستی کا یقین دلاتے ہوئے اس بات کو بھی چھیڑا کہ ہماری فورسز نے العدید ہوائی اڈے پر حملے کے ذریعے امریکہ کو خاطرخواہ نقصان پہنچایا۔ ایرانی مسلح افواج کے سینئر ترجمان نے کہا کہ اگر دشمن اپنے دعوے میں سچا ہے اور جمہوری اقدار کا بھی علمبردار ہے تو اسے چاہئے کہ دنیا کو حملہ شدہ اڈے کا معائنہ کرنے کی اجازت دے تاکہ دودھ کا دودھ اور پانی کا پانی ہو جائے۔ جنرل ابوالفضل شکارچی نے دشمن کو متنبہ کرتے ہوئے کہا کہ ہماری افواج کسی بھی دراندازی کا جواب دینے کی صلاحیت رکھتی ہیں۔ ہمارا جواب پہلے سے کہیں زیادہ سخت ہو گا جسے ہم عملی طور پر میدان میں ثابت کریں گے۔
ایئرچیف کا تاریخی دورۂ امریکا، ٹیکنالوجی اور متشترکہ تربیت پر اتفاق