وزیر داخلہ سندھ کی چرم قربانی کے حوالے سے تمام اسٹیک ہولڈرز کو اعتماد میں لینے کی ہدایت
اشاعت کی تاریخ: 25th, May 2025 GMT
کراچی:
وزیرداخلہ سندھ، ضیاء الحسن لنجار نے پولیس کو جاری ہدایات میں کہا ہے کہ چرمِ قربانی کے حوالے سے ضابطہ اخلاق پر عمل درآمد اور سیکیورٹی کے تمام اقدامات کو غیر جانبدار بنانے کے لیے تمام اسٹیک ہولڈرز کو اعتماد میں لیا جائے۔
رینج، زونز اور اضلاع کی سطح پر عیدالاضحیٰ 2025 کا کنٹی جینسی پلان ترجیحی بنیادوں پر مرتب کرکے برائے ملاحظہ ارسال کیا جائے تاکہ عوام کے جان و مال کے تحفظ کو یقینی بنایا جا سکے۔
وزیرداخلہ نے ہدایت کی کہ تمام رجسٹرڈ فلاحی و سماجی اداروں، تنظیموں، دینی مدارس اور دیگر اسٹیک ہولڈرز کو حکومتِ سندھ کی جانب سے جاری کردہ ضابطہ اخلاق کی مکمل پابندی کروائی جائے۔ چرمِ قربانی جمع کرنے اور منتقلی کے حوالے سے جاری تحریری اجازت ناموں اور دیگر ضروری دستاویزات کی چھان بین کو بھی کنٹی جینسی پلان کا حصہ بنایا جائے۔
انہوں نے کہا کہ عیدالاضحیٰ سیکیورٹی پلان کے تحت سینٹرل پولیس آفس میں قائم مرکزی کمانڈ اینڈ کنٹرول سینٹر سے وقتاً فوقتاً جاری ہونے والے احکامات پر مکمل عملدرآمد کو یقینی بنایا جائے تاکہ مؤثر مانیٹرنگ کے ذریعے مشکوک سرگرمیوں کا بروقت پتہ چلایا جا سکے اور ممکنہ گھناؤنے عزائم کا سدباب ممکن بنایا جا سکے، یوں امن و امان کی فضا برقرار رہے اور پولیس کا کنٹرول قائم رہے۔
مزید کہا گیا کہ شہر میں قائم زونل، ضلعی کنٹرول رومز اور تھانوں کے وائرلیس کنٹرول رومز کے درمیان روابط کو مزید مربوط اور مؤثر بنایا جائے۔ صوبے بھر کی تمام مساجد، امام بارگاہوں، عیدگاہوں اور نمازِ عید کے کھلے مقامات کی فہرست مرتب کی جائے اور انہیں حساسیت کے درجوں میں تقسیم کرکے وہاں متعلقہ پولیس اور پولیس کمانڈوز کی تعیناتی یقینی بنائی جائے۔
وزیر داخلہ سندھ نے یہ بھی ہدایت کی کہ تھانوں کی سطح پر سادہ لباس اہلکاروں پر مشتمل سرویلنس ٹیمیں تشکیل دی جائیں، جنہیں شاپنگ سینٹرز، پرہجوم عوامی مقامات، مویشی منڈیوں، مختص کردہ پارکنگ لاٹس اور نمازِ عید کے مقامات کے اندرونی و بیرونی حصوں میں تعینات کیا جائے۔
.ذریعہ: Express News
پڑھیں:
گرین پاسپورٹ کی رینکنگ بہتر، سیف سٹی منصوبے کا دائرہ پورے ملک تک پھیلایا جائے گا، محسن نقوی
وفاقی وزیر داخلہ محسن نقوی نے پاکستان کوسٹ گارڈز کی انسداد منشیات اور اسمگلنگ کی کوششوں کو سراہتے ہوئے کہا ہے کہ ملک میں کسی بھی صورت غیر قانونی نقل و حمل کی اجازت نہیں دی جائے گی اور کوسٹ گارڈز کو مضبوط بنانے کے لیے تمام وسائل فراہم کیے جائیں گے۔
