وینا ملک سے شادی؟ گھر ساتھ خریدا، مگر انجام کچھ اور نکلا! ببرک شاہ کا انکشاف
اشاعت کی تاریخ: 26th, May 2025 GMT
پاکستانی شوبز انڈسٹری کے باصلاحیت اور ورسٹائل اداکار ببرک شاہ نے حال ہی میں اپنی ذاتی زندگی کے ایک ایسے گوشے سے پردہ ہٹایا ہے جس نے ان کے مداحوں کو چونکا دیا۔
نجی ٹی وی کے ٹاک شو میں گفتگو کرتے ہوئے ببرک شاہ نے انکشاف کیا کہ وہ اور اداکارہ وینا ملک شادی کے قریب پہنچ چکے تھے، یہاں تک کہ دونوں نے مشترکہ گھر بھی خرید لیا تھا مگر قسمت کو کچھ اور ہی منظور تھا۔
اپنے انٹرویو میں ببرک شاہ نے بتایا، ’’ہماری شادی اس لیے نہ ہوسکی کیونکہ وینا کسی اور کو پسند کرنے لگی تھی، اور سچ کہوں تو مجھے بھی کسی اور کا ساتھ مل گیا تھا۔‘‘
انہوں نے وینا ملک کی جانب سے ملنے والے قیمتی تحفے کی خبروں کو بھی رد کرتے ہوئے کہا، ’’وینا نے مجھے کوئی جائیداد تحفے میں نہیں دی، بلکہ ہم دونوں نے ایک ساتھ مل کر ایک پراپرٹی خریدی تھی۔ ہمارا ارادہ تھا کہ ایک ایسا مشترکہ گھر بنائیں جیسے محمد علی اور زیبا کا ’علی زیبی ہاؤس‘ تھا۔‘‘
ببرک شاہ نے مزید وضاحت کی، ’’گھر کی تعمیر کا آغاز بھی ہم نے مل کر کیا، لیکن رشتے میں دراڑ آگئی اور ہم الگ ہوگئے۔ میں نے اگلے دس سال میں اپنی سہولت سے گھر مکمل کیا۔ اگرچہ اس کی ملکیت آج بھی قانونی طور پر وینا ملک کے نام پر ہے، مگر میں اس گھر میں رہ رہا ہوں۔‘‘
ان کی اس سچائی بھری گفتگو کو سوشل میڈیا صارفین نے بے حد سراہا۔ ایک مداح نے تبصرہ کیا، ’’ببرک ایک دیانت دار انسان ہیں، انہوں نے کبھی یہ دعویٰ نہیں کیا کہ وہ گھر ان کا ہے۔‘‘ جب کہ ایک اور نے لکھا، ’’یہ دونوں واقعی ایک دوسرے سے دل سے محبت کرتے تھے۔‘‘
وینا ملک کی جانب سے گھر واپس نہ مانگنے کے عمل کو بھی مداحوں نے اُن کی ظرف داری اور شرافت قرار دیا، جبکہ ببرک شاہ کی سچائی کو دل سے سراہا۔
.ذریعہ: Express News
کلیدی لفظ: ببرک شاہ نے وینا ملک
پڑھیں:
شادی کی خوشیاں غم میں بدل گئیں
ویب ڈیسک:سیاحتی مقام کالام مٹلتان میں شادی کی خوشیاں اس وقت مانند پڑ گئیں جب کھانے سےمبینہ طورپر درجنوں افراد کی حالت بگڑ گئی۔ ریسکیو ٹیموں نے موقع پر پہنچ کر متاثرین کو طبی امداد فراہم کی ۔
وادی کالام کے علاقے مٹلتان میں عبدالقیوم نامی شخص کے گھر شادی کی تقریب کے دوران کھانے سے مبینہ طور پر فوڈ پوائزننگ کا واقعہ پیش آیا۔ترجمان ریسکیو کے مطابق تقریباً 45 افراد متاثر ہوئے جن میں خواتین اور بچوں کی بڑی تعداد شامل ہے۔
نیوزی لینڈ کے بیٹرکین ولیمسن کا ٹی 20 فارمیٹ سےریٹائرمنٹ کا اعلان
ریسکیو میڈیکل ٹیموں نے موقع پر ہی بیشتر متاثرین کو ابتدائی طبی امداد فراہم کی، جبکہ آٹھ سے زائد افراد کو کالام اسپتال منتقل کیا گیا۔ڈاکٹروں کے مطابق تمام متاثرین کی حالت خطرے سے باہر ہے۔ضلعی انتظامیہ نے کھانے کی اشیاء کے نمونے حاصل کرکے انہیں لیبارٹری ٹیسٹ کے لیے بھجوا دیا ہے ۔
سندھ: خواتین و طالبات کیلئے اسکوٹی ٹریننگ پروگرام شروع کرنے کا فیصلہ