550 اسکیمیں مکمل ہو چکیں، اگلے سال 600 سے زائد مکمل ہونگی: علی امین گنڈاپور
اشاعت کی تاریخ: 24th, May 2025 GMT
وزیرِ اعلیٰ خیبر پختون خوا علی امین گنڈاپور—فائل فوٹو
وزیرِ اعلیٰ خیبر پختونخوا (کے پی) علی امین گنڈاپور کی زیرِ صدارت سالانہ ترقیاتی پروگرام سے متعلق مشاورتی اجلاس ہوا جس میں ڈی آئی خان ڈویژن کے ترقیاتی منصوبوں کے حوالے سے غور کیا گیا۔
پشاور سے جاری کیے گئے اعلامیے کے مطابق اجلاس میں رواں مالی سال کے منصوبوں کی پیش رفت کا جائزہ لیا گیا۔
وزیرِ اعلیٰ خیبر پختون خوا علی امین گنڈا پور کا کہنا ہے کہ بجٹ کے لیے ہمارے پانچ چھ لوگوں کو بانیٔ پی ٹی آئی سے ملنے دیا جائے۔
اجلاس سے خطاب کرتے ہوئے وزیرِ اعلیٰ کے پی علی امین گنڈاپور نے کہا کہ جاری منصوبوں کی تکمیل کو اولین ترجیح دی جائے گی، ترقیاتی فنڈ کا بڑا حصہ جاری منصوبوں کے لیے مختص ہو گا۔
انہوں نے اجلاس کو بتایا کہ 550 اسکیمیں مکمل ہو چکی ہیں، اگلے سال 600 سے زائد اسکیمیں مکمل ہوں گی، انڈومنٹ فنڈ میں 150 ارب روپے ہیں، صحت و تعلیم ہماری ترجیح ہیں۔
وزیرِ اعلیٰ خیبرپختونخوا نے یہ بھی کہا کہ ضرورت کے مطابق کرائے کی عمارتوں میں تعلیمی ادارے قائم ہوں گے، مراکزِ صحت میں سہولتوں کی فراہمی یقینی بنائی جائے گی۔
.ذریعہ: Jang News
کلیدی لفظ: علی امین گنڈاپور
پڑھیں:
پنجاب کی 94 تحصیلوں میں کیمرے نصب کرنے کے فنڈز جاری
عرفان ملک:پنجاب کی ہرتحصیل اب مکمل طور پر سیف سٹی بننے کے آخری مراحل میں، پنجاب حکومت نے 94 تحصیلوں میں کیمرے نصب کرنے کے فنڈز جاری کر دئیے۔
حکومت پنجاب نے سیف سٹی اتھارٹی کیلئے 15ارب کے فنڈز جاری کر دیئے، کیمروں کی تنصیب کیلئے پوائنٹس کی نشاندہی اور سروے مکمل کر لئے گئے۔
جرائم و حادثات کی مناسبت سے تمام تحصیلوں کی میپنگ کی گئی، نئے کیمروں کی فیڈ کے لئے کوئی نئی بلڈنگ نہیں بنے گی۔
فضائی آلودگی کا وبال، لاہور دنیا کے آلودہ شہروں میں پھر سرفہرست
تحصیل کے تھانوں میں کیمروں کی فیڈ براہ راست جائے گی، تھانوں کی فیڈ مرکزی سینٹرز تک پہنچے گی، لاہور سیف سٹی کا ڈیٹا 6 بیٹا بائیٹ سے بڑھا کر 15 بیٹا کرنے کا فیصلہ کیا گیا۔
3بیٹا بائیٹ کا ڈیٹا فیصل آباد ، ملتان، راولپنڈی کو دیا جائے گا، پنجاب میں سیف سٹی کوریج 30جون 2026 تک مکمل کرلی جائے گی ۔
عالمی بینک نے پاکستان ڈیولپمنٹ اپ ڈیٹ رپورٹ 2025 جاری کردی