کراچی میں کوسٹ گارڈز کے فلیٹ میں 2 نئی کشتیوں کی شمولیت کی تقریب سے خطاب کرتے ہوئے وزیر داخلہ نے کہا کہ اسمگلنگ معیشت کے لیے دیمک ہے، اور حکومت نے 2 سال سے بھی کم عرصے میں اس پر بڑی حد تک قابو پالیا ہے۔
انہوں نے بتایا کہ کچھ عرصہ قبل ملک سے ڈالرز اور دیگر اشیا کی بے دریغ اسمگلنگ ہو رہی تھی، مگر اب سخت اقدامات سے صورت حال تبدیل ہوچکی ہے۔ انہوں نے واضح کیا کہ بارڈرز پر قانون نافذ کرنے والے اداروں کی موجودگی اور فعالیت بڑھائی گئی ہے۔
محسن نقوی نے کہا کہ منشیات کے عادی افراد کی بحالی کے لیے مراکز قائم کرنا وقت کی ضرورت ہے اور وفاقی حکومت اس سلسلے میں بھرپور اقدامات کر رہی ہے۔ انہوں نے کہا کہ کراچی میں جرائم کی شرح میں واضح کمی آئی ہے، تاہم مکمل خاتمے کے لیے مسلسل محنت درکار ہے۔
وزیر داخلہ نے بتایا کہ سیف سٹی پروجیکٹ وزیراعظم کی بھی ترجیح ہے اور اگر کراچی میں یہ منصوبہ مؤثر انداز میں فعال ہو جائے تو جرائم پر قابو پایا جا سکتا ہے، جیسا کہ فیصل آباد اور لاہور میں دیکھا گیا۔
مزید پڑھیں: کیا صدر آصف علی زرداری کو ہٹایا جارہا ہے؟ صحافی کے سوال پر محسن نقوی کا تبصرہ
انہوں نے اس موقع پر ویزا مسائل پر بھی کھل کر بات کی۔ کہا کہ بتایا گیا ہے کہ پاکستانیوں کے ویزے یو اے ای میں مسترد کیے جا رہے ہیں، اس مسئلے کے حل کے لیے وہ پرسوں متحدہ عرب امارات کے وزیر داخلہ سے ملاقات کریں گے۔
محسن نقوی نے کہا کہ ہم نے گرین پاسپورٹ کی عالمی رینکنگ بہتر بنانے پر 2 سال محنت کی ہے، اور کاروباری برادری کو ویزا سمیت دیگر مسائل کے حل کے لیے سنجیدہ اقدامات کیے جا رہے ہیں۔
انہوں نے کہا کہ کویت میں پاکستانیوں کے لیے 19 سال سے بند ویزے کھلوائے گئے ہیں، عمان میں بھی پیشرفت ہوئی ہے، جبکہ بزنس کمیونٹی کے لیے یو اے ای میں جانے کے راستے کھولنے پر کام جاری ہے۔
غیر قانونی تعمیرات کے خلاف جاری کارروائیوں پر بات کرتے ہوئے وزیر داخلہ نے کہا کہ سزا اور جرمانے کے بغیر یہ مسئلہ ختم نہیں ہوسکتا۔ اسلام آباد میں بھاری جرمانے عائد کیے گئے ہیں اور یہی پالیسی تمام صوبوں میں نافذ کی جا رہی ہے۔
محسن نقوی نے کہا کہ تمام صوبوں کو ساتھ لے کر غیر قانونی تعمیرات، جرائم، اور منشیات کے خلاف مربوط کارروائی کی جا رہی ہے، اور وفاقی حکومت ملک کے ہر شہر کو محفوظ بنانے کے لیے پرعزم ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد سیف سٹی فیصل آباد کراچی کوسٹ گارڈز لاہور منشیات وفاقی وزیر داخلہ محسن نقوی
آسان دین کو مشکل بنانے والے کون؟